ਯੂਪੀ ਦੇ ਹਰਦੋਈ ਵਿੱਚ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਇੱਥੇ ਗਰਾਰਾ ਨਦੀ ਦੇ ਪੁਲ ’ਤੇ 40 ਲੋਕਾਂ ਨਾਲ ਭਰੀ ਇੱਕ ਟਰੈਕਟਰ-ਟਰਾਲੀ ਬੇਕਾਬੂ ਹੋ ਕੇ 35 ਫੁੱਟ ਹੇਠਾਂ ਨਦੀ ਵਿੱਚ ਜਾ ਡਿੱਗੀ। ਟਰੈਕਟਰ ‘ਤੇ ਬੈਠੇ 7 ਵਿਅਕਤੀ ਵਾਲ-ਵਾਲ ਬਚ ਗਏ। ਜਦਕਿ 20 ਲੋਕ ਡੁੱਬ ਗਏ ਹਨ। ਇਸ ਦੇ ਨਾਲ ਹੀ 13 ਲੋਕ ਨਦੀ ‘ਚੋਂ ਤੈਰ ਕੇ ਬਾਹਰ ਨਿਕਲ ਗਏ। ਕਿਸਾਨ ਪਾਲੀ ਨਿਜ਼ਾਮਪੁਰ ਪੁਲੀਆ ਮੰਡੀ ਤੋਂ ਖੀਰਾ ਵੇਚ ਕੇ ਪਰਤ ਰਹੇ ਸਨ।
ਗੋਤਾਖੋਰਾਂ ਦੀ ਮਦਦ ਨਾਲ ਲੋਕਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਪੁਲਿਸ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀ ਮੌਕੇ ‘ਤੇ ਪਹੁੰਚ ਗਏ ਹਨ। ਮੌਕੇ ’ਤੇ ਆਸ-ਪਾਸ ਦੇ ਪਿੰਡਾਂ ਦੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਟਰਾਲੀ ਅਜੇ ਤੱਕ ਨਹੀਂ ਮਿਲੀ। ਸਾਰੇ ਕਿਸਾਨ ਵੇਗਰਾਜਪੁਰ ਦੇ ਰਹਿਣ ਵਾਲੇ ਹਨ।