ਦੁਨੀਆ ਭਰ ‘ਚ ਅੱਜ ਯਾਨੀ ਕਿ 1 ਅਗਸਤ ਨੂੰ ਸੁਪਰਮੂਨ ਨਜ਼ਰ ਆਵੇਗਾ। ਇਸ ਦੌਰਾਨ ਚੰਦਰਮਾ ਦਾ ਆਕਾਰ ਆਮ ਨਾਲੋਂ 14% ਵੱਡਾ ਦਿਖਾਈ ਦੇਵੇਗਾ। ਚੰਦਰਮਾ 30% ਜ਼ਿਆਦਾ ਚਮਕਦਾਰ ਦਿਖਾਈ ਦੇਵੇਗਾ। ਮੰਗਲਵਾਰ ਰਾਤ 12:02 ‘ਤੇ ਭਾਰਤ ‘ਚ ਚੰਦਰਮਾ ਸਭ ਤੋਂ ਵੱਡਾ ਦਿਖਾਈ ਦੇਵੇਗਾ। ਇੱਕ ਸੁਪਰਮੂਨ ਉਦੋਂ ਹੁੰਦਾ ਹੈ ਜਦੋਂ ਧਰਤੀ ਅਤੇ ਚੰਦ ਵਿਚਕਾਰ ਦੂਰੀ ਘੱਟ ਹੋ ਜਾਂਦੀ ਹੈ। ਇਸ ਕਾਰਨ ਚੰਦਰਮਾ ਵੱਡਾ ਅਤੇ ਚਮਕਦਾਰ ਦਿਖਾਈ ਦਿੰਦਾ ਹੈ। ਇਸ ਸੁਪਰਮੂਨ ਨੂੰ ਦੇਖ ਕੇ ਅਜਿਹਾ ਲੱਗੇਗਾ ਕਿ ਇਹ ਧਰਤੀ ਦੇ ਨੇੜੇ ਆ ਰਿਹਾ ਹੈ।
1 ਅਗਸਤ ਨੂੰ ਚੰਦਰਮਾ ਧਰਤੀ ਤੋਂ 3,57,264 ਕਿਲੋਮੀਟਰ ਦੂਰ ਹੋਵੇਗਾ। ਜਦੋਂ ਕਿ ਇਹ ਆਮ ਤੌਰ ‘ਤੇ ਸਭ ਤੋਂ ਦੂਰ 4,05,000 ਕਿਲੋਮੀਟਰ ਅਤੇ ਸਭ ਤੋਂ ਨਜ਼ਦੀਕੀ 3,63,104 ਕਿਲੋਮੀਟਰ ਹੁੰਦਾ ਹੈ। ਇਸੇ ਮਹੀਨੇ 30 ਅਗਸਤ ਦੀ ਰਾਤ ਨੂੰ ਵੀ ਸੁਪਰਮੂਨ ਹੋਵੇਗਾ, ਜਿਸ ਨੂੰ ਬਲੂਮੂਨ ਕਿਹਾ ਜਾਵੇਗਾ। ਚੰਦਰਮਾ ਨੂੰ ਬਲੂ ਮੂਨ ਓਦੋ ਕਿਹਾ ਜਾਂਦਾ ਹੈ ਜਦੋਂ ਇੱਕ ਹੀ ਮਹੀਨੇ ਵਿੱਚ 2 ਸੁਪਰਮੂਨ ਦਿਖਾਈ ਦਿੰਦੇ ਹਨ। ਪਿਛਲੀ ਵਾਰ 2 ਸੁਪਰਮੂਨ ਇੱਕਠੇ ਅਗਸਤ ਮਹੀਨੇ ਵਿੱਚ ਸਾਲ 2018 ਵਿੱਚ ਵੇਖੇ ਗਏ ਸਨ ਅਤੇ ਅਗਲੀ ਵਾਰ ਅਜਿਹਾ ਸਾਲ 2027 ਵਿੱਚ ਹੋਵੇਗਾ।