ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ (ਸ਼ੁੱਕਰਵਾਰ) ਨੂੰ ਐਮਸੀਡੀ ਚੋਣਾਂ 2022 ਲਈ ਆਮ ਆਦਮੀ ਪਾਰਟੀ ਦਾ ਚੋਣ ਮਨੋਰਥ ਪੱਤਰ ਜਾਰੀ ਕੀਤਾ ਹੈ। ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਦਿੱਲੀ ਨੂੰ ਖੂਬਸੂਰਤ ਬਣਾਉਣ ਲਈ 10 ਗਾਰੰਟੀਆਂ ਦਿੱਤੀਆਂ ਹਨ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਦਿੱਲੀ ਨਗਰ ਨਿਗਮ ਚੋਣਾਂ ‘ਚ ਭਾਜਪਾ 20 ਸੀਟਾਂ ‘ਤੇ ਸਿਮਟ ਕੇ ਰਹਿ ਜਾਵੇਗੀ।
ਪਹਿਲੀ ਗਾਰੰਟੀ- ਦਿੱਲੀ ਨੂੰ ਸੁੰਦਰ ਬਣਾਵਾਂਗੇ। ਕੂੜਾ ਅਤੇ ਕੂੜੇ ਦੇ ਪਹਾੜਾਂ ਨੂੰ ਹਟਾਵਾਂਗੇ।
ਦੂਜੀ ਗਾਰੰਟੀ- MCD ‘ਚ ਭ੍ਰਿਸ਼ਟਾਚਾਰ ਖਤਮ ਕਰਾਂਗੇ, ਨਵੀਆਂ ਇਮਾਰਤਾਂ ਬਣਾਉਣ ਲਈ ਨਕਸ਼ਾ ਪਾਸ ਕਰਾਂਗੇ। ਮਾਮੂਲੀ ਉਲੰਘਣਾਵਾਂ ‘ਤੇ ਛੋਟੀਆਂ ਫੀਸਾਂ ਤੈਅ ਕਰਾਂਗੇ, ਵਸੂਲੀ ਬੰਦ ਕਰਾਂਗੇ।
ਤੀਜੀ ਗਾਰੰਟੀ: ਪਾਰਕਿੰਗ ਸਮੱਸਿਆ ਨੂੰ ਖਤਮ ਕਰਕੇ ਇੱਕ ਬਿਹਤਰ ਵਿਕਲਪ ਦਿੱਤਾ ਜਾਵੇਗਾ।
ਚੌਥੀ ਗਾਰੰਟੀ: ਦਿੱਲੀ ਵਿੱਚ ਘੁੰਮਦੇ ਆਵਾਰਾ ਪਸ਼ੂਆਂ ਜਿਵੇ- ਕੁੱਤਿਆਂ, ਬਾਂਦਰਾਂ, ਗਾਵਾਂ ਅਤੇ ਹੋਰਾਂ ਦੀ ਸਮੱਸਿਆ ਨੂੰ ਖਤਮ ਕਰਕੇ ਬਿਹਤਰ ਪ੍ਰਬੰਧ ਕੀਤੇ ਜਾਣਗੇ, ਉਨ੍ਹਾਂ ਲਈ ਵੱਖਰਾ ਪ੍ਰਬੰਧ ਕਰਨ ਲਈ ਵੀ ਉਪਰਾਲੇ ਕੀਤੇ ਜਾਣਗੇ।
ਪੰਜਵੀਂ ਗਰੰਟੀ- ਨਗਰ ਨਿਗਮ ਦੀਆਂ ਸੜਕਾਂ ਅਤੇ ਗਲੀਆਂ ਦੀ ਮੁਰੰਮਤ ਕਰਵਾਵਾਂਗੇ।
ਛੇਵੀਂ ਗਰੰਟੀ – ਨਗਰ ਨਿਗਮ ਹਸਪਤਾਲਾਂ ਅਤੇ ਸਕੂਲਾਂ ਦੀ ਮੁਰੰਮਤ ਕੀਤੀ ਜਾਵੇਗੀ, ਸਾਰੇ ਹਸਪਤਾਲਾਂ ਨੂੰ ਸ਼ਾਨਦਾਰ ਬਣਾਇਆ ਜਾਵੇਗਾ
ਸੱਤਵੀਂ ਗਰੰਟੀ- ਦਿੱਲੀ ਨੂੰ ਸਾਫ਼-ਸੁਥਰੇ ਪਾਰਕਾਂ ਦਾ ਸ਼ਹਿਰ ਬਣਾਇਆ ਜਾਵੇਗਾ।
ਅੱਠਵੀਂ ਗਾਰੰਟੀ – ਕੱਚੇ ਕਾਮੇ ਪੱਕੇ ਕੀਤੇ ਜਾਣਗੇ। ਸਮੇਂ ਸਿਰ ਤਨਖਾਹ ਮਿਲੇਗੀ।
ਨੌਵੀਂ ਗਾਰੰਟੀ – ਦਿੱਲੀ ਦੇ ਵਪਾਰੀ ਨਿਗਮ ਦੇ ਨਿਯਮਾਂ ਤੋਂ ਪਰੇਸ਼ਾਨ ਹਨ, ਇਸ ਲਈ ਲਾਇਸੈਂਸ ਦੀ ਪ੍ਰਕਿਰਿਆ ਆਨਲਾਈਨ ਕੀਤੀ ਜਾਵੇਗੀ।ਵਪਾਰੀਆਂ ਦੀਆਂ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਕੀਤਾ ਜਾਵੇਗਾ
ਦਸਵੀਂ ਗਾਰੰਟੀ- ਸਟ੍ਰੀਟ ਵਿਕਰੇਤਾਵਾਂ(ਰੇਹੜੀ-ਪਟੜੀ) ਲਈ ਵੈਂਡਿੰਗ ਜ਼ੋਨ ਬਣਾਏ ਜਾਣਗੇ। ਲਾਇਸੈਂਸ ਦਿੱਤਾ ਜਾਵੇਗਾ। ਵਸੂਲੀ ਦੀ ਪ੍ਰਥਾ ਨੂੰ ਖਤਮ ਕਰ ਦੇਵੇਗਾ।