ਲੋਕ ਸਭਾ ਚੋਣ ਪ੍ਰਚਾਰ ਦਾ ਸ਼ੋਰ ਘੱਟ ਹੁੰਦੇ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਨੂੰ ਕੰਨਿਆਕੁਮਾਰੀ ਪਹੁੰਚਣਗੇ। ਇੱਥੇ ਉਹ ਸ਼ਾਮ 5 ਵਜੇ ਭਗਵਤੀ ਦੇਵੀ ਅੰਮਾਨ ਮੰਦਿਰ (ਕੰਨਿਆਕੁਮਾਰੀ ਮੰਦਿਰ) ਦੇ ਦਰਸ਼ਨ ਅਤੇ ਪੂਜਾ ਕਰਨਗੇ। ਇਸ ਤੋਂ ਬਾਅਦ ਵਿਵੇਕਾਨੰਦ ਸ਼ਿਲਾ ਜਾਣਗੇ ਅਤੇ ਉੱਥੇ 1 ਜੂਨ ਤੱਕ ਸਿਮਰਨ ਕਰਨਗੇ।

ਵਿਵੇਕਾਨੰਦ ਸ਼ਿਲਾ ਦੇ ਨੇੜੇ ਸਥਿਤ ਤਮਿਲ ਕਵੀ ਤਿਰੂਵੱਲੂਵਰ ਦੀ ਮੂਰਤੀ ਵੀ ਦੇਖਣਗੇ। PM ਮੋਦੀ 1 ਜੂਨ ਦੀ ਸ਼ਾਮ ਨੂੰ ਦਿੱਲੀ ਲਈ ਰਵਾਨਾ ਹੋ ਸਕਦੇ ਹਨ।

ਸੱਤਵੇਂ ਅਤੇ ਆਖਰੀ ਪੜਾਅ ਲਈ ਚੋਣ ਪ੍ਰਚਾਰ ਅੱਜ ਸ਼ਾਮ 5 ਵਜੇ ਸਮਾਪਤ ਹੋ ਜਾਵੇਗਾ। 1 ਜੂਨ ਨੂੰ ਵੋਟਿੰਗ ਹੋਵੇਗੀ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਹਾ ਹੈ ਕਿ ਜੇਕਰ ਮੋਦੀ ਦਾ ਸਿਮਰਨ ਟੀਵੀ ‘ਤੇ ਦਿਖਾਇਆ ਗਿਆ ਤਾਂ ਉਹ ਚੋਣ ਕਮਿਸ਼ਨ ਨੂੰ ਸ਼ਿਕਾਇਤ ਕਰੇਗੀ।