ਵਿਧਾਨ ਸਭਾ ਹਲਕਾ ਖੇਮਕਰਨ ਅਧੀਨ ਪੈਂਦੇ ਪਿੰਡ ਕਲਸੀਆਂ ਕਲਾਂ ਵਿਖੇ ਕਾਗਜ਼ਾਂ ਵਿੱਚ ਬੜੀਆਂ ਗਲੀਆਂ ਨਾਲੀਆਂ ਦੀ ਜਮੀਨੀ ਹਕੀਕਤ ਉਦੋਂ ਕੁਝ ਹੋਰ ਨਿਕਲਦੀ ਦਿਖਾਈ ਦਿੱਤੀ ਜਦੋਂ ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਦੇ ਆਗੂਆਂ ਵੱਲੋਂ ਇਸ ਦਾ ਮੁੱਦਾ ਚੁੱਕਿਆ ਗਿਆ ਤਾਂ ਮਹਿਕਮੇ ਵੱਲੋਂ ਇਸ ਦੀ ਆਣ ਕੇ ਜਾਂਚ ਕੀਤੀ ਗਈ।
ਜਾਂਚ ਕਰਨ ਤੋਂ ਬਾਅਦ ਆਏ ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਜਾਂਚ ਦੀ ਰਿਪੋਰਟ ਉਨਾਂ ਵੱਲੋਂ ਆਪਣੇ ਉਚ ਅਧਿਕਾਰੀਆਂ ਨੂੰ ਦੇਣ ਦੀ ਗੱਲ ਕਹੀ ਜਾ ਰਹੀ ਹੈ ਉਧਰ ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਦੇ ਜ਼ਿਲ੍ਹਾ ਪ੍ਰਧਾਨ ਤਰਸੇਮ ਸਿੰਘ ਕਲਸੀਆ ਅਤੇ ਕਿਸਾਨ ਆਗੂ ਸਾਹਿਬ ਸਿੰਘ ਫੌਜੀ ਨੇ ਦੱਸਿਆ ਕਿ ਪਿੰਡ ਵਿੱਚ ਲੱਖਾਂ ਰੁਪਈਆਂ ਦੀ ਗਰਾਂਟ ਆਈ ਹੈ ਪਰ ਉਹ ਕਾਗਜਾ ਵਿੱਚ ਹੀ ਸ਼ੋਅ ਹੋ ਰਹੀ ਹੈ ਜਮੀਨੀ ਹਕੀਕਤ ਇਹ ਹੈ ਕਿ ਜੋ ਗਲੀਆਂ ਨਾਲੀਆਂ ਕਾਗਜ਼ਾਂ ਵਿੱਚ ਬਣੀਆਂ ਹਨ।
ਉਹ ਅਜੇ ਤੱਕ ਕੱਚੀਆਂ ਪਈਆਂ ਹਨ ਅਤੇ ਉਹਨਾਂ ਵਿੱਚ ਟੋਏ ਪਏ ਹਨ ਜਿਸ ਲਈ ਉਹ ਹਰ ਰੋਜ਼ ਮਹਿਕਮੇ ਦੇ ਅਧਿਕਾਰੀਆਂ ਨੂੰ ਚਿੱਠੀਆਂ ਲਿਖ ਲਿਖ ਕੇ ਇਹ ਦੱਸ ਰਹੇ ਸਨ ਕਿ ਪਿੰਡ ਵਿੱਚ ਆਈਆਂ ਗਰਾਂਟਾਂ ਦੀ ਜਾਂਚ ਕੀਤੀ ਜਾਵੇ ਪਰ ਬਲਾਕ ਭਿੱਖੀ ਵਿੰਡ ਦੇ ਕਈ ਅਧਿਕਾਰੀ ਇਨਾਂ ਗਰਾਂਟਾਂ ਦੀ ਜਾਂਚ ਕਰਨ ਲਈ ਤਿਆਰ ਨਹੀਂ ਸਨ ਜਿਸ ਤੋਂ ਬਾਅਦ ਉਹਨਾਂ Buyer ਇਸਦਾ ਜੋਰ ਨਾਲ ਮੁੱਦਾ ਚੁੱਕਿਆ ਗਿਆ ਤਾਂ ਜਿਲੇ ਦੇ ਡੀਡੀ ਪੀਓ ਦੇ ਕਹਿਣ ਤੇ ਆਏ ਬਲਾਕ ਭਿਖੀਵਿੰਡ ਦੇ ਅਧਿਕਾਰੀਆਂ ਵੱਲੋਂ ਆਣ ਕੇ ਜਾਂਚ ਕੀਤੀ ਗਈ ਅਤੇ ਮਿਨਤੀ ਕੀਤੀ ਗਈ।
ਪਰ ਉਹਨਾਂ ਵੱਲੋਂ ਵੀ ਕੋਈ ਸੰਤੁਸ਼ਟੀ ਭਰਿਆ ਜਵਾਬ ਨਹੀਂ ਦਿੱਤਾ ਗਿਆ ਕਿਸਾਨ ਆਗੂਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਪਿੰਡ ਕਲਸੀਆਂ ਕਲਾਂ ਵਿਖੇ ਆਈਆਂ ਗਰਾਂਟਾਂ ਦੀ ਜਾਂਚ ਕੀਤੀ ਜਾਵੇ ਅਤੇ ਪਿੰਡ ਵਿੱਚ ਹੋਏ ਕੰਮਾਂ ਦੀ ਵਿਜੀਲੈਂਸ ਜਾਂਚ ਕਰਵਾਈ ਜਾਵੇ ਤਾਂ ਜੋ ਅਸਲ ਸੱਚਾਈ ਲੋਕਾਂ ਦੇ ਸਾਹਮਣੇ ਆ ਸਕੇ












