ਮੁਕੇਸ਼ ਅੰਬਾਨੀ ਦੇ ਛੋਟੇ ਬੇਟੇ ਅਨੰਤ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ ਦਾ ਆਸ਼ੀਰਵਾਦ ਸਮਾਰੋਹ ਜੀਓ ਵਰਲਡ ਸੈਂਟਰ ਵਿੱਚ ਹੈ। ਪੀਐਮ ਮੋਦੀ ਰਾਤ 8:45 ਵਜੇ ਇੱਥੇ ਪਹੁੰਚਣਗੇ ਅਤੇ ਰਾਤ ਦਾ ਭੋਜਨ ਵੀ ਕਰਨਗੇ। ਦੱਸ ਦਈਏ ਕਿ ਪੀਐਮ ਮੋਦੀ ਮੁੰਬਈ ਦੇ ਬੀਕੇਸੀ ਵਿੱਚ ਸਥਿਤ ਇੰਡੀਅਨ ਅਖਬਾਰ ਸੁਸਾਇਟੀ ਦੀ ਇਮਾਰਤ (ਆਈਐਨਐਸ ਟਾਵਰ) ਦੇ ਉਦਘਾਟਨ ਸਮਾਰੋਹ ਵਿੱਚ ਮੌਜੂਦ ਹਨ। ਜੀਓ ਵਰਲਡ ਸੈਂਟਰ INS ਟਾਵਰ ਤੋਂ ਕੁਝ ਕਦਮਾਂ ਦੀ ਦੂਰੀ ‘ਤੇ ਹੈ।
ਦੱਸ ਦਈਏ ਇਸ ਤੋਂ ਪਹਿਲਾਂ ਸਾਬਕਾ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਨੇ ਵੀ ਸਮਾਗਮ ਵਿੱਚ ਸ਼ਿਰਕਤ ਕੀਤੀ। ਅਨੰਤ-ਰਾਧਿਕਾ ਦਾ ਵਿਆਹ 12 ਜੁਲਾਈ ਨੂੰ ਹੋਇਆ ਸੀ।
ਇਸਤੋ ਇਲਾਵਾ ਸ਼ੰਕਰਾਚਾਰੀਆ ਮਹਾਰਾਜ ਤੇ ਸਵਾਮੀ ਰਾਮਭੱਦਰਾਚਾਰੀਆ ਵੀ ਪਹੁੰਚੇ। ਅੰਬਾਨੀ ਪਰਿਵਾਰ ਨੇ ਸਾਰੀਆਂ ਰਸਮਾਂ ਨਾਲ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ। ਜੋਤਿਸ਼ਪੀਠ ਬਦਰੀਨਾਥ ਦੇ ਸਵਾਮੀ ਅਵਿਮੁਕਤੇਸ਼ਵਰਾਨੰਦ ਜੀ ਅਤੇ ਦਵਾਰਕਾ ਸ਼ਾਰਦਾ ਪੀਠ ਦੇ ਮੁਖੀ ਸਵਾਮੀ ਸਦਾਨੰਦ ਜੀ ਦਾ ਅੰਬਾਨੀ ਪਰਿਵਾਰ ਵੱਲੋਂ ਸਾਰੀਆਂ ਰਸਮਾਂ ਨਾਲ ਸਵਾਗਤ ਕੀਤਾ ਗਿਆ।
