ਆਉਣ ਵਾਲੇ ਦਿਨਾਂ ਵਿੱਚ ਰੇਲਵੇ ਇੱਕ ਅਜਿਹੀ ਐਪ ਲਾਂਚ ਕਰ ਰਿਹਾ ਹੈ ਜਿਸ ਰਾਹੀਂ ਤੁਰੰਤ ਪਤਾ ਲਗਾਇਆ ਜਾ ਸਕੇਗਾ ਕਿ ਟਿਕਟ ਅਸਲੀ ਹੈ ਜਾਂ ਨਕਲੀ। ਇਸ TTE ਐਂਡਰਾਇਡ ਐਪ ਨੂੰ ਸੈਂਟਰ ਫਾਰ ਰੇਲਵੇ ਇਨਫਰਮੇਸ਼ਨ ਸਿਸਟਮ (CRIS) ਦੁਆਰਾ ਤਿਆਰ ਕੀਤਾ ਗਿਆ ਹੈ। ਇਹ ਵਿਸ਼ੇਸ਼ ਤੌਰ ‘ਤੇ ਰੇਲ ਗੱਡੀਆਂ ਵਿੱਚ ਯਾਤਰੀਆਂ ਦੀਆਂ ਟਿਕਟਾਂ ਦੀ ਲਾਈਵ ਵੈਰੀਫਿਕੇਸ਼ਨ ਲਈ ਤਿਆਰ ਕੀਤਾ ਗਿਆ ਹੈ।
ਦਰਅਸਲ, ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਟਰੇਨਾਂ ‘ਚ ਭੀੜ ਦਾ ਫਾਇਦਾ ਉਠਾਉਂਦੇ ਹੋਏ ਕਈ ਯਾਤਰੀ ਜਾਅਲੀ ਜਾਂ ਐਡਿਟ ਟਿਕਟਾਂ ਨਾਲ ਟਰੇਨਾਂ ‘ਚ ਸਫਰ ਕਰਦੇ ਹਨ। ਜੇਕਰ ਟੀਟੀਈ ਉਨ੍ਹਾਂ ਨੂੰ ਫੜ ਲੈਂਦਾ ਹੈ ਤਾਂ ਉਨ੍ਹਾਂ ਵਿਰੁੱਧ ਕਾਰਵਾਈ ਕੀਤੀ ਜਾਂਦੀ ਹੈ, ਪਰ ਜੇਕਰ ਉਹ ਬਚ ਜਾਂਦੇ ਹਨ ਤਾਂ ਉਹ ਯਾਤਰਾ ਕਰਨ ਚ ਸਫਲ ਹੋ ਜਾਂਦੇ ਹਨ। ਅਜਿਹੇ ‘ਚ ਰੇਲਵੇ ਨੇ ਹੁਣ ਇਨ੍ਹਾਂ ਨੂੰ ਫੜਨ ਦੀ ਯੋਜਨਾ ਤਿਆਰ ਕੀਤੀ ਹੈ। ਐਪ ਰਾਹੀਂ ਤੁਰੰਤ ਪਤਾ ਲੱਗ ਜਾਵੇਗਾ ਕਿ ਟਿਕਟ ਦਾ ਪ੍ਰਿੰਟ ਅਸਲੀ ਹੈ ਜਾਂ ਨਕਲੀ। ਰੇਲਵੇ ਬੋਰਡ ਨੇ ਸਾਰੇ ਰੇਲਵੇ ਜ਼ੋਨਾਂ ਦੇ ਟੀਟੀਈਜ਼ ਲਈ ਇਸ ਐਪ ਦੀ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।