ਅਮਰੀਕਾ ਦੇ ਡੇਲਾਵੇਅਰ ‘ਚ ਬੀਤੇ ਐਤਵਾਰ ਨੂੰ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੀ ਸੁਰੱਖਿਆ ‘ਚ ਵੱਡੀ ਕਮੀ ਸਾਹਮਣੇ ਆਈ ਹੈ। ਬਾਇਡਨ ਆਪਣੀ ਪਤਨੀ ਜਿਲ ਬਾਇਡਨ ਨਾਲ ਇੱਕ ਸਮਾਗਮ ਤੋਂ ਵਾਪਸ ਆ ਰਹੇ ਸਨ, ਜਦੋਂ ਇੱਕ ਕਾਰ ਉਨ੍ਹਾਂ ਦੇ ਕਾਫਲੇ ਨਾਲ ਟਕਰਾ ਗਈ।
ਦੱਸ ਦਈਏ ਕਿ ਇਸ ਹਾਦਸੇ ‘ਚ ਰਾਸ਼ਟਰਪਤੀ ਅਤੇ first lady ਨੂੰ ਕੋਈ ਸੱਟ ਨਹੀਂ ਲੱਗੀ। ਸੀਕ੍ਰੇਟ ਸਰਵਿਸ ਨੇ ਦੋਹਾਂ ਨੂੰ ਬਚਾਅ ਕਾਰ ‘ਚ ਮੌਕੇ ਤੋਂ ਭਜਾ ਦਿੱਤਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਰਾਸ਼ਟਰਪਤੀ ਦੇ ਕਾਫਲੇ ਨੂੰ ਟੱਕਰ ਦੇਣ ਵਾਲੀ ਕਾਰ ਸਿਲਵਰ ਰੰਗ ਦੀ ਸੇਡਾਨ ਸੀ। ਹਾਲਾਂਕਿ ਇਸ ਹਾਦਸੇ ‘ਚ ਰਾਸ਼ਟਰਪਤੀ ਅਤੇ ਪਹਿਲੀ ਮਹਿਲਾ ਨੂੰ ਕੋਈ ਸੱਟ ਨਹੀਂ ਲੱਗੀ। ਸੀਕ੍ਰੇਟ ਸਰਵਿਸ ਨੇ ਦੋਹਾਂ ਨੂੰ ਬਚਾਅ ਕਾਰ ‘ਚ ਬਿਠਾ ਕੇ ਰਵਾਨਾ ਕਰ ਦਿੱਤਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਰਾਸ਼ਟਰਪਤੀ ਦੇ ਕਾਫਲੇ ਨੂੰ ਟੱਕਰ ਦੇਣ ਵਾਲੀ ਕਾਰ ਸਿਲਵਰ ਰੰਗ ਦੀ ਸੇਡਾਨ ਸੀ।
ਦੋਵਾਂ ਵਾਹਨਾਂ ਦੀ ਟੱਕਰ ਬਾਇਡਨ ਤੋਂ 40 ਮੀਟਰ ਦੀ ਦੂਰੀ ‘ਤੇ ਹੋਈ। ਦਰਅਸਲ, ਬਾਇਡਨ ਅਤੇ ਉਨ੍ਹਾਂ ਦੀ ਪਤਨੀ ਪ੍ਰਚਾਰ ਲਈ ਡੇਲਾਵੇਅਰ ਗਏ ਸਨ। ਦੋਵਾਂ ਨੇ ਇੱਕ ਰੈਸਟੋਰੈਂਟ ਵਿੱਚ ਡਿਨਰ ਕੀਤਾ। ਰੈਸਟੋਰੈਂਟ ਵਿੱਚ ਕੁਝ ਦੂਰੀ ’ਤੇ ਪੱਤਰਕਾਰ ਇਕੱਠੇ ਹੋਏ ਸਨ। ਉਹ ਬਾਇਡਨ ਤੋਂ ਕੁਝ ਸਵਾਲ ਪੁੱਛ ਰਹੇ ਸਨ ਜਦੋਂ ਅਚਾਨਕ ਕਾਰ ਦੇ ਕਰੈਸ਼ ਹੋਣ ਦੀ ਆਵਾਜ਼ ਸੁਣਾਈ ਦਿੱਤੀ। ਇਹ ਸੁਣ ਕੇ ਸੀਕ੍ਰੇਟ ਸਰਵਿਸ ਹਰਕਤ ‘ਚ ਆ ਗਈ। ਪੱਤਰਕਾਰਾਂ ਨੂੰ ਇਕ ਪਾਸੇ ਲਿਜਾਇਆ ਗਿਆ।
ਅਮਰੀਕਾ ਦੇ ਰਾਸ਼ਟਰਪਤੀ ਨੂੰ ਦੁਨੀਆ ਦਾ ਸਭ ਤੋਂ ਸ਼ਕਤੀਸ਼ਾਲੀ ਰਾਸ਼ਟਰਪਤੀ ਮੰਨਿਆ ਜਾ ਸਕਦਾ ਹੈ, ਪਰ ਉਸਦੀ ਸੁਰੱਖਿਆ ਬਾਰੇ ਫੈਸਲੇ ਲੈਣਾ ਸੀਕ੍ਰੇਟ ਸਰਵਿਸ ਦਾ ਕੰਮ ਹੈ। ਰਾਸ਼ਟਰਪਤੀ ਚਾਹੇ ਤਾਂ ਵੀ ਉਸ ਨੂੰ ਇਕੱਲਾ ਨਹੀਂ ਛੱਡਿਆ ਜਾਂਦਾ। ਜੇਕਰ ਅਮਰੀਕਾ ਦਾ ਰਾਸ਼ਟਰਪਤੀ ਕਿਸੇ ਵੀ ਦੇਸ਼ ਦਾ ਦੌਰਾ ਕਰਨ ਦਾ ਫੈਸਲਾ ਕਰਦਾ ਹੈ, ਤਾਂ ਸੀਕ੍ਰੇਟ ਸਰਵਿਸ ਤੈਅ ਮਿਤੀ ਤੋਂ ਲਗਭਗ ਤਿੰਨ ਮਹੀਨੇ ਪਹਿਲਾਂ ਆਪਣਾ ਕੰਮ ਸ਼ੁਰੂ ਕਰ ਦਿੰਦੀ ਹੈ। ਰਾਸ਼ਟਰਪਤੀ ਇੱਕ ਤਰ੍ਹਾਂ ਦੇ ਸੁਰੱਖਿਆ ਘੇਰੇ ਵਿੱਚ ਚੱਲਦਾ ਹੈ ਜਿਸ ਵਿੱਚ ਬਹੁ-ਪਰਤੀ ਸੁਰੱਖਿਆ ਹੁੰਦੀ ਹੈ। ਇਹ ਨਾ ਸਿਰਫ ਬਹੁਤ ਮਜ਼ਬੂਤ ਹੈ, ਸਗੋਂ ਬਹੁਤ ਮਹਿੰਗਾ ਵੀ ਹੈ।
ਦਰਅਸਲ, ਅਮਰੀਕਾ ਨੇ ਆਪਣੇ ਚਾਰ ਰਾਸ਼ਟਰਪਤੀਆਂ ਦੀ ਹੱਤਿਆ ਦੇਖੀ ਹੈ। 1865 ਵਿੱਚ ਅਬਰਾਹਮ ਲਿੰਕਨ, 1881 ਵਿੱਚ ਜੇਮਸ ਗਾਰਫੀਲਡ, 1901 ਵਿੱਚ ਵਿਲੀਅਮ ਮੈਕਕਿਨਲੇ, 1963 ਵਿੱਚ ਜੌਹਨ ਐਫ ਕੈਨੇਡੀ।
ਸੀਕ੍ਰੇਟ ਸਰਵਿਸ ਬਾਇਡਨ ਦੀ ਸੁਰੱਖਿਆ ਨੂੰ ਲੈ ਕੇ ਬਹੁਤ ਗੰਭੀਰ ਹੈ, ਉਹ ਇਸ ਮਾਮਲੇ ਨੂੰ ਲੈ ਕੇ ਕਿਸੇ ਤਰ੍ਹਾਂ ਦਾ ਜੋਖਮ ਨਹੀਂ ਉਠਾਉਣਾ ਚਾਹੁੰਦੀ।
