1 ਫਰਵਰੀ ਨੂੰ ਸੰਸਦ ਚ ਆਮ ਬਜਟ ਪੇਸ਼ ਹੋਣ ਜਾ ਰਿਹਾ ਹੈ। ਮਾਹਿਰਾਂ ਮੁਤਾਬਕ ਇਸ ਸਾਲ ਸਰਕਾਰ ਰੇਲਵੇ ਬਜਟ ‘ਚ 15 ਤੋਂ 20 ਫੀਸਦੀ ਦਾ ਵਾਧਾ ਕਰ ਸਕਦੀ ਹੈ। ਪਿਛਲੇ ਬਜਟ ਵਿੱਚ ਰੇਲਵੇ ਨੂੰ 1.10 ਲੱਖ ਕਰੋੜ ਰੁਪਏ ਦਾ ਪੈਕੇਜ ਮਿਲਿਆ ਸੀ। ਇਹ ਪੁਰਾਣੇ ਪੈਕੇਜ ਤੋਂ ਕਰੀਬ 38 ਹਜ਼ਾਰ ਕਰੋੜ ਰੁਪਏ ਜ਼ਿਆਦਾ ਸੀ। ਇਸ ਵਾਰ 20 ਫੀਸਦੀ ਜ਼ਿਆਦਾ ਬਜਟ ਮਿਲਣ ਦਾ ਮਤਲਬ ਹੈ 1.32 ਲੱਖ ਕਰੋੜ ਰੁਪਏ ਦਾ ਰੇਲਵੇ ਬਜਟ ਹੋਣਾ। ਜੇਕਰ ਰੇਲਵੇ ਨੂੰ ਇੰਨਾ ਵੱਡਾ ਪੈਕੇਜ ਮਿਲਦਾ ਹੈ ਤਾਂ ਸਰਕਾਰ ਆਮ ਆਦਮੀ ਦੀਆਂ ਉਮੀਦਾਂ ਮੁਤਾਬਕ 8 ਵੱਡੇ ਐਲਾਨ ਕਰ ਸਕਦੀ ਹੈ। ਆਓ ਜਾਣਦੇ ਹਾਂ ਕੀ ਕੀ ਐਲਾਨ ਹੋ ਸਕਦੇ ਹਨ-
ਕੋਵਿਡ ਮਹਾਮਾਰੀ ਕਾਰਨ ਰੇਲਵੇ ਨੂੰ ਕਾਫੀ ਨੁਕਸਾਨ ਹੋਇਆ ਹੈ। ਇਕ ਅਨੁਮਾਨ ਮੁਤਾਬਿਕ ਰੇਲਵੇ ਨੂੰ 26 ਹਜਾਰ ਕਰੋੜ ਦਾ ਘਾਟਾ ਪਿਆ ਇਸ ਦੇ ਬਾਵਜੂਦ ਵੀ ਰੇਲ ਕਿਰਾਏ ਵਿੱਚ ਵਾਧੇ ਦੀ ਸੰਭਾਵਨਾ ਬਹੁਤ ਘੱਟ ਹੈ।
ਰੇਲਵੇ ਦੀ ਕੋਸ਼ਿਸ਼ ਹੈ ਕਿ ਕਈ ਤਰ੍ਹਾਂ ਦੇ ਕੋਰੀਡੋਰ ਤਿਆਰ ਕੀਤੇ ਜਾਣ। ਇਸ ਨਾਲ ਯਾਤਰੀ ਟਰੇਨਾਂ ‘ਤੇ ਦਬਾਅ ਵੀ ਘੱਟ ਹੋਵੇਗਾ।
ਦੇਸ਼ ਦੇ ਵੱਖ-ਵੱਖ ਸੈਰ-ਸਪਾਟਾ ਸਥਾਨਾਂ ਨੂੰ ਜੋੜਨ ਲਈ ਤੇਜਸ ਵਰਗੀਆਂ ਟਰੇਨਾਂ ਦੇ ਵਿਕਲਪਾਂ ਨੂੰ ਵਧਾਇਆ ਜਾ ਸਕਦਾ ਹੈ।
ਸਰਕਾਰ ਕਿਰਾਏ ਨਾਲ ਸਬੰਧਤ ਮਾਮਲਿਆਂ ਲਈ ਰੇਲ ਵਿਕਾਸ ਅਥਾਰਟੀ ਦੇ ਗਠਨ ਦਾ ਐਲਾਨ ਵੀ ਕਰ ਸਕਦੀ ਹੈ।
ਬਜਟ ‘ਚ ਦਿੱਲੀ ਅਤੇ ਵਾਰਾਣਸੀ ਵਿਚਾਲੇ ਬੁਲੇਟ ਟਰੇਨ ਦਾ ਐਲਾਨ ਵੀ ਕੀਤਾ ਜਾ ਸਕਦਾ ਹੈ। ਬੁਲੇਟ ਟਰੇਨ ਦੀ ਰਫ਼ਤਾਰ 500 ਕਿਲੋਮੀਟਰ ਪ੍ਰਤੀ ਘੰਟਾ ਤੋਂ ਵੱਧ ਹੋਵੇਗੀ।
ਐਲੂਮੀਨੀਅਮ ਦੀਆਂ ਬਣੀਆਂ 10 ਵੈਗਨ ਗੱਡੀਆਂ ਦਾ ਵੀ ਐਲਾਨ ਕੀਤਾ ਜਾ ਸਕਦਾ ਹੈ।
ਸਰਕਾਰ ਹਾਈਪਰਲੂਪ ਤਕਨੀਕ ਨਾਲ ਟਰੇਨਾਂ ਚਲਾਉਣ ਦਾ ਐਲਾਨ ਕਰ ਸਕਦੀ ਹੈ। ਹਾਈਪਰਲੂਪ ਜਹਾਜ਼ ਦੀ ਰਫ਼ਤਾਰ ਨਾਲ ਚੱਲਣ ਵਾਲੀ ਇੱਕ ਟਰੇਨ ਹੈ, ਜਿਸ ਨੂੰ ਅਮਰੀਕੀ ਕੰਪਨੀ ਹਾਈਪਰਲੂਪ-ਵਨ ਨੇ ਤਿਆਰ ਕੀਤਾ ਹੈ। ਇਹ ਪੌਡ, ਟਿਊਬਾਂ ਜਾਂ ਸੁਰੰਗਾਂ ਰਾਹੀਂ ਚਲਾਈਆਂ ਜਾਂਦੀਆਂ ਹਨ। ਇਨ੍ਹਾਂ ਦੀ ਰਫ਼ਤਾਰ 1200 ਕਿਲੋਮੀਟਰ ਤੋਂ ਵੱਧ ਹੈ।
2030 ਤੱਕ ਦੁਨੀਆ ਦੀ ਪਹਿਲੀ 100% ਗ੍ਰੀਨ ਰੇਲ ਸੇਵਾ ਬਣਨ ਦਾ ਐਲਾਨ ਕੀਤਾ ਜਾ ਸਕਦਾ ਹੈ।
2023 ਤੱਕ ਸਾਰੀਆਂ ਪ੍ਰਮੁੱਖ ਰੇਲ ਲਾਈਨਾਂ ‘ਤੇ ਇਲੈਕਟ੍ਰਿਕ ਟਰੇਨਾਂ ਚਲਣੀਆਂ ਸ਼ੁਰੂ ਹੋ ਜਾਣਗੀਆਂ।