ਭਾਰਤ ਦੇ ਹਵਾਬਾਜ਼ੀ ਰੈਗੂਲੇਟਰੀ ਡੀਜੀਸੀਏ ਨੇ ਸੁਰੱਖਿਆ ਨਿਯਮਾਂ ਦੀ ਉਲੰਘਣਾ ਲਈ ਏਅਰ ਇੰਡੀਆ ‘ਤੇ 1.1 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਏਅਰ ਇੰਡੀਆ ਨੇ ਬੋਇੰਗ ਬੀ777 ਜਹਾਜ਼ਾਂ ਦੀਆਂ ਕੁਝ ਉਡਾਣਾਂ ਵਿੱਚ ਆਕਸੀਜਨ ਨਾਲ ਸਬੰਧਤ ਜ਼ਰੂਰੀ ਨਿਯਮਾਂ ਅਤੇ ਸੁਰੱਖਿਆ ਮੈਨੂਅਲ ਦੀ ਪਾਲਣਾ ਨਹੀਂ ਕੀਤੀ।
ਏਅਰ ਇੰਡੀਆ ਦੇ ਇਕ ਕਰਮਚਾਰੀ ਨੇ ਇਸ ਦੀ ਸ਼ਿਕਾਇਤ ਡੀਜੀਸੀਏ ਨੂੰ ਕੀਤੀ ਸੀ, ਜਿਸ ਤੋਂ ਬਾਅਦ ਇਹ ਕਾਰਵਾਈ ਕੀਤੀ ਗਈ ਹੈ। ਪਿਛਲੇ ਹਫਤੇ ਵੀ, ਡੀਜੀਸੀਏ ਨੇ ਘੱਟ ਵਿਜ਼ੀਬਿਲਟੀ ਸਥਿਤੀਆਂ ਵਿੱਚ ਫਲਾਈਟ ਸੰਚਾਲਨ ਲਈ ਪਾਇਲਟਾਂ ਦੀ ਸੂਚੀ ਵਿੱਚ ਗਲਤੀਆਂ ਲਈ ਏਅਰ ਇੰਡੀਆ ‘ਤੇ 30 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਸੀ।