ਸੈਂਟਰਲ ਬੋਰਡ ਆਫ ਸੈਕੰਡਰੀ ਐਜੂਕੇਸ਼ਨ (ਸੀਬੀਐਸਈ) ਨੇ ਹਾਲ ਹੀ ਵਿੱਚ ਬਾਰ੍ਹਵੀਂ ਦੀ ਜਾਰੀ ਕੀਤੀ ਡੇਟਸ਼ੀਟ ਵਿੱਚ ਵੱਡਾ ਬਦਲਾਅ ਕੀਤਾ ਹੈ। ਬੋਰਡ ਨੇ ਕੁਝ ਵਿਸ਼ਿਆਂ ਦੀ ਪ੍ਰੀਖਿਆ ਦੀ ਮਿਤੀ ਬਦਲ ਦਿੱਤੀ ਹੈ। ਇਸ ਦੇ ਅਨੁਸਾਰ ਉਰਦੂ ਇਲੈਕਟਿਵ, ਸੰਸਕ੍ਰਿਤ, ਕਾਰਨਾਟਿਕ ਸੰਗੀਤ ਵਿਸ਼ੇ ਦੀ ਪ੍ਰੀਖਿਆ ਦੀ ਮਿਤੀ ਬਦਲ ਦਿੱਤੀ ਗਈ ਹੈ। ਸੀਬੀਐਸਈ ਨੇ ਸੰਸ਼ੋਧਿਤ ਪ੍ਰੀਖਿਆ ਸ਼ਡਿਊਲ ਯਾਨੀ ਸੋਧੀ ਹੋਈ ਡੇਟ ਸ਼ੀਟ ਵੀ ਜਾਰੀ ਕਰ ਦਿੱਤੀ ਹੈ। CBSE ਨੇ 12ਵੀਂ ਜਮਾਤ ਦੀ ਅਪਡੇਟ ਕੀਤੀ ਡੇਟ ਸ਼ੀਟ ਨੂੰ ਅਧਿਕਾਰਤ ਵੈੱਬਸਾਈਟ- cbse.gov.in ‘ਤੇ ਜਾਰੀ ਕੀਤਾ ਹੈ।
ਸੋਧੇ ਹੋਏ ਸ਼ਡਿਊਲ ਦੇ ਅਨੁਸਾਰ, CBSE ਕਲਾਸ 12ਵੀਂ ਦੀ ਡੇਟ ਸ਼ੀਟ ਦੇ ਅਨੁਸਾਰ, ਜੋ ਪ੍ਰੀਖਿਆ 4 ਅਪ੍ਰੈਲ, 2023 ਨੂੰ ਹੋਣੀ ਸੀ, ਹੁਣ 27 ਮਾਰਚ, 2023 ਨੂੰ ਹੋਵੇਗੀ। ਹਾਲਾਂਕਿ, ਅਧਿਕਾਰਤ ਨੋਟੀਫਿਕੇਸ਼ਨ ਦੇ ਅਨੁਸਾਰ ਸੀਬੀਐਸਈ ਨੇ 10ਵੀਂ ਡੇਟ ਸ਼ੀਟ 2023 ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਦੱਸ ਦਈਏ ਹੁਣ CBSE 4 ਅਪ੍ਰੈਲ 2023 ਦੀ ਬਜਾਏ 27 ਮਾਰਚ ਨੂੰ ਉਰਦੂ ਇਲੈਕਟਿਵ, ਸੰਸਕ੍ਰਿਤ ਇਲੈਕਟਿਵ, ਕਾਰਨਾਟਿਕ ਮਿਊਜ਼ਿਕ ਵੋਕਲ ਅਤੇ ਹੋਰਾਂ ਲਈ ਪ੍ਰੀਖਿਆਵਾਂ ਕਰਵਾਏਗਾ।