ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਧੀ ਟਿਫਨੀ ਟਰੰਪ ਨੇ ਐਤਵਾਰ ਨੂੰ ਬੁਆਏਫ੍ਰੈਂਡ ਮਾਈਕਲ ਬੋਲੋਸ ਨਾਲ ਵਿਆਹ ਕਰਵਾ ਲਿਆ ਹੈ। ਸਾਹਮਣੇ ਆਈਆਂ ਤਸਵੀਰਾਂ ‘ਚ ਟਰੰਪ ਆਪਣੀ ਧੀ ਨੂੰ ਲਾੜੇ ਕੋਲ ਲਿਜਾਣ ਦੀ ਰਸਮ ਨਿਭਾਉਂਦੇ ਨਜ਼ਰ ਆ ਰਹੇ ਹਨ। ਇਹ ਵਿਆਹ ਟਰੰਪ ਦੇ ਫਲੋਰੀਡਾ ਸਥਿਤ ਰਿਹਾਇਸ਼ ਮਾਰ-ਏ-ਲਾਗੋ ਵਿਖੇ ਹੋਇਆ।
ਲਾੜੀ ਟਿਫਨੀ ਐਲੀ ਸਾਬ ਦੁਆਰਾ ਡਿਜ਼ਾਇਨ ਕੀਤੇ ਲੰਬੇ-ਸਲੀਵ ਵਾਲੇ ਮੋਤੀ ਵਾਲੇ ਵਿਆਹ ਦੇ ਗਾਊਨ ਵਿੱਚ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਪੇਜ ਸਿਕਸ ਦੇ ਅਨੁਸਾਰ, ਸ਼ਾਨਦਾਰ ਵਿਆਹ ਸਮਾਰੋਹ ਵਿੱਚ ਇਵਾਂਕਾ ਟਰੰਪ, ਉਸਦੇ ਪਤੀ ਜੇਰੇਡ ਕੁਸ਼ਨਰ ਅਤੇ ਬੱਚੇ, ਮੇਲਾਨੀਆ ਟਰੰਪ, ਟਿਫਨੀ ਦੀ ਮਾਂ ਮਾਰਲਾ ਮੈਪਲਜ਼ ਅਤੇ ਐਰਿਕ ਟਰੰਪ ਸਮੇਤ ਕਈ ਮਹਿਮਾਨ ਸ਼ਾਮਲ ਹੋਏ।
