ਸੋਨੀਆ ਗਾਂਧੀ ਸ਼ਨੀਵਾਰ ਨੂੰ ਸ਼੍ਰੀਨਗਰ ਜਾਣਗੇ। ਰਾਹੁਲ ਗਾਂਧੀ ਵੀ ਲੱਦਾਖ ਤੋਂ ਸ਼੍ਰੀਨਗਰ ਪਹੁੰਚ ਚੁੱਕੇ ਹਨ। ਸ੍ਰੀਨਗਰ ਵਿੱਚ ਰਾਹੁਲ ਦੋ ਦਿਨ ਹਾਊਸਬੋਟ ਅਤੇ ਹੋਟਲ ਵਿੱਚ ਆਰਾਮ ਕਰਨਗੇ। ਮਾਂ-ਪੁੱਤ ਦੀ ਇਹ ਦੋ ਦਿਨਾ ਫੇਰੀ ਬੇਹੱਦ ਨਿਜੀ ਦੱਸੀ ਜਾ ਰਹੀ ਹੈ। ਯਾਤਰਾ ਦੇ ਮੱਦੇਨਜ਼ਰ ਸੁਰੱਖਿਆ ਪ੍ਰਬੰਧ ਸਖ਼ਤ ਕਰ ਦਿੱਤੇ ਗਏ ਹਨ। ਜੰਮੂ-ਕਸ਼ਮੀਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਵਿਕਾਰ ਰਸੂਲ ਵਾਨੀ ਨੇ ਕਿਹਾ, ਇਹ ਉਨ੍ਹਾਂ ਦਾ ਪਰਿਵਾਰਕ ਦੌਰਾ ਹੈ। ਇਸ ਦੌਰਾਨ ਉਹ ਕੋਈ ਸਿਆਸੀ ਮੀਟਿੰਗ ਨਹੀਂ ਕਰਨਗੇ।
ਦੱਸ ਦਈਏ ਕਿ ਰਾਹੁਲ ਗਾਂਧੀ ਪਿਛਲੇ ਇੱਕ ਹਫ਼ਤੇ ਤੋਂ ਲੱਦਾਖ ਵਿੱਚ ਸਨ। ਇੱਥੇ ਉਨ੍ਹਾਂ ਨੇ ਬਹੁਤ ਬਾਈਕ ਰਾਈਡਿੰਗ ਕੀਤੀ। ਰਾਹੁਲ ਨੇ ਲੱਦਾਖ ‘ਚ ਕਰੀਬ 700 ਕਿਲੋਮੀਟਰ ਮੋਟਰਸਾਈਕਲ ਚਲਾਈ ਹੈ। ਉਨ੍ਹਾਂ ਨੇ 19 ਅਗਸਤ ਨੂੰ ਲੇਹ ਤੋਂ ਪੈਂਗੋਂਗ ਝੀਲ ਤੱਕ ਲਗਭਗ 224 ਕਿਲੋਮੀਟਰ ਮੋਟਰਸਾਈਕਲ ਚਲਾਈ। ਇਸ ਤੋਂ ਬਾਅਦ 21 ਅਗਸਤ ਨੂੰ 264 ਕਿਲੋਮੀਟਰ ਮੋਟਰਸਾਈਕਲ ਚਲਾ ਕੇ ਪੈਂਗੌਂਗ ਝੀਲ ਤੋਂ ਖਾਰਦੁੰਗ ਲਾ ਪਹੁੰਚੇ। ਉਸੇ ਦਿਨ ਖਾਰਦੁੰਗ ਲਾ ਤੋਂ 40 ਕਿਲੋਮੀਟਰ ਦੂਰ ਲੇਹ ਗਏ। 22 ਅਗਸਤ ਨੂੰ, ਉਨ੍ਹਾਂ ਨੇ ਲੇਹ ਤੋਂ ਲਾਮਾਯੁਰੂ ਤੱਕ 136 ਕਿਲੋਮੀਟਰ ਮੋਟਰਸਾਈਕਲ ਚਲਾਈ।