ਮੁੰਬਈ ਤੋਂ ਬਾਅਦ ਹੁਣ ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ ਐਪਲ ਦਾ ਸਟੋਰ ਖੁੱਲ੍ਹ ਗਿਆ ਹੈ।ਸੀਈਓ ਟਿਮ ਕੁੱਕ ਨੇ ਸਵੇਰੇ 10 ਵਜੇ ਕੰਪਨੀ ਦਾ ਦੂਜਾ ਸਟੋਰ ਖੋਲ੍ਹਿਆ। ਇਸ ਸਟੋਰ ਦੇ ਖੁੱਲ੍ਹਣ ਤੋਂ ਬਾਅਦ 25 ਦੇਸ਼ਾਂ ਵਿੱਚ ਐਪਲ ਸਟੋਰਾਂ ਦੀ ਕੁੱਲ ਗਿਣਤੀ 552 ਹੋ ਗਈ ਹੈ। ਦਿੱਲੀ ਵਿੱਚ ਐਪਲ ਸਟੋਰ ਸਿਲੈਕਟ ਸਿਟੀ ਮਾਲ, ਸਾਕੇਤ ਦੀ ਪਹਿਲੀ ਮੰਜ਼ਿਲ ‘ਤੇ ਹੈ। ਐਪਲ ਸਾਕੇਤ ਸਟੋਰ ਅੱਜ ਸਵੇਰੇ 10 ਵਜੇ ਤੋਂ ਰਾਤ 11 ਵਜੇ ਤੱਕ ਖੁੱਲ੍ਹਾ ਰਹੇਗਾ। ਹੁਣ ਕੋਈ ਵੀ ਆਮ ਲੋਕ ਇਸ ਸਟੋਰ ਤੋਂ ਐਪਲ ਦੇ ਸਾਰੇ ਉਤਪਾਦ ਖਰੀਦ ਅਤੇ ਅਨੁਭਵ ਕਰ ਸਕਣਗੇ।
ਦੱਸ ਦਈਏ ਕਿ ਐਪਲ ਦੇ ਦੂਜੇ ਸਟੋਰਾਂ ਦੀ ਤਰ੍ਹਾਂ ਐਪਲ ਦੇ ਦਿੱਲੀ ਸਟੋਰ ‘ਤੇ ਵੀ ਹਰ ਤਰ੍ਹਾਂ ਦੇ ਉਤਪਾਦ ਉਪਲਬਧ ਹੋਣਗੇ। ਤੁਸੀਂ ਇਸ ਸਟੋਰ ਤੋਂ ਐਪਲ ਦੇ ਆਈਫੋਨ, ਮੈਕਬੁੱਕ, ਐਪਲ ਵਾਚ, ਚਾਰਜਰ, ਚਾਰਜਿੰਗ ਪੈਡ, ਮਾਊਸ, ਏਅਰਪੌਡ, ਐਪਲ ਟੀਵੀ ਸਮੇਤ ਹਰ ਤਰ੍ਹਾਂ ਦੇ ਉਤਪਾਦ ਖਰੀਦ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਹਾਨੂੰ ਐਪਲ ਸਟੋਰ ‘ਚ ਸੇਲ ਅਤੇ ਸਰਵਿਸ ਦੀ ਸੁਵਿਧਾ ਵੀ ਮਿਲੇਗੀ, ਯਾਨੀ ਤੁਸੀਂ ਇਸ ਸਟੋਰ ‘ਚ ਆਪਣੇ ਕਿਸੇ ਵੀ ਪ੍ਰੋਡਕਟ ਦੀ ਰਿਪੇਅਰ ਵੀ ਕਰਵਾ ਸਕਦੇ ਹੋ।