ਹਰਿਆਣਾ ਦੇ ਪਾਣੀਪਤ ਜ਼ਿਲ੍ਹੇ ਵਿੱਚ ਵੀਰਵਾਰ ਸਵੇਰੇ ਇੱਕ ਵੱਡਾ ਸੜਕ ਹਾਦਸਾ ਵਾਪਰਿਆ। ਬਾਬਰਪੁਰ ਮੋੜ ਨੇੜੇ ਕਾਲਜ ਜਾ ਰਹੀ ਲੜਕੀ ਨੂੰ ਕਰੇਨ ਨੇ ਕੁਚਲ ਦਿੱਤਾ, ਜਿਸ ਕਾਰਨ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਹਾਦਸੇ ਤੋਂ ਬਾਅਦ ਮੌਕੇ ‘ਤੇ ਇਕੱਠੇ ਹੋਏ ਲੋਕਾਂ ਨੇ ਦੇਖਿਆ ਕਿ ਕਰੇਨ ਦਾ ਡਰਾਈਵਰ ਨਾਬਾਲਗ ਸੀ।
ਮ੍ਰਿਤਕ ਦੀ ਪਛਾਣ 19 ਸਾਲਾ ਸਾਕਸ਼ੀ ਵਾਸੀ ਬਾਬਰਪੁਰ ਮੰਡੀ ਵਜੋਂ ਹੋਈ ਹੈ। ਉਹ ਇੰਜੀਨੀਅਰਿੰਗ ਦੇ ਪਹਿਲੇ ਸਾਲ ਦੀ ਵਿਦਿਆਰਥਣ ਸੀ। 65 ਸਾਲਾ ਦਾਦਾ ਜੀ ਸਾਕਸ਼ੀ ਨੂੰ ਕਾਲਜ ਛੱਡਣ ਜਾ ਰਹੇ ਸਨ ਕਿ ਕਰੇਨ ਦੀ ਲਪੇਟ ‘ਚ ਆ ਕੇ ਦੋਵੇਂ ਕੁਚਲੇ ਗਏ। ਸਾਕਸ਼ੀ ਦੀ ਮੌਤ ਹੋ ਗਈ, ਜਦਕਿ ਦਾਦਾ ਗੰਭੀਰ ਜ਼ਖਮੀ ਹੋ ਗਿਆ।
ਹਾਦਸੇ ਦੀ ਸੂਚਨਾ ਪੁਲਿਸ ਕੰਟਰੋਲ ਰੂਮ ਦੇ ਨੰਬਰ ਡਾਇਲ 112 ‘ਤੇ ਦਿੱਤੀ ਗਈ। ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ ‘ਤੇ ਪਹੁੰਚ ਗਈ। ਲੜਕੀ ਦੀ ਲਾਸ਼ ਨੂੰ ਸਿਵਲ ਹਸਪਤਾਲ ਭੇਜ ਦਿੱਤਾ ਗਿਆ ਹੈ। ਇਸ ਸਬੰਧੀ ਥਾਣਾ ਸਦਰ ਪੁਲਿਸ ਕਾਰਵਾਈ ਕਰ ਰਹੀ ਹੈ। ਮੁਲਜ਼ਮ ਕਰੇਨ ਛੱਡ ਕੇ ਭੱਜ ਰਿਹਾ ਸੀ ਜਦੋਂ ਲੋਕਾਂ ਨੇ ਉਸ ਨੂੰ ਫੜ ਲਿਆ। ਜਾਣਕਾਰੀ ਮੁਤਾਬਿਕ ਦੋਸ਼ੀ ਡਰਾਈਵਰ 14 ਸਾਲਾ ਨਾਬਾਲਗ ਸੀ ਜੋ ਫਿਲਹਾਲ ਪੁਲਸ ਹਿਰਾਸਤ ‘ਚ ਹੈ। ਸਾਕਸ਼ੀ ਦੇ ਪਿਤਾ ਦੀਪਕ ਬਾਬਰਪੁਰ ਮੰਡੀ ਵਿੱਚ ਕਰਿਆਨੇ ਦੀ ਦੁਕਾਨ ਚਲਾਉਂਦੇ ਹਨ। ਸਾਕਸ਼ੀ ਸਭ ਤੋਂ ਵੱਡੀ ਬੇਟੀ ਸੀ। ਇੱਕ ਛੋਟਾ ਪੁੱਤਰ ਵੀ ਹੈ।