ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਨੀਆ ਦੇ ਸਭ ਤੋਂ ਚਹੇਤੇ ਨੇਤਾ ਬਣ ਗਏ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਯੂਟਿਊਬ ‘ਤੇ 1 ਕਰੋੜ ਸਬਸਕ੍ਰਾਈਬਰ ਹੋ ਗਏ ਹਨ। ਇਸ ਦੇ ਨਾਲ ਹੀ ਪੀ.ਐਮ ਮੋਦੀ ਦੁਨੀਆ ਦੇ ਪਹਿਲੇ ਨੇਤਾ ਬਣ ਗਏ ਹਨ ਜਿਨ੍ਹਾਂ ਦੇ ਕਰੋੜ ਸਬਸਕ੍ਰਾਈਬਰ ਹਨ।
ਦਸ ਦਈਏ ਕਿ ਮੋਦੀ ਦਾ ਯੂ-ਟਿਊਬ ਚੈਨਲ ‘ਨਰਿੰਦਰ ਮੋਦੀ’ ਦੇ ਨਾਂ ‘ਤੇ ਹੈ। ਪੀ.ਐਮ ਮੋਦੀ 26 ਅਕਤੂਬਰ 2007 ਨੂੰ ਯੂਟਿਊਬ ‘ਤੇ ਆਏ ਸਨ ਅਤੇ ਉਨ੍ਹਾਂ ਨੇ 4 ਸਾਲ ਬਾਅਦ ਪਹਿਲੀ ਵੀਡੀਓ 18 ਮਾਰਚ 2011 ਨੂੰ ਅਪਲੋਡ ਕੀਤੀ ਸੀ। ਇਹ ਵੀਡੀਓ ਗੁਜਰਾਤ ਬਜਟ 2011-12 ਦਾ ਸੀ। ਇਸ ਵੀਡੀਓ ਨੂੰ 35,375 ਵਾਰ ਦੇਖਿਆ ਜਾ ਚੁੱਕਾ ਹੈ। ਇਸ ਨੂੰ 1400 ਲਾਈਕਸ ਮਿਲ ਚੁੱਕੇ ਹਨ।
ਭਾਰਤ ਵਿੱਚ ਨਰਿੰਦਰ ਮੋਦੀ ਤੋਂ ਬਾਅਦ ਰਾਹੁਲ ਗਾਂਧੀ ਦੇ ਚੈਨਲ ਦੇ ਯੂਟਿਊਬ ਸਬਸਕ੍ਰਾਈਬਰਸ ਦੀ ਗਿਣਤੀ ਸਭ ਤੋਂ ਵੱਧ ਹੈ। ਰਾਹੁਲ ਦੇ ਚੈਨਲ ਦੇ 5.25 ਲੱਖ ਸਬਸਕ੍ਰਾਈਬਰ ਹਨ। ਤੀਜੇ ਨੰਬਰ ‘ਤੇ ਸ਼ਸ਼ੀ ਥਰੂਰ ਹਨ ਸ਼ਸ਼ੀ ਦੇ 4.39 ਲੱਖ ਸਬਸਕ੍ਰਾਈਬਰ ਹਨ। ਇਸ ਦੇ ਬਾਅਦ ਅਸਦੁਦੀਨ ਓਵੈਸੀ ਦੇ 3.73 ਲੱਖ ਸਬਸਕ੍ਰਾਈਬਰ ਹਨ।
