ਅੱਜ ਤੋਂ ਨਵਾਂ ਮਹੀਨਾ ਭਾਵ ਮਾਰਚ ਸ਼ੁਰੂ ਹੋ ਗਿਆ ਹੈ। ਅੱਜ ਤੋਂ ਕਈ ਨਿਯਮ ਬਦਲ ਗਏ ਹਨ ਅਤੇ ਇਸ ਦਾ ਅਸਰ ਤੁਹਾਡੀ ਜੇਬ ‘ਤੇ ਪੈਣ ਵਾਲਾ ਹੈ। ਤੁਹਾਡੇ ਲਈ ਇਸ ਬਾਰੇ ਜਾਣਨਾ ਬਹੁਤ ਜ਼ਰੂਰੀ ਹੈ ਅੱਜ ਤੋਂ ਗੈਸ ਸਿਲੰਡਰ ਦੀਆਂ ਕੀਮਤਾਂ ਤੋਂ ਲੈ ਕੇ ਬੈਂਕ ਲੋਨ ਤੱਕ ਕਈ ਨਿਯਮ ਬਦਲਣ ਜਾ ਰਹੇ ਹਨ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਅੱਜ ਤੋਂ ਕਿਹੜੇ ਨਿਯਮ ਬਦਲੇ ਹਨ-
ਬੈਂਕ ਕਿੰਨੇ ਦਿਨ ਬੰਦ ਰਹਿਣਗੇ-
ਮਾਰਚ ਮਹੀਨੇ ਵਿੱਚ ਹੋਲੀ ਅਤੇ ਨਵਰਾਤਰੀ ਸਮੇਤ ਕਈ ਤਿਉਹਾਰ ਮਨਾਏ ਜਾਣਗੇ। ਜਿਸ ਕਾਰਨ ਬੈਂਕ 12 ਦਿਨ ਬੰਦ ਰਹਿਣਗੇ।
ਗੈਸ ਸਿਲੰਡਰ ਹੋਇਆ ਮਹਿੰਗਾ-
ਹੋਲੀ ਤੋਂ ਪਹਿਲਾਂ ਆਮ ਆਦਮੀ ਨੂੰ ਮਹਿੰਗਾਈ ਦਾ ਇੱਕ ਹੋਰ ਝਟਕਾ ਲੱਗਾ ਹੈ। ਘਰੇਲੂ ਗੈਸ ਕੰਪਨੀਆਂ ਨੇ ਲੰਬੇ ਸਮੇਂ ਬਾਅਦ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀ ਕੀਮਤ ਵਿੱਚ 50 ਰੁਪਏ ਦਾ ਵਾਧਾ ਕੀਤਾ ਹੈ।
ਬੈਂਕ ਲੋਨ ਹੋ ਸਕਦਾ ਮਹਿੰਗਾ-
ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਨੇ ਆਪਣੀ ਰੈਪੋ ਦਰ ਵਧਾ ਦਿੱਤੀ ਹੈ, ਜਿਸ ਕਾਰਨ ਕਈ ਬੈਂਕਾਂ ਨੇ ਵੀ ਆਪਣੇ ਐਮਸੀਐਲਆਰ ਵਿੱਚ ਵਾਧਾ ਕੀਤਾ ਹੈ ਅਤੇ ਇਸ ਨੂੰ ਵਧਾਉਣ ਦਾ ਸਿੱਧਾ ਅਸਰ ਲੋਕਾਂ ਦੀਆਂ ਜੇਬਾਂ ‘ਤੇ ਪਵੇਗਾ। ਜਿਸ ਵਿੱਚ ਹੋਮ ਲੋਨ, ਕਾਰ ਲੋਨ, ਐਜੂਕੇਸ਼ਨ ਲੋਨ ਸਭ ਵਧ ਜਾਣਗੇ।
ਦੁੱਧ ਦੇ ਵਧੇ ਰੇਟ-
ਅੱਜ ਤੋਂ ਮੁੰਬਈ ‘ਚ ਦੁੱਧ ਦੀ ਕੀਮਤ ‘ਚ 5 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਹੋਇਆ ਹੈ। ਮੰਗਲਵਾਰ ਅੱਧੀ ਰਾਤ ਤੋਂ ਮੁੰਬਈ ‘ਚ ਮੱਝ ਦੇ ਦੁੱਧ ਦੀਆਂ ਥੋਕ ਕੀਮਤਾਂ ‘ਚ 5 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਹੋਇਆ ਹੈ।
ਟਰੇਨ ਦੇ ਸਮੇਂ ‘ਚ ਬਦਲਾਅ-
ਭਾਰਤੀ ਰੇਲਵੇ ਨੇ ਵੀ ਅੱਜ ਤੋਂ ਰੇਲਵੇ ਨੇ ਆਪਣੀਆਂ 5000 ਮਾਲ ਗੱਡੀਆਂ ਅਤੇ ਹਜ਼ਾਰਾਂ ਪੈਸੇਂਜਰ ਟਰੇਨਾਂ ਦੇ ਟਾਈਮ ਟੇਬਲ ‘ਚ ਕਾਫੀ ਬਦਲਾਅ ਕੀਤੇ ਹਨ ਜੇਕਰ ਤੁਸੀਂ ਵੀ ਟਰੇਨ ‘ਚ ਸਫਰ ਕਰਦੇ ਹੋ ਜਾਂ ਯਾਤਰਾ ਕਰਨ ਜਾ ਰਹੇ ਹੋ ਤਾਂ ਤੁਹਾਨੂੰ ਟਰੇਨ ਦਾ ਸਮਾਂ ਜ਼ਰੂਰ ਚੈੱਕ ਕਰਨਾ ਚਾਹੀਦਾ ਹੈ।