ਮੋਹਾਲੀ 4 ਮਈ : – ਪੰਜਾਬ ਸਰਕਾਰ ਅਤੇ ਸਿੱਖਿਆ ਵਿਭਾਗ ਵੱਲੋਂ ਪ੍ਰਾਈਵੇਟ ਸਕੂਲ ਤੇ ਵੱਧ ਰਹੀਆਂ ਜਿਆਦਤੀਆਂ ਦਾ ਟਾਕਰਾ ਕਰਨ ਲਈ ਪ੍ਰਾਈਵੇਟ ਸਕੂਲਾਂ ਦੀਆਂ ਦੋ ਪ੍ਰਮੁੱਖ ਜੱਥੇਬੰਦੀਆਂ ਰਾਸਾ ਯੂ.ਕੇ. ਅਤੇ ਰਾਸਾ ਪੰਜਾਬ ਮਾਨ ਦੀ ਸਟੇਟ ਪੱਧਰ ਦੀ ਕੋਰ ਕਮੇਟੀਆਂ ਦੀ ਸਾਂਝੀ ਮੀਟਿੰਗ ਵਿੱਚ ਪ੍ਰਾਈਵੇਟ ਸਕੂਲਾਂ ਦੀਆਂ ਮੰਗਾਂ ਤੇ ਸਰਕਾਰ ਦੀਆਂ ਜਿਆਦਤੀਆਂ ਵਿਰੂੱਧ ਲੜਨ ਲਈ ਹਰਪਾਲ ਸਿੰਘ ਰਾਸਾ ਯੂ.ਕੇ., ਤੇ ਡਾ. ਰਵਿੰਦਰ ਸਿੰਘ ਮਾਨ ਦੀ ਸਾਂਝੀ ਮੀਟਿੰਗ ਹੋਈ ।

ਮੀਟਿੰਗ ਵਿੱਚ ਪੰਜਾਬ ਦੇ ਪ੍ਰਾਈਵੇਟ ਸਕੂਲਾਂ ਨੂੰ ਦਰਪੇਸ਼ ਮੁਸ਼ਕਲਾਂ ਦਾ ਵਿਸਥਾਰਪੂਰਵਕ ਵਿਚਾਰ ਵਟਾਦਰਾਂ ਕੀਤਾ ਗਿਆ। ਮੀਟਿੰਗ ਵਿੱਚ ਇਸ ਗੱਲ ਤੇ ਖੁਸ਼ੀ ਪ੍ਰਗਟ ਕੀਤੀ ਗਈ ਕਿ ਸਕੂਲਾਂ ਨੂੰ ਦਰਪੇਸ਼ ਮਸਲਿਆਂ ਦੇ ਹੱਲ ਲਈ ਦੋਹਾਂ ਰਾਸਾ ਵਲੋਂ ਨਿਭਾਏ ਜਾ ਰਹੇ ਰੋਲ ਦੀ ਪੰਜਾਬ ਦੇ ਸਮੂਹ ਪ੍ਰਾਈਵੇਟ ਸਕੂਲਾਂ ਵੱਲੋਂ ਬਹੁਤ ਤੱਸਲੀਬਖਸ਼ ਫੀਡਬੈਕ ਆ ਰਹੀ ਹੈ। ਡਾ ਮਾਨ ਅਤੇ ਸ੍ਰੀ ਯੂ.ਕੇ ਵੱਲੋਂ ਜਾਰੀ ਇਕ ਸਾਂਝੇ ਬਿਆਨ ’ਚ ਕਿਹਾ ਗਿਆ ਕਿ ਸਮੇਂ ਦੀਆਂ ਸਰਕਾਰਾਂ ਦਾ ਪ੍ਰਾਈਵੇਟ ਸਕੂਲਾਂ ਪ੍ਰਤੀ ਵਤੀਰਾ ਉਸਾਰੂ ਨਹੀਂ ਹੈ। ਇਸ ਮਾਹੌਲ ਨੂੰ ਦੇਖਦੇ ਹੋਏ ਦੋਹਾਂ ਐਸੋਸੀਏਸ਼ਨਾਂ ਦਾ ਆਪਸੀ ਰਲੇਵਾਂ ਕਰਨ ਦਾ ਫੈਸਲਾ ਕੀਤਾ ਗਿਆ ਤਾਂ ਕਿ ਪ੍ਰਾਈਵੇਟ ਸਕੂਲ ਸੈਕਟਰ ਵਿਚ ਦਰਪੇਸ਼ ਮਸਲਿਆਂ ਨੂੰ ਹੱਲ ਕੀਤਾ ਜਾ ਸਕੇ। ਇਸ ਗੱਲ ਦਾ ਪੰਜਾਬ ਭਰ ਦੇ ਸਕੂਲ ਪ੍ਰਬੰਧਕਾਂ ਵਿਚ ਏਕਤਾ ਦਾ ਉਤਸ਼ਾਹ ਪੂਰਵਕ ਸੰਦੇਸ਼ ਜਾਵੇਗਾ।
ਇਸ ਮੀਟਿੰਗ ਵਿੱਚ ਹਾਜਰ ਰਾਸਾ ਯੂ.ਕੇ. ਦੇ ਚੇਅਰਮੈਨ ਹਰਪਾਲ ਸਿੰਘ, ਐਚ.ਐਸ. ਕਠਾਨੀਆ, ਰਵੀ ਸ਼ਰਮਾ ਜੀ, ਰਵੀ ਪਠਾਨੀਆ, ਚਰਨਜੀਤ ਸਿੰਘ ਹੁੰਦਲ, .ਕੁਲਜੀਤ ਸਿੰਘ ਬਾਠ, ਗੁਰਮੁੱਖ ਸਿੰਘ ਅਤੇ ਨਿਸ਼ਾਨ ਸਿੰਘ ਅਰਜਨ ਮਾਂਗਾ, ਜਸਬੀਰ ਸਿੰਘ, ਦਿਲਬਾਗ ਸਿੰਘ ਅਤੇ ਮਨਜੀਤ ਸਿੰਘ ਤੋਂ ਇਲਾਵਾ ਰਾਸਾ ਮਾਨ ਦੇ ਸ. ਰਵਿੰਦਰ ਸਿੰਘ ਮਾਨ, ਰਵਿੰਦਰ ਸ਼ਰਮਾ , ਸੁਖਮਿੰਦਰ ਸਿੰਘ ਮੋਗਾ ਜੀ, ਹਰਜੀਤ ਸਿੰਘ ਮੁਕਤਸਰ ਅਤੇ ਨਰਿੰਦਰ ਸਿੰਘ ਕੇਸਰ ਫਿਰੋਜਪੁਰ ਆਦਿ ਸਮੂਹ ਮੈਂਬਰਾਂ ਨੇ ਸਰਬ ਸੰਮਤੀ ਨਾਲ ਰਲੇਵੇ ਦੇ ਇਸ ਫੈਸਲੇ ਨੂੰ ਇਤਹਾਸਿਕ ਦੱਸਿਆ ਅਤੇ ਅੱਗੇ ਤੋਂ ਦਿਲੋਂ ਰਲ ਕੇ ਕੰਮ ਕਰਨ ਦਾ ਫੈਸਲਾ ਕੀਤਾ ਅਤੇ ਇਹ ਵੀ ਫੈਸਲਾ ਕੀਤਾ ਗਿਆ ਕਿ ਇਸ ਤੋਂ ਅੱਗੇ ਵੱਡੀ ਜਨਰਲ ਹਾਊਸ ਮੀਟਿੰਗ ਵਿਚ ਬਾਕੀ ਸਕੂਲ ਐਸੋਸੀਏਸ਼ਨਾਂ ਨਾਲ ਰਾਬਤਾ ਕਾਇਮ ਕਰਕੇ, ਪ੍ਰਾਈਵੇਟ ਸਕੂਲਾਂ ਦੇ ਹੱਕਾਂ ਲਈ ਸੜਕ ਤੋਂ ਉੱਚ ਅਦਾਲਤਾਂ ਤੱਕ ਲੜਾਈ ਲੜਣ ਲਈ, ਲੀਗਲ ਟੀਮ ਦੀਆਂ ਸਲਾਹਾਂ ਲੈ ਕੇ, ਕੁਲ ਹਿੰਦ ਪੱਧਰ ਤੇ ਪ੍ਰਾਈਵੇਟ ਸੂਕਲਾਂ ਦਾ ਇਕ ਗਤੀਸ਼ੀਲ ਸੰਗਠਨ ਬਣਾਉਣ ਲਈ ਵਿਚਾਰਾਂ ਕੀਤੀਆ ਜਾਣਗੀਆਂ।












