ਸੂਤਰਾਂ ਮੁਤਾਬਿਕ IPL 2022 ਦੀ ਸ਼ੁਰੂਆਤ 26 ਮਾਰਚ ਤੋਂ ਹੋ ਜਾਵੇਗੀ। ਆਈਪੀਐਲ ਸੀਜ਼ਨ 15 ਦੇ ਮੈਚ ਮੁੰਬਈ, ਪੁਣੇ ਅਤੇ ਅਹਿਮਦਾਬਾਦ ਵਿੱਚ ਖੇਡੇ ਜਾ ਸਕਦੇ ਹਨ। ਵੀਰਵਾਰ ਨੂੰ ਹੋਣ ਵਾਲੀ ਆਈਪੀਐਲ ਗਵਰਨਿੰਗ ਕੌਂਸਲ ਦੀ ਮੀਟਿੰਗ ਵਿੱਚ ਇਸ ਫੈਸਲੇ ਨੂੰ ਮਨਜ਼ੂਰੀ ਦਿੱਤੀ ਜਾ ਸਕਦੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਸਭ ਤੋਂ ਵੱਧ 55 ਮੈਚ ਮੁੰਬਈ ਵਿੱਚ ਖੇਡੇ ਜਾਣਗੇ। 15 ਮੈਚ ਪੁਣੇ ‘ਚ ਅਤੇ 4 ਮੈਚ ਅਹਿਮਦਾਬਾਦ ‘ਚ ਹੋਣਗੇ।ਇਸ ਦੇ ਨਾਲ ਹੀ ਦਸ ਦਈਏ ਕਿ ਪੰਜਾਬ ਕਿੰਗਜ਼ ਨੇ ਮਯੰਕ ਅਗਰਵਾਲ ਨੂੰ 12 ਕਰੋੜ ਚ ਆਈਪੀਐਲ 2022 ਲਈ ਰਿਟੇਨ ਕੀਤਾ ਸੀ। ਹੁਣ ਇਸ ਭਾਰਤੀ ਬੱਲੇਬਾਜ਼ ਨੂੰ ਪੰਜਾਬ ਕਿੰਗਜ਼ ਦਾ ਕਪਤਾਨ ਬਣਾਇਆ ਜਾ ਸਕਦਾ ਹੈ। ਫਰੈਂਚਾਇਜ਼ੀ ਜਲਦੀ ਹੀ ਇਸ ਦਾ ਐਲਾਨ ਕਰੇਗੀ।
ਦੱਸ ਦੇਈਏ ਕਿ ਪੰਜਾਬ ਨੇ ਇੱਕ ਵਾਰ ਵੀ ਆਈਪੀਐਲ ਦਾ ਖਿਤਾਬ ਨਹੀਂ ਜਿੱਤਿਆ ਹੈ। ਪਿਛਲੇ ਸੀਜ਼ਨ ਵਿੱਚ ਟੀਮ ਦੇ ਕਪਤਾਨ ਕੇਐਲ ਰਾਹੁਲ ਸਨ। ਜੋ ਹੁਣ ਲਖਨਊ ਟੀਮ ਦਾ ਹਿੱਸਾ ਹੋਣਗੇ। ਜਦੋਂ ਕੇਐੱਲ ਰਾਹੁਲ ਪਿਛਲੇ ਸੀਜ਼ਨ ਵਿੱਚ ਕਪਤਾਨ ਸਨ ਤਾਂ ਮਯੰਕ ਨੇ ਵੀ ਕੁਝ ਮੈਚਾਂ ਵਿੱਚ ਉਨ੍ਹਾਂ ਦੀ ਗੈਰਹਾਜ਼ਰੀ ਵਿੱਚ ਪੰਜਾਬ ਦੀ ਕਪਤਾਨੀ ਕੀਤੀ ਸੀ। ਮਯੰਕ 2018 ਤੋਂ ਇਸ ਟੀਮ ਦਾ ਹਿੱਸਾ ਹਨ।