ਦੇਸ਼ ਭਰ ‘ਚ ਗਣੇਸ਼ ਚਤੁਰਥੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਮੁੰਬਈ ਦੇ ਸਿੱਧੀਵਿਨਾਇਕ ਮੰਦਰ ‘ਚ ਸਵੇਰੇ ਗਣਪਤੀ ਆਰਤੀ ਕੀਤੀ ਗਈ। ਉਨ੍ਹਾਂ ਨੂੰ ਭੋਜਨ ਭੇਟ ਕੀਤਾ ਗਿਆ। ਇਸ ਉਪਰੰਤ ਸੰਗਤਾਂ ਨੇ ਦਰਸ਼ਨ ਕੀਤੇ। ਇਸ ਦੇ ਨਾਲ ਹੀ ਦੇਸ਼ ਦੇ ਸਭ ਤੋਂ ਮਸ਼ਹੂਰ ਗਣਪਤੀ ਪੰਡਾਲ ‘ਚ ਲਾਲਬਾਗ ਦੇ ਰਾਜਾ ਦੇ ਦਰਸ਼ਨਾਂ ਲਈ ਲੋਕ ਸਵੇਰ ਤੋਂ ਹੀ ਲਾਈਨ ‘ਚ ਖੜ੍ਹੇ ਸਨ। ਲਾਲਬਾਗ ਦੇ ਰਾਜੇ ਨੂੰ 20 ਕਿਲੋ ਵਜ਼ਨ ਦਾ ਸੋਨੇ ਦਾ ਤਾਜ ਪਹਿਨਾਇਆ ਗਿਆ। ਇਸ ਦੀ ਕੀਮਤ 15 ਕਰੋੜ ਰੁਪਏ ਹੈ।
ਗਣੇਸ਼ ਚਤੁਰਥੀ ਦੀ ਤਰੀਕ 6 ਸਤੰਬਰ ਯਾਨੀ ਕੱਲ੍ਹ ਦੁਪਹਿਰ 3:01 ਵਜੇ ਸ਼ੁਰੂ ਹੋ ਗਈ ਹੈ ਅਤੇ ਇਹ ਤਰੀਕ 7 ਸਤੰਬਰ ਯਾਨੀ ਅੱਜ ਸ਼ਾਮ 5:37 ਵਜੇ ਸਮਾਪਤ ਹੋਵੇਗੀ।
ਗਣੇਸ਼ ਸਥਾਪਨਾ ਦਾ ਸਮਾਂ – 7 ਸਤੰਬਰ ਯਾਨੀ ਅੱਜ ਸਵੇਰੇ 11:03 ਵਜੇ ਤੋਂ ਦੁਪਹਿਰ 1:34 ਵਜੇ ਤੱਕ ਹੈ। ਇਸ ਦੇ ਲਈ ਕੁੱਲ 2 ਘੰਟੇ 31 ਮਿੰਟ ਦਾ ਸਮਾਂ ਮਿਲੇਗਾ।
