ਹਰਿਆਣਾ ਰੋਹਤਕ ਦੇ ਰਾਜੀਵ ਗਾਂਧੀ ਸਪੋਰਟਸ ਸਟੇਡੀਅਮ ਵਿੱਚ ਖੇਲੋ ਹਰਿਆਣਾ ਖੇਡ ਵਿੱਚ ਝੱਜਰ ਅਤੇ ਪਾਣੀਪਤ ਦੀ ਟੀਮ ਵਿਚਕਾਰ ਕਬੱਡੀ ਮੈਚ ਦੌਰਾਨ ਮਧੂ ਮੱਖੀਆਂ ਨੇ ਹਮਲਾ ਕੀਤਾ। ਮੱਖੀਆਂ ਨੇ 3 ਖਿਡਾਰੀਆਂ ਨੂੰ ਡੰਗਿਆ। ਜਿਸ ਕਾਰਨ ਖੇਡ ਨੂੰ ਅੱਧ ਵਿਚਾਲੇ ਹੀ ਰੋਕਣਾ ਪਿਆ।
ਜ਼ਿਕਰਯੋਗ ਹੈ ਕਿ ਮਧੂ ਮੱਖੀਆਂ ਕਾਰਨ ਖੇਡ ਨੂੰ ਵਾਰ-ਵਾਰ ਰੋਕਣਾ ਪਿਆ। ਪਾਣੀਪਤ ਟੀਮ ਦੇ ਖਿਡਾਰੀਆਂ ਨਿਤਿਨ, ਵਿਨੈ ਅਤੇ ਤਾਨਸ਼ੀ ਨੂੰ ਮੱਖੀਆਂ ਨੇ ਡੰਗਿਆ। ਜਿਸ ਕਾਰਨ ਖਿਡਾਰੀ ਸਹੀ ਢੰਗ ਨਾਲ ਨਹੀਂ ਖੇਡ ਸਕੇ। ਉਹ ਮੱਖੀਆਂ ਤੋਂ ਡਰਦੇ ਰਹੇ। ਇਸ ਦੌਰਾਨ ਮੈਚ ਦੇਖ ਰਹੇ ਹੋਰ ਲੋਕਾਂ ਨੇ ਵੀ ਉਥੋਂ ਭੱਜ ਕੇ ਆਪਣਾ ਬਚਾਅ ਕੀਤਾ।