Tata Motors ਨੇ ਆਪਣੀ ਐਂਟਰੀ ਲੈਵਲ ਹੈਚਬੈਕ ਟਿਆਗੋ ਅਤੇ ਸੇਡਾਨ ਟਿਗੋਰ ਨੂੰ CNG ਫਿਊਲ ਵਿਕਲਪ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਨਾਲ ਲਾਂਚ ਕੀਤਾ ਹੈ। ਇਹ ਦੋਵੇਂ ਆਟੋਮੈਟਿਕ ਟ੍ਰਾਂਸਮਿਸ਼ਨ ਵਾਲੀਆਂ ਭਾਰਤ ਦੀਆਂ ਪਹਿਲੀਆਂ CNG ਕਾਰਾਂ ਹਨ ਅਤੇ ਟਵਿਨ ਸਿਲੰਡਰ ਤਕਨੀਕ ਨਾਲ ਲੈਸ ਹਨ।
ਇਸ ਤੋਂ ਇਲਾਵਾ ਦੋਵਾਂ ਗੱਡੀਆਂ ਦੇ ਡਿਜ਼ਾਈਨ ਅਤੇ ਹੋਰ ਫੀਚਰਸ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਟਾਟਾ ਮੋਟਰਜ਼ ਦਾ ਦਾਅਵਾ ਹੈ ਕਿ ਦੋਵੇਂ ਕਾਰਾਂ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਨਾਲ CNG ਮੋਡ ਵਿੱਚ 28.06 km/kg ਦੀ ਮਾਈਲੇਜ ਦੇਣਗੀਆਂ। ਪੈਟਰੋਲ ਮੋਟ ਵਿੱਚ 20 Kmpl ਦੀ ਮਾਈਲੇਜ ਮਿਲੇਗੀ। ਟਿਆਗੋ ਕਾਰ ਦਾ ਮੁਕਾਬਲਾ ਮਾਰੂਤੀ ਸੇਲੇਰੀਓ, ਮਾਰੂਤੀ ਵੈਗਨਆਰ, ਅਤੇ ਸਿਟਰੋਇਨ ਸੀ3 ਨਾਲ ਹੈ, ਜਦੋਂ ਕਿ ਟਿਗੋਰ ਦਾ ਮੁਕਾਬਲਾ ਮਾਰੂਤੀ ਡਿਜ਼ਾਇਰ, ਹੌਂਡਾ ਅਮੇਜ਼ ਅਤੇ ਹੁੰਡਈ ਔਰਾ ਨਾਲ ਹੈ।
ਦੱਸ ਦਈਏ ਕਿ ਆਟੋਮੈਟਿਕ ਟਰਾਂਸਮਿਸ਼ਨ ਵਾਲੀ Tiago CNG ਚਾਰ ਵੇਰੀਐਂਟਸ ‘ਚ ਉਪਲਬਧ ਹੈ। ਦਿੱਲੀ ‘ਚ ਇਸ ਦੀ ਐਕਸ-ਸ਼ੋਰੂਮ ਕੀਮਤ 7.89 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ, ਜੋ 8.89 ਲੱਖ ਰੁਪਏ ਤੱਕ ਜਾਂਦੀ ਹੈ। ਇਸ ਦੇ ਨਾਲ ਹੀ ਆਟੋਮੈਟਿਕ ਟਰਾਂਸਮਿਸ਼ਨ ਵਾਲਾ ਟਿਗੋਰ ਦੋ ਵੇਰੀਐਂਟ ‘ਚ ਉਪਲੱਬਧ ਹੈ। ਦਿੱਲੀ ‘ਚ ਇਸ ਦੀ ਐਕਸ-ਸ਼ੋਰੂਮ ਕੀਮਤ 8.84 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 9.54 ਲੱਖ ਰੁਪਏ ਤੱਕ ਹੈ। ਕਾਰਾਂ ‘ਚ ਦਿਲਚਸਪੀ ਰੱਖਣ ਵਾਲੇ ਗਾਹਕ 21,000 ਰੁਪਏ ਦੀ ਟੋਕਨ ਰਕਮ ਦਾ ਭੁਗਤਾਨ ਕਰਕੇ ਇਨ੍ਹਾਂ ਦੋਵਾਂ ਨੂੰ ਆਨਲਾਈਨ ਅਤੇ ਡੀਲਰਸ਼ਿਪ ‘ਤੇ ਬੁੱਕ ਕਰ ਸਕਦੇ ਹਨ।