ਭਾਰਤ ਦੀ ਪਹਿਲਵਾਨ ਵਿਨੇਸ਼ ਫੋਗਟ ਨੇ ਸੋਨੇ ਦਾ ਤਮਗਾ ਜਿੱਤ ਕੇ ਕਾਮਨਵੈਲਥ ਖੇਡਾਂ ਵਿੱਚ ਲਗਾਤਾਰ ਤੀਜੀ ਵਾਰ ਸੋਨ ਤਮਗਾ ਜਿੱਤ ਕੇ ਗੋਲਡਨ ਹੈਟ੍ਰਿਕ ਪੂਰੀ ਕੀਤੀ। ਵਿਨੇਸ਼ ਨੇ ਤਿੰਨ ਮੈਚ ਜਿੱਤ ਕੇ ਇਹ ਇਤਿਹਾਸ ਰਚਿਆ ਅਤੇ ਇਹ ਬਰਮਿੰਘਮ ਵਿੱਚ ਭਾਰਤ ਦਾ 11ਵਾਂ ਸੋਨ ਤਮਗਾ ਹੈ।ਵਿਨੇਸ਼ ਨੇ ਰਾਊਂਡ ਰੌਬਿਨ ਲੀਗ ਫਾਰਮੈਟ ਵਾਲੇ 53 ਕਿਲੋ ਵਰਗ ਵਿੱਚ ਇੰਗਲੈਂਡ, ਨਾਈਜੀਰੀਆ ਤੇ ਸ੍ਰੀਲੰਕਾ ਦੀਆਂ ਖਿਡਾਰਨਾਂ ਨੂੰ ਹਰਾਇਆ।
ਦੰਗਲ ਫ਼ਿਲਮ ਦੀਆਂ ਪਾਤਰ ਫੋਗਟ ਭੈਣਾਂ (ਗੀਤਾ ਤੇ ਬਬੀਤਾ) ਦੀ ਚਚੇਰੀ ਭੈਣ ਵਿਨੇਸ਼ ਫੋਗਟ ਇਸ ਤੋਂ ਪਹਿਲਾਂ 2014 ਗਲਾਸਗੋ ਅਤੇ 2018 ਗੋਲਡ ਕੋਸਟ ਵਿੱਚ ਕਾਮਨਵੈਲਥ ਖੇਡਾਂ ਵਿੱਚ ਸੋਨੇ ਦਾ ਤਮਗਾ ਜਿੱਤਿਆ ਸੀ। ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਕਾਂਸੀ ਤੇ ਏਸ਼ਿਆਈ ਖੇਡਾਂ ਵਿੱਚ ਇਕ-ਇਕ ਸੋਨੇ ਤੇ ਕਾਂਸੀ ਦਾ ਤਮਗਾ ਜਿੱਤਿਆ ਹੈ।ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਇਕ ਸੋਨੇ, ਤਿੰਨ ਚਾਂਦੀ ਤੇ ਚਾਰ ਕਾਂਸੀ ਦੇ ਤਮਗੇ ਜਿੱਤੇ ਹਨ।
