ਚੋਣ ਕਮਿਸ਼ਨ ਨੇ ਸ਼ਨੀਵਾਰ ਨੂੰ ਪਿਛਲੇ ਪੰਜ ਪੜਾਵਾਂ ‘ਚ ਹੋਈਆਂ ਚੋਣਾਂ ਦੇ ਅੰਤਿਮ ਅੰਕੜੇ ਪੇਸ਼ ਕੀਤੇ। ਚੋਣਾਂ ਦੇ ਪਿਛਲੇ ਪੰਜ ਗੇੜਾਂ ਵਿੱਚ ਕਿਹੜੇ ਲੋਕ ਸਭਾ ਹਲਕਿਆਂ ਵਿੱਚ ਕਿੰਨੇ ਫੀਸਦੀ ਲੋਕਾਂ ਨੇ ਵੋਟ ਪਾਈ ਇਸਦੇ ਅੰਕੜੇ ਜਾਰੀ ਕੀਤੇ ਗਏ ਹਨ। ਇਸ ਦੌਰਾਨ ਚੋਣ ਕਮਿਸ਼ਨ ਨੇ ਕਿਹਾ ਕਿ ਵੋਟ ਪ੍ਰਤੀਸ਼ਤਤਾ ਨੂੰ ਲੈ ਕੇ ਕੁਝ ਗੁੰਮਰਾਹਕੁੰਨ ਬਿਰਤਾਂਤ ਫੈਲਾਏ ਗਏ ਹਨ।
ਚੋਣ ਕਮਿਸ਼ਨ ਨੇ ਪੰਜ ਪੜਾਵਾਂ ਦੇ ਅੰਕੜੇ ਜਾਰੀ ਕਰਦੇ ਹੋਏ ਦੱਸਿਆ ਕਿ ਪਹਿਲੇ ਪੜਾਅ ਵਿੱਚ ਕੁੱਲ 66.14 ਫੀਸਦੀ, ਦੂਜੇ ਪੜਾਅ ਵਿੱਚ 66.71 ਫੀਸਦੀ, ਤੀਜੇ ਪੜਾਅ ਵਿੱਚ 65.68 ਫੀਸਦੀ, ਚੌਥੇ ਪੜਾਅ ਵਿੱਚ 69.16 ਫੀਸਦੀ ਅਤੇ ਪੰਜਵੇਂ ਪੜਾਅ ਵਿੱਚ 62.20 ਫੀਸਦੀ ਵੋਟਿੰਗ ਹੋਈ ਹੈ।
ਚੋਣ ਕਮਿਸ਼ਨ ਨੇ ਕਿਹਾ ਹੈ ਕਿ ਪੰਜ ਪੜਾਵਾਂ ਦੇ ਲੋਕ ਸਭਾ ਹਲਕੇ-ਵਾਰ ਅੰਕੜੇ ਜਨਤਕ ਕਰ ਦਿੱਤੇ ਗਏ ਹਨ। ਨਾਲ ਹੀ ਕਿਹਾ ਕਿ ਅਜਿਹਾ ਪੈਟਰਨ ਬਣਾਇਆ ਗਿਆ ਹੈ ਕਿ ਚੋਣ ਪ੍ਰਕਿਰਿਆ ਬਾਰੇ ਹਮੇਸ਼ਾ ਗੁੰਮਰਾਹਕੁੰਨ ਜਾਣਕਾਰੀ ਫੈਲਾਈ ਜਾਂਦੀ ਰਹੀ ਹੈ। ਪਈਆਂ ਵੋਟਾਂ ਦੀ ਗਿਣਤੀ ਵਿੱਚ ਕੋਈ ਬਦਲਾਅ ਹੋਣ ਦੀ ਸੰਭਾਵਨਾ ਨਹੀਂ ਹੈ।