ਮੱਧ ਪ੍ਰਦੇਸ਼ ਦੀਆਂ 29 ਲੋਕ ਸਭਾ ਸੀਟਾਂ ‘ਤੇ ਵੋਟਾਂ ਦੀ ਗਿਣਤੀ ਹੋ ਰਹੀ ਹੈ। ਸ਼ੁਰੂਆਤੀ ਰੁਝਾਨਾਂ ‘ਚ ਭਾਜਪਾ ਭੋਪਾਲ, ਇੰਦੌਰ, ਗੁਨਾ, ਟੀਕਮਗੜ੍ਹ, ਮੰਦਸੌਰ ਅਤੇ ਖਜੂਰਾਹੋ ਸਮੇਤ ਸਾਰੀਆਂ 29 ਸੀਟਾਂ ‘ਤੇ ਅੱਗੇ ਹੈ। ਇੰਦੌਰ ‘ਚ ਭਾਜਪਾ ਦੀ ਲੀਡ 2 ਲੱਖ ਨੂੰ ਪਾਰ ਕਰ ਗਈ ਹੈ। ਭਾਜਪਾ ਭਿੰਡ ਵਿੱਚ 7347 ਅਤੇ ਗਵਾਲੀਅਰ ਵਿੱਚ 8231 ਵੋਟਾਂ ਨਾਲ ਅੱਗੇ ਹੈ।
ਇਸ ਦੇ ਨਾਲ ਹੀ ਦਮੋਹ ਤੋਂ ਭਾਜਪਾ ਉਮੀਦਵਾਰ ਰਾਹੁਲ ਸਿੰਘ ਲੋਧੀ ਨੂੰ ਹੁਣ ਤੱਕ 2 ਲੱਖ 6 ਹਜ਼ਾਰ 158 ਵੋਟਾਂ ਮਿਲੀਆਂ ਹਨ। ਜਦੋਂਕਿ ਕਾਂਗਰਸੀ ਉਮੀਦਵਾਰ ਨੂੰ ਸਿਰਫ਼ 88 ਹਜ਼ਾਰ 29 ਵੋਟਾਂ ਹੀ ਮਿਲੀਆਂ। ਭਾਜਪਾ ਨੇ 1 ਲੱਖ 18 ਹਜ਼ਾਰ ਦੀ ਲੀਡ ਲੈ ਲਈ ਹੈ।
ਬਾਲਾਘਾਟ ਤੋਂ ਭਾਜਪਾ ਉਮੀਦਵਾਰ ਭਾਰਤੀ ਪਾਰਧੀ 43551 ਵੋਟਾਂ ਨਾਲ ਅੱਗੇ ਚੱਲ ਰਹੀ ਹੈ। ਭਾਰਤੀ ਨੂੰ 246456 ਅਤੇ ਕਾਂਗਰਸ ਦੇ ਸਮਰਾਟ ਸਰਵਰ ਨੂੰ 202905 ਵੋਟਾਂ ਮਿਲੀਆਂ। ਜਦਕਿ ਤੀਜੇ ਸਥਾਨ ‘ਤੇ ਬਸਪਾ ਉਮੀਦਵਾਰ ਕੰਕਰ ਮੁੰਜਰੇ ਨੂੰ 11616 ਵੋਟਾਂ ਮਿਲੀਆਂ ਹਨ।
ਵਿਦਿਸ਼ਾ ਤੋਂ ਸ਼ਿਵਰਾਜ ਸਿੰਘ, ਟੀਕਮਗੜ੍ਹ ਤੋਂ ਡਾਕਟਰ ਵਰਿੰਦਰ ਕੁਮਾਰ, ਖਜੂਰਾਹੋ ਤੋਂ ਵੀਡੀ ਸ਼ਰਮਾ, ਗੁਨਾ ਤੋਂ ਜੋਤੀਰਾਦਿਤਿਆ ਸਿੰਧੀਆ, ਦੇਵਾਸ ਤੋਂ ਮਹਿੰਦਰ ਸਿੰਘ ਸੋਲੰਕੀ, ਇੰਦੌਰ ਤੋਂ ਸ਼ੰਕਰ ਲਾਲਵਾਨੀ ਇਕ ਲੱਖ ਤੋਂ ਵੱਧ ਵੋਟਾਂ ਨਾਲ ਅੱਗੇ ਚੱਲ ਰਹੇ ਹਨ।