ਲਖਨਊ ਦੇ ਚੌਧਰੀ ਚਰਨ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਅਚਾਨਕ ਹੜਕੰਪ ਮੱਚ ਗਿਆ। ਆਬੂ ਧਾਬੀ ਤੋਂ ਦਿੱਲੀ ਜਾ ਰਹੀ ਏਤਿਹਾਦ ਏਅਰਵੇਜ਼ ਫਲਾਈਟ ‘ਚ ਈਂਧਨ ਖਤਮ ਹੋਣ ਕਾਰਨ ਐਮਰਜੈਂਸੀ ਲੈਂਡਿੰਗ ਕੀਤੀ ਗਈ। ਇਸ ਕਾਰਨ ਸਵਾਰੀਆਂ ਵਿੱਚ ਦਹਿਸ਼ਤ ਫੈਲ ਗਈ।
ਏਅਰਪੋਰਟ ਪ੍ਰਸ਼ਾਸਨ ਨੇ ਦੱਸਿਆ ਕਿ ਆਬੂ ਧਾਬੀ ਦੇ ਇਤਿਹਾਦ ਏਅਰਵੇਜ਼ ਦੇ ਜਹਾਜ਼ ਨੂੰ ਲੰਬੇ ਸਮੇਂ ਤੱਕ ਹਵਾ ਵਿੱਚ ਚੱਕਰ ਲਗਾਉਣ ਦੇ ਬਾਵਜੂਦ ਦਿੱਲੀ ਵਿੱਚ ਉਤਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ।ਇਸ ਦੌਰਾਨ ਜਹਾਜ਼ ਦਾ ਈਂਧਨ ਖਤਮ ਹੋਣ ਲੱਗਾ। ਪਾਇਲਟ ਨੇ ਤੁਰੰਤ ਲਖਨਊ ਏਟੀਸੀ ਨਾਲ ਸੰਪਰਕ ਕੀਤਾ। ਜਿਵੇਂ ਹੀ ਏਟੀਸੀ ਤੋਂ ਇਜਾਜ਼ਤ ਮਿਲੀ, ਜਹਾਜ਼ ਬੁਧਵਾਰ ਸ਼ਾਮ 4:08 ਵਜੇ ਲਖਨਊ ਦੇ ਚੌਧਰੀ ਚਰਨ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਉਤਰਿਆ। ਲਖਨਊ ਹਵਾਈ ਅੱਡੇ ‘ਤੇ ਉਤਰਨ ਤੋਂ ਬਾਅਦ ਜਹਾਜ਼ ਚ ਈਂਧਨ ਭਰਿਆ ਗਿਆ। ਦਿੱਲੀ ਵਿੱਚ ਹਵਾਈ ਆਵਾਜਾਈ ਆਮ ਵਾਂਗ ਹੋਣ ਤੋਂ ਬਾਅਦ ਜਹਾਜ਼ ਲਖਨਊ ਤੋਂ ਦਿੱਲੀ ਲਈ ਰਵਾਨਾ ਹੋਇਆ।