ਪੱਛਮੀ ਬੰਗਾਲ ਵਿੱਚ ਦੁਰਗਾ ਪੂਜਾ ਦਾ ਵਿਸ਼ੇਸ਼ ਮਹੱਤਵ ਹੈ। ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਜ ਕੋਲਕਾਤਾ ਵਿੱਚ ਇੱਕ ਵਿਸ਼ੇਸ਼ ਪੂਜਾ ਪੰਡਾਲ ਦਾ ਉਦਘਾਟਨ ਕਰਨਗੇ। ਭਾਵੇਂ ਅਯੁੱਧਿਆ ਵਿੱਚ ਵਿਸ਼ਾਲ ਰਾਮ ਮੰਦਰ ਦਾ ਉਦਘਾਟਨ ਅਗਲੇ ਸਾਲ ਹੋਵੇਗਾ, ਇਸ ਤੋਂ ਪਹਿਲਾਂ ਕੋਲਕਾਤਾ ਵਿੱਚ ਇਸੇ ਥੀਮ ’ਤੇ ਬਣੇ ਦੁਰਗਾ ਪੂਜਾ ਪੰਡਾਲ ਦਾ ਉਦਘਾਟਨ ਅੱਜ ਸੋਮਵਾਰ ਨੂੰ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਕਰਨਗੇ। ਇਸ ਦੇ ਲਈ ਸੰਤੋਸ਼ ਮਿੱਤਰ ਚੌਕ ਪੂਜਾ ਕਮੇਟੀ ਦੇ ਪ੍ਰਬੰਧਕਾਂ ਨੇ ਪੂਰੀ ਤਿਆਰੀ ਕਰ ਲਈ ਹੈ। ਇਸ ਵਾਰ ਪੱਛਮੀ ਬੰਗਾਲ ਦੇ ਕਲਾਕਾਰਾਂ ਨੇ ਪੰਡਾਲਾਂ ਵਿੱਚ ਵਿਸ਼ਵ ਕੱਪ ਦੀ ਥੀਮ ਨੂੰ ਵੀ ਉੱਕਰਿਆ ਹੈ।
ਦੱਸ ਦਈਏ ਕਿ ਬੰਗਾਲ ਦੀ ਦੁਰਗਾ ਪੂਜਾ ਆਪਣੇ ਥੀਮ ਲਈ ਵਿਸ਼ਵ ਪ੍ਰਸਿੱਧ ਹੈ। ਪੰਡਾਲਾਂ ਦੀ ਸਜਾਵਟ ਦੇਖਣ ਲਈ ਦੇਸ਼ ਅਤੇ ਦੁਨੀਆ ਭਰ ਤੋਂ ਲੋਕ ਇੱਥੇ ਆਉਂਦੇ ਹਨ। ਭਾਜਪਾ ਆਗੂ ਸਜਲ ਘੋਸ਼ ਨੇ ਦੱਸਿਆ ਕਿ ਪੰਡਾਲ ਦਾ ਉਦਘਾਟਨ ਸਮਾਰੋਹ ਸ਼ਾਮ 4 ਵਜੇ ਸੰਤੋਸ਼ ਮਿੱਤਰਾ ਚੌਕ ਵਿਖੇ ਹੋਵੇਗਾ। ਇਸ ਵਿਸ਼ੇਸ਼ ਦੁਰਗਾ ਪੂਜਾ ਨੂੰ ਸਜਲ ਘੋਸ਼ ਦੀ ਪੂਜਾ ਵੀ ਕਿਹਾ ਜਾਂਦਾ ਹੈ। ਇਸ ਸਾਲ ਪੂਜਾ ਉਤਸਵ ਦਾ ਵਿਸ਼ਾ ਰਾਮ ਮੰਦਰ ਹੈ, ਜੋ ਅਯੁੱਧਿਆ ਵਿੱਚ ਚੱਲ ਰਹੇ ਰਾਮ ਮੰਦਰ ਦੇ ਨਿਰਮਾਣ ਤੋਂ ਪ੍ਰੇਰਿਤ ਹੈ। ਇਸ ਦੇ ਨਾਲ ਹੀ ਸੰਤੋਸ਼ ਮਿੱਤਰ ਚੌਕ ਸਥਿਤ ਪੰਡਾਲ ਨੂੰ ਵੀ ਆਕਰਸ਼ਕ ਢੰਗ ਨਾਲ ਸਜਾਇਆ ਗਿਆ ਹੈ।