ਨੇਪਾਲ ਦੇ ਪੋਖਰਾ ਵਿੱਚ ਐਤਵਾਰ ਨੂੰ ਇੱਕ ਜਹਾਜ਼ ਹਾਦਸੇ ਵਿੱਚ ਯੂਪੀ ਦੇ ਗਾਜ਼ੀਪੁਰ ਜ਼ਿਲ੍ਹੇ ਦੇ ਕਾਸਿਮਾਬਾਦ ਦੇ ਰਹਿਣ ਵਾਲੇ ਨੌਜਵਾਨਾਂ ਦੀ ਮੌਤ ਹੋ ਗਈ। ਜਹਾਜ਼ ਵਿੱਚ ਚਾਲਕ ਦਲ ਦੇ ਚਾਰ ਮੈਂਬਰਾਂ ਸਮੇਤ 72 ਲੋਕ ਸਵਾਰ ਸਨ। ਜਿਨ੍ਹਾਂ ‘ਚੋ 68 ਮੌਤਾਂ ਦੀ ਪੁਸ਼ਟੀ ਹੋਈ ਹੈ। ਹਾਦਸੇ ਵਿੱਚ ਮਾਰੇ ਗਏ ਗਾਜ਼ੀਪੁਰ ਦੇ ਚਾਰ ਨੌਜਵਾਨਾਂ ਬਚਪਨ ਤੋਂ ਹੀ ਦੋਸਤ ਸਨ। 3 ਦਿਨ ਪਹਿਲਾਂ ਇਕੱਠੇ ਨੇਪਾਲ ਗਏ ਸਨ। ਇਨ੍ਹਾਂ ਨੌਜਵਾਨਾਂ ‘ਚੋਂ ਇਕ ਦਾ ਨਾਂ ਸੋਨੂੰ ਜੈਸਵਾਲ ਸੀ। ਜਹਾਜ਼ ਹਾਦਸੇ ਤੋਂ ਕੁਝ ਸੈਕਿੰਡ ਪਹਿਲਾਂ ਸੋਨੂੰ ਜਹਾਜ਼ ਦੇ ਅੰਦਰੋਂ ਫੇਸਬੁੱਕ ‘ਤੇ ਲਾਈਵ ਸੀ।
ਪਰਿਵਾਰਿਕ ਮੈਂਬਰਾ ਵੱਲੋ ਸਾਂਝੀ ਕੀਤੀ ਇਸ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਜਹਾਜ਼ ‘ਚ ਹਰ ਕੋਈ ਖੁਸ਼ ਹੈ, ਸੋਨੂੰ ਪਹਿਲਾਂ ਖੁਦ ਨੂੰ ਅਤੇ ਬਾਅਦ ‘ਚ ਜਹਾਜ਼ ‘ਚ ਬੈਠੇ ਬਾਕੀ ਯਾਤਰੀਆਂ ਨੂੰ ਦਿਖਾਉਂਦੇ ਹੈ। ਉਦੋਂ ਤੱਕ ਸਭ ਠੀਕ ਸੀ। ਅਚਾਨਕ ਮਰੇ…ਮਰੇ …ਮਰੇ ਦੀ ਆਵਾਜ਼ ਆਉਣ ਲੱਗਦੀ ਹੈ। ਚੀਕਾਂ ਨਿਕਲਦੀਆਂ ਹਨ … ਅਤੇ ਫਿਰ ਸਿਰਫ ਅੱਗ ਦਾ ਇੱਕ ਗੋਲਾ ਦਿਖਾਈ ਦਿੰਦਾ ਹੈ. ਭਾਵ ਹਾਦਸਾ ਉਦੋਂ ਵਾਪਰਿਆ ਸੀ। ਡੀਐਮ ਗਾਜ਼ੀਪੁਰ ਆਰਿਆਕਾ ਅਖੋਰੀ ਨੇ ਚਾਰ ਨੌਜਵਾਨਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਜਹਾਜ਼ ਹਾਦਸੇ ਵਿੱਚ ਮਰਨ ਵਾਲੇ ਚਾਰ ਨੌਜਵਾਨਾਂ ਦੇ ਨਾਂ ਅਨਿਲ ਰਾਜਭਰ (28), ਵਿਸ਼ਾਲ ਸ਼ਰਮਾ (23), ਅਭਿਸ਼ੇਕ ਸਿੰਘ ਕੁਸ਼ਵਾਹਾ (23) ਅਤੇ ਸੋਨੂੰ ਜੈਸਵਾਲ (28) ਹਨ।
