ਰਿਲਾਇੰਸ ਫਾਊਂਡੇਸ਼ਨ ਦੀ ਸੰਸਥਾਪਕ ਅਤੇ ਚੇਅਰਪਰਸਨ ਨੀਤਾ ਅੰਬਾਨੀ ਰਿਲਾਇੰਸ ਇੰਡਸਟਰੀਜ਼ ਅਤੇ ਵਾਲਟ ਡਿਜ਼ਨੀ ਦੀ ਸਮਝਾਉਤੇ ਵਾਲੀ ਇਕਾਈ ਦੀ ਚੇਅਰਪਰਸਨ ਹੋ ਸਕਦੀ ਹੈ। ਦੋਵਾਂ ਕੰਪਨੀਆਂ ਵਿਚਾਲੇ ਇਸ ਡੀਲ ਦਾ ਅਧਿਕਾਰਤ ਐਲਾਨ ਇਸ ਹਫਤੇ ਕੀਤਾ ਜਾ ਸਕਦਾ ਹੈ।
ਦੱਸ ਦਈਏ ਕਿ ਇਹ ਜਾਣਕਾਰੀ ਰਾਇਟਰਜ਼ ਨੇ ਸੂਤਰਾਂ ਦੇ ਹਵਾਲੇ ਨਾਲ ਦਿੱਤੀ ਹੈ। ਰਿਪੋਰਟ ਦੇ ਅਨੁਸਾਰ, ਰਿਲਾਇੰਸ ਇਸ ਵਿੱਚ 51% ਤੋਂ 54%, ਡਿਜ਼ਨੀ ਕੋਲ 40%, ਜਦੋਂ ਕਿ ਜੇਮਸ ਮਰਡੋਕ ਅਤੇ ਉਦੈ ਸ਼ੰਕਰ ਦੀ ਸੰਯੁਕਤ ਉੱਦਮ ਕੰਪਨੀ ਬੋਧੀ ਟ੍ਰੀ ਕੋਲ 9% ਹਿੱਸੇਦਾਰੀ ਹੋਵੇਗੀ।
ਇਸ ਦੌਰਾਨ ਬਲੂਮਬਰਗ ਦੀ ਇਕ ਹੋਰ ਰਿਪੋਰਟ ਮੁਤਾਬਕ ਦੋਵਾਂ ਕੰਪਨੀਆਂ ਵਿਚਾਲੇ ਇਸ ਹਫਤੇ ਇਸ ਡੀਲ ‘ਤੇ ਦਸਤਖਤ ਹੋਏ ਹਨ। ਇਸ ‘ਚ ਮੁਕੇਸ਼ ਅੰਬਾਨੀ ਦੀ ਕੰਪਨੀ ਰਿਲਾਇੰਸ ਦੇ ਕੋਲ ਰਲੇਵੇਂ ਵਾਲੀ ਇਕਾਈ ਦੇ 61% ਸ਼ੇਅਰ ਹੋਣਗੇ, ਜਦਕਿ ਬਾਕੀ 39% ਡਿਜ਼ਨੀ ਕੋਲ ਹੋਣਗੇ।
ਇਸਤੋਂ ਇਲਾਵਾ ਨੀਤਾ ਅੰਬਾਨੀ ਨੇ ਹਾਲ ਹੀ ‘ਚ ਰਿਲਾਇੰਸ ਇੰਡਸਟਰੀਜ਼ (RIL) ਦੇ ਬੋਰਡ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਨੀਤਾ ਅੰਬਾਨੀ ‘ਨੀਤਾ ਮੁਕੇਸ਼ ਅੰਬਾਨੀ ਕਲਚਰ ਸੈਂਟਰ’ ਦੀ ਸੰਸਥਾਪਕ ਵੀ ਹੈ। ਮੁੰਬਈ ਵਿੱਚ ਸਥਿਤ ਇਹ ਸੰਸਥਾ ਸੰਗੀਤ ਅਤੇ ਥੀਏਟਰ ਦਾ ਇੱਕ ਪ੍ਰਮੁੱਖ ਕੇਂਦਰ ਹੈ।
ਬਲੂਮਬਰਗ ਦੀ ਰਿਪੋਰਟ ਦੇ ਅਨੁਸਾਰ, ਡਿਜ਼ਨੀ ਨੇ 3.9 ਬਿਲੀਅਨ ਡਾਲਰ (33,000 ਕਰੋੜ ਰੁਪਏ) ਦੇ ਮੁੱਲ ਨਾਲ ਆਪਣੇ ਭਾਰਤ ਦੇ ਕਾਰੋਬਾਰ ਦਾ 61% ਵਿਆਕੌਮ 18 ਨੂੰ ਵੇਚਣ ਲਈ ਸਹਿਮਤੀ ਦਿੱਤੀ ਹੈ। Viacom 18 ਰਿਲਾਇੰਸ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਦੀ ਮਲਕੀਅਤ ਹੈ।
