ਟ੍ਰਾਂਜੈਕਸ਼ਨ ਦੌਰਾਨ ਏਟੀਐਮ ਮਸ਼ੀਨ ਦੇ ਸੰਚਾਲਨ ਦੀ ਸੁਰੱਖਿਆ ਨੂੰ ਅੱਪਗ੍ਰੇਡ ਕਰਨ ਲਈ ਮਹੱਤਵਪੂਰਨ ਅਪਡੇਟ ਕੀਤਾ ਹੈ। ਤੁਸੀਂ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ATM ਤੋਂ ਕੈਸ਼ ਕਢਵਾ ਸਕਦੇ ਹੋ।ਹੁਣ ਤਕ SBI ਖਾਤਾ ਧਾਰਕ ਆਪਣੀ ਰੋਜ਼ਾਨਾ ਲਿਮਿਟ ਦੇ ਹਿਸਾਬ ਨਾਲ ਰੋਜ਼ਾਨਾ ਲੈਣ-ਦੇਣ ਆਸਾਨੀ ਨਾਲ ਕਰ ਸਕਦੇ ਸਨ ਪਰ ਹੁਣ ਇਸ ‘ਚ ਕੁਝ ਬਦਲਾਅ ਕੀਤੇ ਗਏ ਹਨ। ਹੁਣ ਜਦੋਂ SBI ਦੇ ਗਾਹਕ ATM ਤੋਂ ਪੈਸੇ ਕਢਵਾਉਣ ਲਈ ਜਾਂਦੇ ਹਨ, ਤਾਂ ਇਕ ਨਿਸ਼ਚਿਤ ਸੀਮਾ ਤੋਂ ਬਾਅਦ, ਉਨ੍ਹਾਂ ਨੂੰ ਬੈਂਕ ਤੋਂ ਇਕ OTP ਭੇਜਿਆ ਜਾਵੇਗਾ, ਜੋ ਤੁਹਾਨੂੰ ATM ਮਸ਼ੀਨ ਵਿਚ ਟਾਈਪ ਕਰਨਾ ਪਵੇਗਾ, ਇਸ ਪ੍ਰਕਿਰਿਆ ਤੋਂ ਬਾਅਦ ਹੀ ਤੁਸੀਂ ATM ‘ਚੋਂ ਪੈਸੇ ਕਢਵਾ ਸਕੋਗੇ। SBI ਨੇ ਇਹ ਕਦਮ ਵਧਦੇ ATM ਧੋਖਾਧੜੀ ਦੇ ਮੱਦੇਨਜ਼ਰ ਚੁੱਕਿਆ ਹੈ।
ਸਿਰਫ਼ 10,000 ਰੁਪਏ ਜਾਂ ਇਸ ਤੋਂ ਵੱਧ ਕਢਵਾਉਣ ਵਾਲੇ ਗਾਹਕਾਂ ਨੂੰ ਇਸ ਪ੍ਰਕਿਰਿਆ ‘ਚੋਂ ਲੰਘਣਾ ਹੋਵੇਗਾ, ਜਦੋਂ ਕਿ 9,999 ਰੁਪਏ ਜਾਂ ਇਸ ਤੋਂ ਘੱਟ ਰੁਪਏ ਕਢਵਾਉਣ ਵਾਲੇ ਗਾਹਕਾਂ ਨੂੰ OTP ਜਾਂ ਕਿਸੇ ਇਨਪੁਟ ਦੀ ਜ਼ਰੂਰਤ ਨਹੀਂ ਪਵੇਗੀ।ਜੇ ਤੁਸੀਂ SBI ATM ਤੋਂ 10,000 ਰੁਪਏ ਜਾਂ ਇਸ ਤੋਂ ਵੱਧ ਕਢਵਾਉਣ ਜਾ ਰਹੇ ਹੋ, ਤਾਂ ਬੈਂਕ ਨਾਲ ਰਜਿਸਟਰਡ ਮੋਬਾਈਲ ਨੰਬਰ ਹੋਣਾ ਬਹੁਤ ਜ਼ਰੂਰੀ ਹੈ, ਨਹੀਂ ਤਾਂ ਤੁਸੀਂ ਲੈਣ-ਦੇਣ ਨਹੀਂ ਕਰ ਸਕੋਗੇ, ਕਿਉਂਕਿ ਜਿਵੇਂ ਹੀ ਤੁਸੀਂ ਮਸ਼ੀਨ ਵਿਚ ਦਾਖਲ ਹੋ ਕੇ ਦਸ ਹਜ਼ਾਰਾਂ ਜਾਂ ਇਸ ਤੋਂ ਵੱਧ ਲੈਣ-ਦੇਣ ਜਿਵੇਂ ਹੀ ਤੁਸੀਂ ਆਪਣਾ ATM ਕਾਰਡ ਪਾਉਂਦੇ ਹੋ, ATM ਮਸ਼ੀਨ ਤੁਹਾਡੇ ਤੋਂ OTP ਮੰਗਣਾ ਸ਼ੁਰੂ ਕਰ ਦੇਵੇਗੀ ਤੇ ਜੇ ਤੁਸੀਂ ਕੁਝ ਸਕਿੰਟਾਂ ਵਿਚ OTP ਨਹੀਂ ਦਾਖਲ ਕਰਦੇ ਹੋ, ਤਾਂ ਤੁਹਾਡਾ ਲੈਣ-ਦੇਣ ਰੱਦ ਕਰ ਦਿੱਤਾ ਜਾਵੇਗਾ।OTP ਆਧਾਰਿਤ ਨਕਦ ਕਢਵਾਉਣ ਦੀ ਸਹੂਲਤ ਸਿਰਫ਼ SBI ATM ‘ਤੇ ਉਪਲਬਧ ਹੈ, ਕਿਉਂਕਿ ਇਹ ਕਾਰਜਸ਼ੀਲਤਾ ਗੈਰ-SBI ATM ‘ਤੇ ਨੈਸ਼ਨਲ ਫਾਈਨਾਂਸ਼ੀਅਲ ਸਵਿੱਚ (NFS) ‘ਤੇ ਵਿਕਸਿਤ ਨਹੀਂ ਕੀਤੀ ਗਈ ਹੈ।
