ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਤਲਾਕਸ਼ੁਦਾ ਪਤਨੀ ਇਵਾਨਾ ਟਰੰਪ ਦਾ ਮੈਨਹਟਨ ‘ਚ ਬਣਿਆ 8,725 ਵਰਗ ਫੁੱਟ ਦਾ ਆਲੀਸ਼ਾਨ ਬੰਗਲਾ ਵੇਚਿਆ ਜਾ ਰਿਹਾ ਹੈ। ਵਿਕਰੀ ਤੋਂ ਹੋਣ ਵਾਲੀ ਕਮਾਈ ਇਵਾਨਾ ਅਤੇ ਡੋਨਾਲਡ ਟਰੰਪ ਦੇ ਤਿੰਨ ਬੱਚਿਆਂ, ਡੋਨਾਲਡ ਟਰੰਪ ਜੂਨੀਅਰ, ਐਰਿਕ ਟਰੰਪ ਅਤੇ ਇਵਾਂਕਾ ਟਰੰਪ ਵਿਚਕਾਰ ਵੰਡੀ ਜਾਵੇਗੀ। 64ਵੀਂ ਸਟ੍ਰੀਟ ‘ਤੇ ਸਥਿਤ ਇਸ 5-ਬੈੱਡਰੂਮ, 5-ਬਾਥਰੂਮ ਵਾਲੇ ਬੰਗਲੇ ਵਿੱਚ 1980 ਦੇ ਦਹਾਕੇ ਦੇ ਸਮੇਂ ਦਾ ਕੰਮ ਕੀਤਾ ਹੋਇਆ ਹੈ। ਇਵਾਨਾ ਨੇ ਇਹ ਬੰਗਲਾ 1992 ‘ਚ ਸਿਰਫ 20 ਕਰੋੜ ਰੁਪਏ ‘ਚ ਖਰੀਦਿਆ ਸੀ। ਉਸ ਦਾ ਉਸੇ ਸਾਲ ਡੋਨਾਲਡ ਟਰੰਪ ਤੋਂ ਤਲਾਕ ਹੋ ਗਿਆ ਸੀ। ਬ੍ਰੋਕਿੰਗ ਫਰਮ ਨੇ ਹੁਣ ਇਸ ਬੰਗਲੇ ਦੀ ਕੀਮਤ ਕਰੀਬ 215 ਕਰੋੜ ਰੁਪਏ ਰੱਖੀ ਹੈ।
ਜ਼ਿਕਰਯੋਗ ਹੈ ਕਿ ਇਵਾਨਾ ਟਰੰਪ ਹੁਣ ਸਾਡੇ ਵਿਚਕਾਰ ਨਹੀਂ ਹਨ। ਜੁਲਾਈ 2022 ਵਿੱਚ, ਇਵਾਨਾ ਟਰੰਪ ਆਪਣੇ ਬੰਗਲੇ ਵਿੱਚ ਮ੍ਰਿਤਕ ਪਾਈ ਗਈ ਸੀ। 73 ਸਾਲਾ ਇਵਾਨਾ ਨੂੰ ਆਪਣੇ ਮੈਨਹਟਨ ਅਪਾਰਟਮੈਂਟ ਦੀਆਂ ਪੌੜੀਆਂ ਤੋਂ ਹੇਠਾਂ ਡਿੱਗ ਕੇ ਗੰਭੀਰ ਸੱਟਾਂ ਲੱਗੀਆਂ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ ਸੀ।
