ਰਾਜਧਾਨੀ ਦਿੱਲੀ ‘ਚ 9 ਅਤੇ 10 ਸਤੰਬਰ ਨੂੰ ਹੋਣ ਵਾਲੀ ਜੀ-20 ਬੈਠਕ ਕਾਰਨ ਰੋਹਤਕ ਤੋਂ ਲੰਘਣ ਵਾਲੀਆਂ 15 ਤੋਂ ਜ਼ਿਆਦਾ ਟਰੇਨਾਂ 8 ਸਤੰਬਰ ਤੋਂ ਤਿੰਨ ਦਿਨਾਂ ਲਈ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਉੱਤਰੀ ਰੇਲਵੇ ਨੇ ਕਾਨਫਰੰਸ ਕਾਰਨ ਦਿੱਲੀ ਆਉਣ ਵਾਲੀਆਂ ਕਰੀਬ 40 ਟਰੇਨਾਂ ਨੂੰ ਰੱਦ ਕਰ ਦਿੱਤਾ ਹੈ। ਇਸ ਤੋਂ ਇਲਾਵਾ 12 ਟਰੇਨਾਂ ਦੇ ਟਰਮੀਨਸ ਸਟੇਸ਼ਨ ਨੂੰ ਬਦਲਿਆ ਗਿਆ ਹੈ। ਨਾਲ ਹੀ 70 ਟਰੇਨਾਂ ਨੂੰ ਸੈਟੇਲਾਈਟ ਸਟੇਸ਼ਨਾਂ ਨਾਲ ਜੋੜਿਆ ਗਿਆ ਹੈ। ਜਿਸ ਕਾਰਨ ਇਨ੍ਹਾਂ ਤਿੰਨ ਦਿਨਾਂ ‘ਚ ਕਈ ਟਰੇਨਾਂ ਪ੍ਰਭਾਵਿਤ ਹੋਣਗੀਆਂ।
ਦੱਸ ਦਈਏ ਕਿ ਦਿੱਲੀ ਤੋਂ ਜੀਂਦ, ਭਿਵਾਨੀ, ਹਿਸਾਰ, ਸਿਰਸਾ ਵੱਲ ਜਾਣ ਵਾਲੀਆਂ ਅਤੇ ਵਾਪਸ ਆਉਣ ਵਾਲੀਆਂ ਸਾਰੀਆਂ ਟਰੇਨਾਂ ਤਿੰਨ ਦਿਨਾਂ ਲਈ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਟਰੇਨ ਨੰਬਰ 14737 ਭਿਵਾਨੀ ਤਿਲਕ ਬ੍ਰਿਜ ਐਕਸਪ੍ਰੈਸ ਅਤੇ ਵਾਪਸੀ ਟਰੇਨ ਨੰਬਰ 14738 ਨੂੰ 9 ਸਤੰਬਰ ਤੋਂ 10 ਸਤੰਬਰ ਤੱਕ ਰੱਦ ਕਰ ਦਿੱਤਾ ਗਿਆ ਹੈ। ਟਰੇਨ ਨੰਬਰ 14323 ਰੋਹਤਕ ਇੰਟਰਸਿਟੀ ਐਕਸਪ੍ਰੈਸ ਨੂੰ 8 ਸਤੰਬਰ ਤੋਂ 10 ਸਤੰਬਰ ਤੱਕ ਰੱਦ ਕਰ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਟਰੇਨ ਨੰਬਰ 14732 ਕਿਸਾਨ ਐਕਸਪ੍ਰੈਸ 9 ਸਤੰਬਰ ਤੋਂ 10 ਸਤੰਬਰ ਤੱਕ ਰੱਦ ਕੀਤੀ ਗਈ ਹੈ। ਟਰੇਨ ਨੰਬਰ 12555 ਗੋਰਖਧਾਮ ਐਕਸਪ੍ਰੈਸ ਰੂਟ ਨੂੰ 8 ਸਤੰਬਰ ਤੋਂ 9 ਸਤੰਬਰ ਤੱਕ ਰੂਟ ਡਾਇਵਰਟ ਕੀਤਾ ਗਿਆ ਹੈ। ਪਰ ਇਹ ਟਰੇਨ ਰੋਹਤਕ ਤੱਕ ਨਹੀਂ ਜਾਏਗੀ। ਨਵੀਂ ਦਿੱਲੀ ਤੋਂ ਹਿਸਾਰ ਜਾਣ ਵਾਲੀ ਟਰੇਨ ਨੰਬਰ 4089 ਅਤੇ ਹਿਸਾਰ ਤੋਂ ਦਿੱਲੀ ਜਾਣ ਵਾਲੀ 4090 ਟਰੇਨ 9 ਅਤੇ 10 ਸਤੰਬਰ ਨੂੰ ਰੱਦ ਰਹੇਗੀ।