ਵੰਦੇ ਭਾਰਤ ਟਰੇਨ ਦਾ ਸਲੀਪਰ ਵਰਜ਼ਨ ਅਗਲੇ ਸਾਲ ਮਾਰਚ ਤੱਕ ਦੇਸ਼ ਵਿੱਚ ਪਟੜੀਆਂ ‘ਤੇ ਦੌੜਦਾ ਨਜ਼ਰ ਆਵੇਗਾ। ਕੇਂਦਰੀ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ 3 ਅਕਤੂਬਰ ਨੂੰ ਰਾਤ 9:44 ਵਜੇ ਇਸ ਰੇਲਗੱਡੀ ਦੇ ਸਲੀਪਰ ਵਰਜ਼ਨ ਦੀਆਂ 7 ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸਾਂਝੀਆਂ ਕੀਤੀਆਂ। ਅੰਦਰ AC ਸਲੀਪਰ ਕਲਾਸ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ, ਅਸ਼ਵਿਨੀ ਵੈਸ਼ਨਵ ਨੇ ਇਸ ਨੂੰ ਇੱਕ ਕਨਸੈਪਟ ਟ੍ਰੇਨ ਕਿਹਾ ਅਤੇ ਲਿਖਿਆ ਕਿ ਵੰਦੇ ਭਾਰਤ ਸਲੀਪਰ ਵਰਜ਼ਨ ਜਲਦੀ ਹੀ 2024 ਦੀ ਸ਼ੁਰੂਆਤ ਵਿੱਚ ਆਉਣ ਵਾਲਾ ਹੈ।
ਇਸ ਤੋਂ ਪਹਿਲਾਂ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਦੱਸਿਆ ਸੀ ਕਿ ਵੰਦੇ ਭਾਰਤ ਦੇ ਸਲੀਪਰ ਵਰਜ਼ਨ ਦੇ ਡਿਜ਼ਾਈਨ ਨੂੰ ਮਨਜ਼ੂਰੀ ਮਿਲ ਗਈ ਹੈ ਅਤੇ ਟਰੇਨ ਦਾ ਨਿਰਮਾਣ ਵੀ ਸ਼ੁਰੂ ਹੋ ਗਿਆ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਵੰਦੇ ਭਾਰਤ ਐਕਸਪ੍ਰੈੱਸ ਦਾ ਸਲੀਪਰ ਵਰਜ਼ਨ ਇਸ ਸਾਲ ਦਸੰਬਰ ‘ਚ ਟੈਸਟਿੰਗ ਲਈ ਪਟੜੀਆਂ ‘ਤੇ ਉਤਾਰਿਆ ਜਾਵੇਗਾ। ਜੇਕਰ ਟੈਸਟ ਸਫਲ ਰਿਹਾ ਤਾਂ ਅਗਲੇ ਸਾਲ ਯਾਤਰੀਆਂ ਲਈ ਵੰਦੇ ਭਾਰਤ ਸਲੀਪਰ ਟਰੇਨ ਸ਼ੁਰੂ ਕੀਤੀ ਜਾ ਸਕਦੀ ਹੈ।
