ਬਠਿੰਡਾ ਦੀ ਸ਼੍ਰੇਆ ਨੇ ਬ੍ਰਾਜ਼ੀਲ ‘ਚ ਹੋ ਰਹੀਆਂ ਡੈਫ ਓਲੰਪਿਕ ‘ਚ ਟੀਮ ਮੁਕਾਬਲੇ ‘ਚ ਸੋਨ ਤਮਗਾ ਜਿੱਤਿਆ ਹੈ। ਉਹ ਬੈਡਮਿੰਟਨ ਟੀਮ ਦੀ ਮੈਂਬਰ ਸੀ। ਇਸ ਤੋਂ ਬਾਅਦ 6 ਮਈ ਤੋਂ ਵਿਅਕਤੀਗਤ ਮੈਚ ਹੋਣਗੇ, ਜਿਸ ‘ਚ ਸ਼੍ਰੇਆ ਵੀ ਹਿੱਸਾ ਲਵੇਗੀ। ਸ਼੍ਰੇਆ ਸੂਬੇ ਦੀ ਇਕਲੌਤੀ ਅਪਾਹਜ ਖਿਡਾਰਨ ਹੈ, ਜਿਸ ਦੀ ਭਾਰਤੀ ਟੀਮ ਵਿੱਚ ਚੋਣ ਹੋਈ ਹੈ। ਸ਼੍ਰੇਆ 27 ਅਪ੍ਰੈਲ ਨੂੰ ਡੈਫ ਓਲੰਪਿਕ ‘ਚ ਹਿੱਸਾ ਲੈਣ ਲਈ ਬ੍ਰਾਜ਼ੀਲ ਰਵਾਨਾ ਹੋਈ ਸੀ, ਜਿੱਥੇ 2 ਤੋਂ 4 ਮਈ ਤੱਕ ਹੋਏ ਮੈਚਾਂ ‘ਚ ਸ਼੍ਰੇਆ ਨੇ ਹਿੱਸਾ ਲਿਆ ਸੀ।ਫਾਈਨਲ ਮੈਚ ‘ਚ ਭਾਰਤ ਨੇ ਜਾਪਾਨ ਨੂੰ ਹਰਾ ਕੇ ਗੋਲਡ ਮੈਡਲ ਜਿੱਤਿਆ ਸੀ। ਸ਼੍ਰੇਆ ਦੇ ਪਿਤਾ ਦਵਿੰਦਰ ਸਿੰਗਲਾ ਅਤੇ ਮਾਂ ਨੀਲਮ ਸਿੰਗਲਾ ਨੇ ਦੱਸਿਆ ਕਿ ਸ਼੍ਰੇਆ ਬਚਪਨ ਤੋਂ ਸੁਣਨ ਤੋਂ ਅਸਮਰੱਥ ਹੈ। ਉਸ ਨੂੰ ਸ਼ੁਰੂ ਤੋਂ ਹੀ ਬੈਡਮਿੰਟਨ ਦਾ ਬਹੁਤ ਸ਼ੌਕ ਸੀ। ਉਸਨੇ ਸੱਤ ਸਾਲ ਦੀ ਉਮਰ ਵਿੱਚ ਬੈਡਮਿੰਟਨ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ।
ਬੈਡਮਿੰਟਨ ਵਿਚ ਉਸ ਦੇ ਜਨੂੰਨ ਨੂੰ ਦੇਖਦਿਆਂ ਉਸ ਨੇ ਆਪਣੀ ਬੇਟੀ ਨੂੰ ਕੋਚਿੰਗ ਦੇਣ ਦਾ ਮਨ ਬਣਾਇਆ ਅਤੇ ਦੀਪਕ ਸੂਰਿਆਵੰਸ਼ੀ ਤੋਂ ਕੋਚਿੰਗ ਲਈ। ਸ਼੍ਰੇਆ ਦੇ ਪਿਤਾ ਦਵਿੰਦਰ ਅਤੇ ਮਾਂ ਨੀਲਮ ਸਿੰਗਲਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਨੂੰ ਸ਼ੁਰੂ ਤੋਂ ਹੀ ਬੈਡਮਿੰਟਨ ਦਾ ਬਹੁਤ ਸ਼ੌਕ ਸੀ। ਇਸ ਦੇ ਲਈ ਉਸ ਨੂੰ ਪਹਿਲਾਂ ਸਿਖਲਾਈ ਦਿੱਤੀ ਗਈ ਸੀ, ਹੁਣ ਉਸ ਨੇ ਡੈਫ ਓਲੰਪਿਕ ਵਿਚ ਹਿੱਸਾ ਲੈ ਕੇ ਭਾਰਤ ਦਾ ਨਾਂ ਰੌਸ਼ਨ ਕੀਤਾ ਹੈ। ਜਦੋਂ ਕਿ ਡੈਫ ਓਲੰਪਿਕ ਲਈ ਭਾਰਤ ਦੀਆਂ 4 ਮਹਿਲਾ ਖਿਡਾਰਨਾਂ ਦੀ ਚੋਣ ਕੀਤੀ ਗਈ, ਜਿਸ ਵਿਚ ਪੰਜਾਬ ਤੋਂ ਬਠਿੰਡਾ ਤੋਂ ਸ਼੍ਰੇਆ ਤੋਂ ਇਲਾਵਾ ਇਕ ਮੱਧ ਪ੍ਰਦੇਸ਼, ਇਕ ਉੱਤਰ ਪ੍ਰਦੇਸ਼ ਅਤੇ ਇਕ ਤਾਮਿਲਨਾਡੂ ਤੋਂ ਹੈ | ਸ਼੍ਰੇਆ ਦੇ ਪਿਤਾ ਨੇ ਦੱਸਿਆ ਕਿ ਉਹ 7 ਸਾਲ ਦੀ ਉਮਰ ਤੋਂ ਬੈਡਮਿੰਟਨ ਖੇਡ ਰਹੀ ਹੈ।
