ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ 2022 ਦੇ ਸੱਤਵੇਂ ਪੜਾਅ ਲਈ ਵੋਟਿੰਗ ਚੱਲ ਰਹੀ ਹੈ। ਇਸ ਦੌਰਾਨ ਭਾਜਪਾ ਅਤੇ ਸਪਾ ਵਰਕਰਾਂ ਵਿਚਾਲੇ ਝੜਪ ਹੋ ਗਈ ਦਰਅਸਲ ਸਾਰਨਾਥ ਸ਼ਹਿਰ ਉੱਤਰੀ ਵਿੱਚ ਬੂਥ ਸੇਂਟ ਮੈਰਿਜ ਸਕੂਲ ਵਿੱਚ ਭਾਜਪਾ ਵਰਕਰ ਨੇ ਝੰਡਾ ਲਗਾ ਦਿੱਤਾ ਜਿਸ ‘ਤੇ ਸਪਾ ਵਰਕਰ ਨੇ ਵਿਰੋਧ ਕੀਤਾ। ਜਿਸ ‘ਤੇ ਦੋਵਾਂ ਵਿਚਾਲੇ ਬਹਿਸ ਹੋ ਗਈ। ਸੂਚਨਾ ਮਿਲਦੇ ਹੀ ਚੌਕੀ ਇੰਚਾਰਜ ਪਹੁੰਚੇ ਗਏ ਅਤੇ ਮਾਮਲਾ ਸ਼ਾਂਤ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਬੂਥ ਤੋਂ 200 ਮੀਟਰ ਦੀ ਦੂਰੀ ‘ਤੇ ਹੀ ਕਿਸੇ ਵੀ ਪਾਰਟੀ ਦਾ ਝੰਡਾ ਲਗਾਇਆ ਜਾ ਸਕਦਾ ਹੈ।
ਇਸ ਦੇ ਨਾਲ ਹੀ ਵੋਟਿੰਗ ਦੌਰਾਨ ਕਈ ਜਗ੍ਹਾ ਤੋਂ ਈ ਵੀ ਐਮ ਮਸ਼ੀਨਾਂ ਖਰਾਬ ਹੋਣ ਦੀਆ ਖ਼ਬਰਾਂ ਵੀ ਸਾਹਮਣੇ ਆਈਆਂ ਉੱਤਰੀ ਵਿਧਾਨ ਸਭਾ ਦੇ ਸਰਕਾਰੀ ਇੰਟਰ ਕਾਲਜ ਦੇ ਬੂਥ ਨੰਬਰ 311 ‘ਤੇ ਈਵੀਐਮ ਮਸ਼ੀਨ ਖ਼ਰਾਬ ਹੋਣ ਕਾਰਨ ਮੰਤਰੀ ਰਵਿੰਦਰ ਜੈਸਵਾਲ ਅੱਧਾ ਘੰਟਾ ਦੇਰੀ ਨਾਲ ਵੋਟ ਪਾ ਸਕੇ। ਉਨ੍ਹਾਂ ਦੋਸ਼ ਲਾਇਆ ਕਿ ਵੋਟਰਾਂ ਨੂੰ ਵੋਟ ਪਾਉਣ ਤੋਂ ਰੋਕਿਆ ਜਾ ਰਿਹਾ ਹੈ। ਪੋਲਿੰਗ ਅਫ਼ਸਰ ‘ਤੇ ਮਸ਼ੀਨ ਨੂੰ ਜਾਣਬੁੱਝ ਕੇ ਬੰਦ ਕਰਨ ਦਾ ਦੋਸ਼ ਸੀ। ਇਸ ਮਾਮਲੇ ਦੀ ਸ਼ਿਕਾਇਤ ਡੀਐਮ ਨੂੰ ਕੀਤੀ ਅਤੇ ਪੋਲਿੰਗ ਅਫ਼ਸਰਾਂ ਨੂੰ ਬਦਲਣ ਦੀ ਮੰਗ ਕੀਤੀ। ਦਸ ਦਈਏ ਕਿ ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਦੌਰਾਨ ਦੁਪਹਿਰ 3 ਵਜੇ ਤੱਕ 43.76% ਮਤਦਾਨ ਹੋਇਆ। ਸੇਵਾਪੁਰੀ ਵਿੱਚ ਸਭ ਤੋਂ ਵੱਧ 46.2% ਅਤੇ ਸਭ ਤੋਂ ਘੱਟ ਕੈਂਟ ਵਿੱਚ 40.7% ਵੋਟਾਂ ਪਈਆਂ।