ਟੋਕੀਓ ਓਲੰਪਿਕ ਖੇਡਾਂ ਦੇ ਸਿਲਵਰ ਮੈਡਲਿਸਟ ਰਵੀ ਦਹੀਆ ਨੇ ਪੁਰਸ਼ ਕੁਸ਼ਤੀ ਦੇ 57 ਕਿਲੋ ਵਰਗ ਵਿੱਚ ਸੋਨ ਤਮਗਾ ਜਿੱਤਿਆ। ਇਹ ਭਾਰਤ ਦਾ ਬਰਮਿੰਘਮ ਕਾਮਨਵੈਲਥ ਖੇਡਾਂ ਵਿੱਚ 10ਵਾਂ ਸੋਨ ਤਮਗਾ ਹੈ।
ਰਵੀ ਨੇ ਫਾਈਨਲ ਵਿੱਚ ਨਾਈਜੀਰੀਆ ਦੇ ਵੈਲਸਨ ਨੂੰ ਮਹਿਜ਼ 76 ਸਕਿੰਟਾਂ ਵਿੱਚ 10-0 ਨਾਲ ਹਰਾ ਕੇ ਕਾਮਨਵੈਲ਼ਥ ਖੇਡਾਂ ਵਿੱਚ ਆਪਣਾ ਪਹਿਲਾ ਮੈਡਲ ਜਿੱਤਿਆ। 24 ਵਰ੍ਹਿਆਂ ਦਾ ਰਵੀ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਅਤੇ ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਤਿੰਨ ਸੋਨੇ ਦਾ ਤਮਗੇ ਜਿੱਤ ਚੁੱਕਾ ਹੈ।
ਵੈਲਸਨ ਹੁਣ ਤੱਕ ਪਿਛਲੀਆਂ ਤਿੰਨ ਕਾਮਨਵੈਲਥ ਖੇਡਾਂ ਵਿੱਚ ਦੋ ਚਾਂਦੀ ਤੇ ਇਕ ਕਾਂਸੀ ਦਾ ਤਮਗਾ ਜਿੱਤਿਆ ਹੈ। ਇਹ ਉਸ ਦਾ ਕਾਮਨਵੈਲਥ ਖੇਡਾਂ ਦਾ ਚੌਥਾ ਤਮਗਾ ਹੈ।
