ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਦੇ ਘਰ ਇੱਕ ਨਵੇਂ ਮੈਂਬਰ ਦੀ ਐਂਟਰੀ ਹੋਈ ਹੈ। ਇਹ ਮੈਂਬਰ ਕੋਈ ਹੋਰ ਨਹੀਂ ਸਗੋਂ ਇੱਕ ਕਤੂਰਾ (puppy) ਹੈ। ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਹਾਲ ਹੀ ‘ਚ ਮਾਂ ਸੋਨੀਆ ਗਾਂਧੀ ਨੂੰ ਇਕ puppy ਗਿਫਟ ਕੀਤਾ ਹੈ। ਉਨ੍ਹਾਂ ਨੇ ਇਸ ਦਾ ਵੀਡੀਓ ਐਨੀਮਲ ਡੇਅ ਦੇ ਮੌਕੇ ‘ਤੇ ਸ਼ੇਅਰ ਕੀਤਾ। ਵੀਡੀਓ ਦਾ ਸਿਰਲੇਖ ਸੀ – ਮਾਂ ਲਈ ਇੱਕ ਛੋਟਾ ਜਿਹਾ ਸਰਪ੍ਰਾਈਜ਼। ਇਸ ਵਿੱਚ ਉਸ ਨੇ ਕਤੂਰੇ ਨੂਰੀ ਨੂੰ ਆਪਣੇ ਪਰਿਵਾਰ ਦਾ ਨਵਾਂ ਮੈਂਬਰ ਦੱਸਿਆ ਹੈ।
ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਰਾਹੁਲ ਸਭ ਤੋਂ ਪਹਿਲਾਂ ਗੋਆ ਵਿੱਚ ਇੱਕ ਸ਼ੈਲਟਰ ਹਾਊਸ (ਡੌਗ ਹਾਊਸ) ਵਿੱਚ ਜਾਂਦੇ ਹਨ। ਉੱਥੇ ਉਹ 2-3 ਕਤੂਰਿਆਂ ਨਾਲ ਖੇਡਦੇ ਹਨ। ਇੱਕ ਕਤੂਰੇ ਨੂੰ ਬਾਅਦ ਵਿੱਚ ਰਾਹੁਲ ਕੋਲ ਦਿੱਲੀ ਭੇਜਿਆ ਜਾਂਦਾ ਹੈ। ਇੱਥੇ ਉਨ੍ਹਾਂ ਨੇ ਇਸਨੂੰ ਟੋਕਰੀ ਵਿੱਚ ਰੱਖਿਆ ਅਤੇ ਮਾਂ ਸੋਨੀਆ ਨੂੰ ਤੋਹਫਾ ਦਿੱਤਾ। ਸੋਨੀਆ ਕਤੂਰੇ ਨਾਲ ਖੇਡਦੀ ਹੈ ਅਤੇ ਇਸ ਨੂੰ ਪਿਆਰ ਕਰਦੀ ਹੈ। ਵੀਡੀਓ ‘ਚ ਨੂਰੀ ਵੀ ਸੋਨੀਆ ਦੇ ਕੁੱਤੇ ਲੇਪੋ ਨਾਲ ਖੇਡਦੀ ਨਜ਼ਰ ਆ ਰਹੀ ਹੈ।
ਇਸ ਤੋਂ ਇਲਾਵਾ ਰਾਹੁਲ ਨੇ ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ ਕਿ ਨੂਰੀ ਗੋਆ ਤੋਂ ਸਾਡੇ ਕੋਲ ਆਈ ਹੈ ਅਤੇ ਜ਼ਿੰਦਗੀ ਦੀ ਰੋਸ਼ਨੀ ਬਣ ਗਈ ਹੈ। ਇੱਕ ਸੁੰਦਰ ਜਾਨਵਰ ਸਾਨੂੰ ਬਿਨਾਂ ਸ਼ਰਤ ਪਿਆਰ ਅਤੇ ਸਮਝੌਤਾ ਰਹਿਤ ਵਫ਼ਾਦਾਰੀ ਸਿਖਾ ਸਕਦਾ ਹੈ। ਸਾਨੂੰ ਸਾਰੇ ਜੀਵਾਂ ਦੀ ਰੱਖਿਆ ਅਤੇ ਪਿਆਰ ਕਰਨ ਦਾ ਸੰਕਲਪ ਕਰਨਾ ਚਾਹੀਦਾ ਹੈ।
