ਵਿੱਤੀ ਸਾਲ 2021-22 ਲਈ ਇਨਕਮ ਟੈਕਸ ਰਿਟਰਨ (ITR) ਫਾਈਲ ਕਰਨ ਦੀ ਆਖਰੀ ਮਿਤੀ (31 ਜੁਲਾਈ) ਲੰਘ ਗਈ ਹੈ। ਇਨਕਮ ਟੈਕਸ ਵਿਭਾਗ ਨੇ ਵਿੱਤੀ ਸਾਲ 2021-22 ‘ਚ ਇਨਕਮ ਟੈਕਸ ਰਿਟਰਨ ਭਰਨ ਲਈ 31 ਜੁਲਾਈ ਦੀ ਆਖਰੀ ਮਿਤੀ ‘ਚ ਕੋਈ ਬਦਲਾਅ ਨਹੀਂ ਕੀਤਾ। ਇਨਕਮ ਟੈਕਸ ਪੋਰਟਲ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਆਈਆਂ ਸ਼ਿਕਾਇਤਾਂ ਦੇ ਬਾਵਜੂਦ ਵਿਭਾਗ ਨੇ ਤਰੀਕ ਤੈਅ ਰੱਖੀ। ਇਨਕਮ ਟੈਕਸ ਵਿਭਾਗ ਨੇ ਦੱਸਿਆ ਕਿ ਵਿੱਤੀ ਸਾਲ 2021-22 ਵਿੱਚ 31 ਜੁਲਾਈ ਤੱਕ, ਤਨਖਾਹਦਾਰ ਅਤੇ ਵਿਅਕਤੀਗਤ ਟੈਕਸਦਾਤਾਵਾਂ ਨੇ ਕੁੱਲ 5.83 ਕਰੋੜ ਇਨਕਮ ਟੈਕਸ ਰਿਟਰਨ (ਆਈ.ਟੀ.ਆਰ.) ਦਾਇਰ ਕੀਤੇ।
ਅਜਿਹੇ ‘ਚ ਜੇਕਰ ਤੁਸੀਂ ITR ਫਾਈਲ ਕੀਤੀ ਹੈ ਤਾਂ ਇਸ ਦੀ ਵੈਰੀਫਿਕੇਸ਼ਨ ਵੀ ਜ਼ਰੂਰੀ ਹੈ। ਇਸ ਤੋਂ ਬਿਨਾਂ ਇਹ ਫਾਰਮ ਅਧੂਰਾ ਮੰਨਿਆ ਜਾਂਦਾ ਹੈ। ਆਈ.ਟੀ.ਆਰ. ਦਾਇਰ ਕਰਨ ਦਾ ਆਖਰੀ ਪੜਾਅ ਵੈਰੀਫਿਕੇਸ਼ਨ ਹੈ, ਫਾਰਮ ਸਬਮਿਸ਼ਨ ਨਹੀਂ। ਤੁਸੀਂ ਸਿਰਫ਼ ਔਨਲਾਈਨ ਹੀ ਇਸ ਦੀ ਪੁਸ਼ਟੀ ਕਰ ਸਕਦੇ ਹੋ। ਪਹਿਲਾਂ ਰਿਟਰਨ ਭਰਨ ਦੀ ਤਰੀਕ ਤੋਂ 120 ਦਿਨਾਂ ਤੱਕ ਵੈਰੀਫਿਕੇਸ਼ਨ ਕਰਨਾ ਪੈਂਦਾ ਸੀ, ਪਰ ਹੁਣ ਇਹ ਸਮਾਂ ਘਟਾ ਕੇ 30 ਦਿਨ ਕਰ ਦਿੱਤਾ ਗਿਆ ਹੈ। ਜੇਕਰ ਤੁਸੀਂ ਵੈਰੀਫਿਕੇਸ਼ਨ ਨਹੀਂ ਕਰਦੇ ਹੋ ਤਾਂ ਤੁਹਾਡੀ ITR ਨੂੰ ਫਾਈਲ ਨਹੀਂ ਮੰਨਿਆ ਜਾਵੇਗਾ। ਅੱਜ ਇਥੇ ਅਸੀਂ ਤੁਹਾਨੂੰ ਆਨਲਾਈਨ ਵੈਰੀਫਿਕੇਸ਼ਨ ਦੀ ਪ੍ਰਕਿਰਿਆ ਬਾਰੇ ਦੱਸ ਰਹੇ ਹਾਂ।
ਇਨਕਮ ਟੈਕਸ ਵੈਰੀਫਿਕੇਸ਼ਨ ਦੀ ਪ੍ਰਕਿਰਿਆ:-
ਇਨਕਮ ਟੈਕਸ ਰਿਟਰਨ ਫਾਈਲ ਦੀ ਪੁਸ਼ਟੀ(Verify) ਕਰਨ ਲਈ, ਪੈਨ ਨੂੰ ਆਧਾਰ ਨਾਲ ਲਿੰਕ ਕਰਨਾ ਜ਼ਰੂਰੀ ਹੈ।
ਸਭ ਤੋਂ ਪਹਿਲਾਂ ਈ-ਫਾਈਲਿੰਗ ਪੋਰਟਲ incometax.gov.in ‘ਤੇ ਜਾ ਕੇ ਲੌਗਇਨ ਕਰੋ।
ਇਸ ਤੋਂ ਬਾਅਦ ਤੁਹਾਨੂੰ ਸਭ ਤੋਂ ਅਗਲੇ ਪੇਜ ‘ਤੇ ਈ-ਫਾਈਲ ਦਾ ਵਿਕਲਪ ਮਿਲੇਗਾ।
ਇੱਥੇ ਤੁਹਾਨੂੰ ਇਨਕਮ ਟੈਕਸ ਰਿਟਰਨ ਸੈਕਸ਼ਨ ਵਿੱਚ ਜਾਣਾ ਹੋਵੇਗਾ ਅਤੇ ਈ-ਵੈਰੀਫਾਈ ਰਿਟਰਨ ਚੁਣਨਾ ਹੋਵੇਗਾ।
ਇਸ ਤੋਂ ਬਾਅਦ ਤੁਸੀਂ ਜੋ ਵੀ ਰਿਟਰਨ ਫਾਈਲ ਕੀਤੀ ਹੈ, ਉਹ ਦਿਖਾਈ ਦੇਵੇਗੀ।
ਫਿਰ ਈ-ਵੈਰੀਫਾਈ ਲਿੰਕ ‘ਤੇ ਕਲਿੱਕ ਕਰੋ ਅਤੇ ਆਧਾਰ ਓਟੀਪੀ ਦੀ ਵਰਤੋਂ ਕਰਕੇ ਵੈਰੀਫਾਈ ਰਿਟਰਨ ਵਿਕਲਪ ਨੂੰ ਚੁਣੋ।
ਅਜਿਹਾ ਕਰਨ ਤੋਂ ਬਾਅਦ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ‘ਤੇ ਇੱਕ ਸੁਨੇਹਾ ਆਵੇਗਾ ਜਿਸ ਰਾਹੀਂ ਤੁਸੀਂ ਵੈਰੀਫਿਕੇਸ਼ਨ ਕਰ ਸਕਦੇ ਹੋ।
ਇਨਕਮ ਟੈਕਸ ਵਿਭਾਗ ਦੀ ਵੈੱਬਸਾਈਟ ‘ਤੇ ਇਸ ਵਨ ਟਾਈਮ ਪਾਸਵਰਡ ਨੂੰ ਦਾਖਲ ਕਰਨ ਤੋਂ ਬਾਅਦ, ਜੇਕਰ ਤੁਸੀਂ ਸਬਮਿਟ ਬਟਨ ‘ਤੇ ਕਲਿੱਕ ਕਰਦੇ ਹੋ, ਤਾਂ ਤੁਹਾਡੀ ਆਈ.ਟੀ.ਆਰ ਵੈਰੀਫਾਈ ਹੋ ਜਾਵੇਗੀ।