NEET PG 2023 ਦੇ ਨਤੀਜੇ ਐਲਾਨ ਦਿੱਤੇ ਗਏ ਹਨ। ਨੈਸ਼ਨਲ ਬੋਰਡ ਆਫ ਐਗਜ਼ਾਮੀਨੇਸ਼ਨ (NBE) ਨੇ ਮੰਗਲਵਾਰ ਸ਼ਾਮ ਨੂੰ ਆਪਣੀ ਅਧਿਕਾਰਤ ਵੈੱਬਸਾਈਟ nbe.edu.in ‘ਤੇ ਨਤੀਜੇ ਜਾਰੀ ਕੀਤੇ। ਦੱਸ ਦਈਏ ਕਿ ਇਹ NEET PG ਦੀ ਪ੍ਰੀਖਿਆ 5 ਮਾਰਚ, 2023 ਨੂੰ ਹੋਈ ਸੀ। ਇਸ ਵਾਰ ਮੈਡੀਕਲ ਸਟੂਡੈਂਟ ਆਰੂਸ਼ੀ ਨਰਵਾਨੀ ਨੇ ਇਸ ਪ੍ਰੀਖਿਆ ਚ ਟਾਪ ਕੀਤਾ ਹੈ
ਡਾ: ਆਰੂਸ਼ੀ ਨੇ VMMC ਸਫਦਰਜੰਗ ਹਸਪਤਾਲ, ਨਵੀਂ ਦਿੱਲੀ ਤੋਂ ਆਪਣੀ MBBS ਪੂਰੀ ਕੀਤੀ। ਉਸ ਨੇ NEET PG ਦੀ ਪ੍ਰੀਖਿਆ ਚੋ 800 ‘ਚੋਂ 725 ਅੰਕ ਹਾਸਲ ਕੀਤੇ। ਇਸ ਵਾਰ 2,08,898 ਉਮੀਦਵਾਰਾਂ ਨੇ ਪ੍ਰੀਖਿਆ ਦਿੱਤੀ। ਇਹ ਲਗਾਤਾਰ ਦੂਜੀ ਵਾਰ ਹੈ ਜਦੋਂ ਕਿਸੇ ਵਿਦਿਆਰਥਣ ਨੇ NEET PG 2023 ਵਿੱਚ ਟਾਪ ਕੀਤਾ ਹੈ। ਟਾਪਰ ਆਰੂਸ਼ੀ ਨੇ ਕਿਹਾ, “ਮੈਂ NEET PG ਦੀ ਤਿਆਰੀ ਉਦੋਂ ਸ਼ੁਰੂ ਕੀਤੀ ਸੀ ਜਦੋਂ ਮੈਂ MBBS ਦੇ ਤੀਜੇ ਸਾਲ ਵਿੱਚ ਸੀ। ਨਿਰੰਤਰਤਾ ਬਹੁਤ ਮਹੱਤਵਪੂਰਨ ਹੈ। ਹਰ ਰੋਜ਼ ਦੀਆ ਛੋਟੀਆਂ-ਛੋਟੀਆਂ ਕੋਸ਼ਿਸ਼ਾਂ ਬਹੁਤ ਮਾਇਨੇ ਰੱਖਦੀਆਂ ਹਨ ਅਤੇ ਪਿਛਲੇ ਸਾਲਾਂ ਦੇ ਸਵਾਲਾਂ ਨੂੰ ਵੀ ਹੱਲ ਕਰੋ।”