ਹੁਸ਼ਿਆਰਪੁਰ ਦੇ ਗੜ੍ਹਸ਼ੰਕਰ ਆਦਮਪੁਰ ਰੋਡ ‘ਤੇ ਪਿੰਡ ਇਮਾਨ ਮੁਗਲਾਂ ਨੇੜੇ ਬੱਸ ਨਹਿਰ ‘ਚ ਡਿੱਗ ਗਈ ਹੈ। ਇਹ ਹਾਦਸਾ ਧੁੰਦ ਕਾਰਨ ਵਾਪਰਿਆ। ਬੱਸ ਦਾ ਡਰਾਈਵਰ, ਕੰਡਕਟਰ ਅਤੇ ਇੱਕ ਯਾਤਰੀ ਜ਼ਖ਼ਮੀ ਹੋ ਗਏ। ਸਥਾਨਕ ਲੋਕਾਂ ਨੇ ਤਿੰਨਾਂ ਜ਼ਖਮੀਆਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਗੜ੍ਹਸ਼ੰਕਰ ਵਿਖੇ ਦਾਖਲ ਕਰਵਾਇਆ। ਦੱਸਿਆ ਜਾ ਰਿਹਾ ਹੈ ਕਿ ਧੁੰਦ ਕਾਰਨ ਡਰਾਈਵਰ ਨੂੰ ਸਾਹਮਣੇ ਕੁਝ ਦਿਖਾਈ ਨਹੀਂ ਦੇ ਰਿਹਾ ਸੀ, ਇਸ ਲਈ ਅਚਾਨਕ ਬ੍ਰੇਕ ਲਗਾਉਣ ਕਾਰਨ ਬੱਸ ਪਲਟ ਗਈ ਅਤੇ ਨਹਿਰ ‘ਚ ਜਾ ਡਿੱਗੀ।
ਪਿੰਡ ਬਿੰਜੋ ਤੋਂ ਸਵੇਰੇ 9 ਵਜੇ ਪ੍ਰਾਈਵੇਟ ਕੰਪਨੀ ਦੱਤਾ ਬੱਸ ਸਰਵਿਸ ਦੀ ਬੱਸ ਗੜ੍ਹਸ਼ੰਕਰ ਲਈ ਰਵਾਨਾ ਹੋਈ। ਬੱਸ ਨੂੰ ਡਰਾਈਵਰ ਸਤਬੀਰ ਸਿੰਘ, ਵਾਸੀ ਬਿੰਜੋ, ਚਲਾ ਰਿਹਾ ਸੀ ਅਤੇ ਬੱਸ ਵਿੱਚ ਕੰਡਕਟਰ ਜੋਤੀ ਦੱਤਾ ਅਤੇ ਇੱਕ ਯਾਤਰੀ ਪਰਵੀਨ ਕਪੂਰ (28) ਸਵਾਰ ਸਨ। ਜਦੋਂ ਬੱਸ ਕਰੀਬ 9.30 ਵਜੇ ਪਿੰਡ ਇਮਾਨ ਮੁਗਲਾਂ ਨੇੜੇ ਪਹੁੰਚੀ ਤਾਂ ਸੰਘਣੀ ਧੁੰਦ ਕਾਰਨ ਡਰਾਈਵਰ ਨੂੰ ਅਚਾਨਕ ਬ੍ਰੇਕ ਲਗਾਉਣੀ ਪਈ ਅਤੇ ਅੱਗੇ ਕੁਝ ਵੀ ਨਜ਼ਰ ਨਾ ਆ ਸਕਿਆ। ਜਿਸ ਕਾਰਨ ਬੱਸ ਪਲਟ ਕੇ ਨਹਿਰ ਵਿੱਚ ਜਾ ਡਿੱਗੀ।
ਸਥਾਨਕ ਲੋਕਾਂ ਨੇ ਤਿੰਨਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਗੜ੍ਹਸ਼ੰਕਰ ਦਾਖਲ ਕਰਵਾਇਆ। ਉਥੋਂ ਦੇ ਡਾਕਟਰਾਂ ਨੇ ਬੱਸ ਡਰਾਈਵਰ ਸਤਵੀਰ ਸਿੰਘ ਅਤੇ ਕੰਡਕਟਰ ਜੋਤੀ ਦੱਤਾ ਨੂੰ ਮੁੱਢਲੀ ਸਹਾਇਤਾ ਦੇ ਬਾਅਦ ਘਰ ਭੇਜ ਦਿੱਤਾ। ਜਦੋਂਕਿ ਪਰਵੀਨ ਕਪੂਰ ਗੰਭੀਰ ਜ਼ਖ਼ਮੀ ਹੋਣ ਕਾਰਨ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹੈ।
