ਭਾਰਤ ਦੇ ਇਕ ਨੌਜਵਾਨ ਸਕਿਓਰਿਟੀ ਇੰਜੀਨੀਅਰ ਨੂੰ ਗੂਗਲ ਨੇ ਇਨਾਮ ’ਚ ਲੱਖਾਂ ਰੁਪਏ ਦਿੱਤੇ ਹਨ। ਇਹ ਇਨਾਮ ਐਂਡਰਾਇਡ ਪਲੇਟਫਾਰਮ ’ਚ ਗੰਭੀਰ ਖਾਮੀ ਲੱਭਣ ਲਈ ਦਿੱਤਾ ਗਿਆ ਹੈ। ਦੱਸ ਦੇਈਏ ਕਿ ਟੈੱਕ ਕੰਪਨੀਆਂ ਸਮੇਂ-ਸਮੇਂ ’ਤੇ ਪ੍ਰੋਗਰਾਮ ਕਰਦੀਆਂ ਰਹਿੰਦੀਆਂ ਹਨ। ਇਸ ਰਾਹੀਂ ਸਾਫਟਵੇਅਰ ਜਾਂ ਵੈੱਬਸਾਈਟ ’ਚ ਖਾਮੀ ਲੱਭਣ ’ਤੇ ਇਨਾਮ ਦਿੱਤਾ ਜਾਂਦਾ ਹੈ। ਕਈ ਭਾਰਤੀ ਵੀ ਬਾਊਂਟੀ ਪ੍ਰੋਗਰਾਮ ’ਚ ਹਿੱਸਾਲੈ ਕੇ ਇਨਾਮ ਜਿੱਤਦੇ ਰਹਿੰਦੇ ਹਨ। ਇਸ ਵਾਰ ਗੂਗਲ ਤੋਂ ਅਸਾਮ ਦੇ ਰੋਨੀ ਦਾਸ ਨੇ ਇਨਾਮ ਪਾਇਆ ਹੈ।
ਅਸਾਮ ਦੇ ਰਹਿਣ ਵਾਲੇ ਰੋਨੀ ਦਾਸ ਦੀ ਰੁਚੀ ਸ਼ੁਰੂ ਤੋਂ ਹੀ ਸਕਿਓਰਿਟੀ ਰਿਸਰਚ ’ਚ ਰਹੀ ਹੈ। ਉਨ੍ਹਾਂ Android Foreground Services ’ਚ ਇਕ ਬਗ ਨੂੰ ਲੈ ਕੇ ਰਿਪੋਰਟ ਕੀਤਾ। ਇਸ ਨਾਲ ਬੈਂਕਿੰਗ ਮਾਲਵੇਅਰ ਅਤੇ ਹੈਕਰ ਯੂਜ਼ਰ ਦੇ ਡਾਟਾ ਨੂੰ ਹੈਕ ਕਰ ਸਕਦੇ ਸਨ। ਉਨ੍ਹਾਂ ਵਲਨੇਰਿਬਿਲਿਟੀ ਬਾਰੇ ਸਭ ਤੋਂ ਪਹਿਲਾਂ ਇਸ ਸਾਲ ਮਈ ’ਚ ਗੂਗਲ ਨੂੰ ਦੱਸਿਆ ਸੀ।
ਟੈੱਕ ਜਾਇੰਟ ਨੇ ਸਕਿਓਰਿਟੀ ਰਿਸਰਚਰ ਰੋਨੀ ਦਾਸ ਦੀ ਗੱਲ ਨੂੰ ਗੰਭੀਰਤਾ ਨਾਲ ਲਿਆ ਅਤੇ ਇਸ ਖਾਮੀ ਨੂੰ ਲੱਭਣ ਲਈ ਉਸ ਨੂੰ 5000 ਡਾਲਰ ਦਾ ਇਨਾਮ ਦਿੱਤਾ। ਰਿਪੋਰਟ ਮੁਤਾਬਕ, ਰੋਨੀ ਦਾਸ ਨੇ ਦੱਸਿਆ ਕਿ ਕੁਝ ਸਮੱਸਿਆ ਦਾ ਸਾਹਮਣਾ ਕਰਨ ’ਤੇ ਉਹ ਇਕ ਸਾਫਟਵੇਅਰ ਬਣਾ ਰਿਹਾ ਸੀ। ਇਸ ਸਮੱਸਿਆ ਨੂੰ ਦੂਰ ਕਰਨ ਦੌਰਾਨ ਉਸ ਨੂੰ ਇਕ ਖਾਮੀ ਦਾ ਪਤਾ ਲੱਗਾ। ਇਸ ਨੂੰ ਲੈ ਕੇ ਉਸ ਨੇ ਗੂਗਲ ਨੂੰ ਮਈ ’ਚ ਹੀ ਰਿਪੋਰਟ ਕਰ ਦਿੱਤਾ।
