ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਕੁਝ ਦਿਨ ਪਹਿਲਾਂ ਭਾਰਤ ‘ਚ ਇਕ ਟਰੱਕ ‘ਚ ਸਫਰ ਕੀਤਾ ਸੀ, ਜਿਸ ਨੇ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਹੁਣ ਰਾਹੁਲ ਗਾਂਧੀ ਨੇ ਆਪਣੇ ਹਾਲੀਆ ਅਮਰੀਕਾ ਦੌਰੇ ਦੌਰਾਨ ਵੀ ਅਜਿਹਾ ਹੀ ਕੀਤਾ ਹੈ। ਉਨ੍ਹਾਂ ਨੇ ਵਾਸ਼ਿੰਗਟਨ ਡੀਸੀ ਤੋਂ ਨਿਊਯਾਰਕ ਤੱਕ ਦਾ ਸਫ਼ਰ ਟਰੱਕ ਵਿੱਚ ਪੂਰਾ ਕੀਤਾ। ਯਾਤਰਾ ਦੌਰਾਨ ਕਾਂਗਰਸੀ ਆਗੂ ਨੇ ਟਰੱਕ ਡਰਾਈਵਰ ਨਾਲ ਗੱਲਬਾਤ ਕੀਤੀ ਅਤੇ ਭਾਰਤ ਅਤੇ ਅਮਰੀਕਾ ਵਿੱਚ ਟਰੱਕ ਡਰਾਈਵਰ ਦੀ ਜ਼ਿੰਦਗੀ ਬਾਰੇ ਚਰਚਾ ਕੀਤੀ। ਇਸ ਦੀ ਵੀਡੀਓ ਉਨ੍ਹਾਂ ਦੇ ਯੂਟਿਊਬ ਚੈਨਲ ‘ਤੇ ਅਪਲੋਡ ਕੀਤੀ ਗਈ ਹੈ
ਰਾਹੁਲ ਗਾਂਧੀ ਦੇ ਸਫ਼ਰ ਦੌਰਾਨ ਵਿੱਚ ਜਦੋਂ ਗਾਣਾ ਚਲਾਉਣ ਦੀ ਗੱਲ ਆਈ ਤਾਂ ਟਰੱਕ ਡਰਾਈਵਰ ਸਿੱਧੂ ਮੂਸੇਵਾਲਾ ਦਾ ਜ਼ਿਕਰ ਕਰਨ ਲੱਗੇ। ਡਰਾਈਵਰ ਤਲਜਿੰਦਰ ਨੇ ਕਿਹਾ, ਮੇਰੀ ਇੱਕ ਬੇਨਤੀ ਹੈ। ਸਾਡਾ ਇੱਕ ਕਾਂਗਰਸੀ ਵਰਕਰ ਸੀ – ਸਿੱਧੂ ਮੂਸੇਵਾਲਾ, ਉਸਨੂੰ ਇਨਸਾਫ਼ ਨਹੀਂ ਮਿਲਿਆ। ਇਸ ‘ਤੇ ਰਾਹੁਲ ਗਾਂਧੀ ਨੇ ਸਿੱਧੂ ਮੂਸੇਵਾਲਾ ਦਾ ਗੀਤ ਹੀ ਵਜਾਉਣ ਲਈ ਕਿਹਾ। ਰਾਹੁਲ ਗਾਂਧੀ ਨੇ ਸਿੱਧੂ ਮੂਸੇਵਾਲਾ ਦਾ ਮਸ਼ਹੂਰ ਗੀਤ 295 ਚਲਾਉਣ ਲਈ ਕਿਹਾ।
ਇਸ ਤੋਂ ਇਲਾਵਾ ਜਦੋਂ ਰਾਹੁਲ ਗਾਂਧੀ ਨੇ ਪੁੱਛਿਆ ਕਿ ਤੁਸੀਂ ਕਿੰਨੀ ਕਮਾਈ ਕਰਦੇ ਹੋ ਤਾਂ ਤਲਜਿੰਦਰ ਨੇ ਕਿਹਾ ਕਿ ਭਾਰਤ ਦੇ ਹਿਸਾਬ ਨਾਲ ਤਾਂ ਬਹੁਤ ਕਮਾਈ ਕਰ ਲੈਂਦਾ ਹਾਂ। ਜੇਕਰ ਸਿਰਫ ਡਰਾਈਵਰ ਕੰਮ ਕਰਦੇ ਹਨ ਤਾਂ ਉਹ 4-5 ਲੱਖ ਰੁਪਏ (5 ਹਜ਼ਾਰ ਡਾਲਰ) ਕਮਾ ਲੈਂਦੇ ਹਨ ਅਤੇ ਜੇਕਰ ਉਨ੍ਹਾਂ ਕੋਲ ਆਪਣਾ ਟਰੱਕ ਹੈ ਤਾਂ 8 ਲੱਖ ਰੁਪਏ (8-10 ਹਜ਼ਾਰ ਡਾਲਰ) ਕਿਧਰੇ ਨਹੀਂ ਗਏ। ਇਸ ਜਵਾਬ ‘ਤੇ ਰਾਹੁਲ ਗਾਂਧੀ ਵੀ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਨੂੰ ਇਕ ਮਹੀਨੇ ਲਈ ਪੁੱਛਿਆ, ਜਿਸ ‘ਤੇ ਡਰਾਈਵਰ ਨੇ ਕਿਹਾ ਕਿ ਹਾਂ, ਉਹ ਹਰ ਮਹੀਨੇ 8 ਲੱਖ ਰੁਪਏ ਕਮਾ ਲੈਂਦਾ ਹੈ। ਇਸ ਇੰਡਸਟਰੀ ਵਿੱਚ ਬਹੁਤ ਪੈਸਾ ਹੈ। ਤਲਜਿੰਦਰ ਨੇ ਦੱਸਿਆ ਕਿ ਅਮਰੀਕਾ ਵਿੱਚ ਟਰੱਕ ਚਲਾ ਕੇ ਪਰਿਵਾਰ ਪਾਲਿਆ ਜਾ ਸਕਦਾ ਹੈ ਪਰ ਭਾਰਤ ਵਿੱਚ ਇਹ ਮੁਸ਼ਕਿਲ ਹੈ।