ਅੱਜ ਯਾਨੀ 26 ਮਈ ਤੋਂ ਬੈਂਕ ਅਤੇ ਡਾਕਖਾਨੇ ‘ਚ ਪੈਸੇ ਦੇ ਲੈਣ-ਦੇਣ ਦੇ ਨਿਯਮਾਂ ‘ਚ ਬਦਲਾਅ ਕੀਤਾ ਗਿਆ ਹੈ। ਨਵੇਂ ਨਿਯਮਾਂ ਦੇ ਅਨੁਸਾਰ, ਇੱਕ ਵਿੱਤੀ ਸਾਲ ਵਿੱਚ ਬੈਂਕ ਜਾਂ ਡਾਕਖਾਨੇ ਵਿੱਚ 20 ਲੱਖ ਰੁਪਏ ਜਾਂ ਇਸ ਤੋਂ ਵੱਧ ਦੀ ਨਕਦੀ ਜਮ੍ਹਾ ਕਰਨ ਲਈ ਪੈਨ ਅਤੇ ਆਧਾਰ ਦੀ ਲੋੜ ਹੋਵੇਗੀ। ਇਸ ਤੋਂ ਇਲਾਵਾ ਹੁਣ ਚਾਲੂ ਖਾਤਾ(ਕਰੰਟ ਅਕਾਊਂਟ) ਖੋਲ੍ਹਣ ਲਈ ਆਪਣਾ ਪੈਨ ਕਾਰਡ ਦਿਖਾਉਣਾ ਹੋਵੇਗਾ।
ਦੱਸ ਦਈਏ ਕਿ ਸੈਂਟਰਲ ਬੋਰਡ ਆਫ ਡਾਇਰੈਕਟ ਟੈਕਸ (CBDT) ਨੇ ਇਨਕਮ ਟੈਕਸ (15ਵੀਂ ਸੋਧ) ਨਿਯਮ, 2022 ਦੇ ਤਹਿਤ ਨਵੇਂ ਨਿਯਮ ਬਣਾਏ ਹਨ, ਜਿਸ ਦੀ ਨੋਟੀਫਿਕੇਸ਼ਨ 10 ਮਈ, 2022 ਨੂੰ ਜਾਰੀ ਕੀਤੀ ਗਈ ਸੀ।
ਹੇਠਾਂ ਲਿਖੇ ਇਨ੍ਹਾਂ ਲੈਣ-ਦੇਣ ਵਿੱਚ ਪੈਨ ਜਾਂ ਆਧਾਰ ਦਾ ਵੇਰਵਾ ਦੇਣਾ ਜ਼ਰੂਰੀ ਹੈ-
ਇੱਕ ਵਿੱਤੀ ਸਾਲ ਵਿੱਚ ਇੱਕ ਬੈਂਕਿੰਗ ਕੰਪਨੀ ਜਾਂ ਇੱਕ ਸਹਿਕਾਰੀ ਬੈਂਕ ਜਾਂ ਪੋਸਟ ਆਫਿਸ ਵਿੱਚ ਕਿਸੇ ਇੱਕ ਜਾਂ ਇੱਕ ਤੋਂ ਵੱਧ ਖਾਤਿਆਂ ਤੋਂ 20 ਲੱਖ ਰੁਪਏ ਨਕਦ ਕਢਵਾਉਣ ‘ਤੇ ।
ਕਿਸੇ ਬੈਂਕਿੰਗ ਕੰਪਨੀ, ਕੋ-ਆਪਰੇਟਿਵ ਬੈਂਕ ਜਾਂ ਡਾਕਖਾਨੇ ਵਿੱਚ ਚਾਲੂ ਖਾਤਾ ਜਾਂ ਨਕਦ ਕ੍ਰੈਡਿਟ ਖਾਤਾ ਖੋਲ੍ਹਣ ‘ਤੇ।
ਇੱਕ ਵਿੱਤੀ ਸਾਲ ਵਿੱਚ ਇੱਕ ਬੈਂਕਿੰਗ ਕੰਪਨੀ ਜਾਂ ਇੱਕ ਕਾਰਪੋਰੇਟਿਵ ਬੈਂਕ ਜਾਂ ਕਿਸੇ ਇੱਕ ਪੋਸਟ ਆਫਿਸ ਵਿੱਚ ਇੱਕ ਜਾਂ ਇੱਕ ਤੋਂ ਵੱਧ ਖਾਤਿਆਂ ਵਿੱਚ 20 ਲੱਖ ਰੁਪਏ ਨਕਦ ਜਮ੍ਹਾ ਕੀਤੇ ਗਏ ਹਨ।