ਕਪੂਰਥਲਾ ਦੇ ਪੁਲਿਸ ਥਾਣਾ ਢਿਲਵਾਂ ਵਲੋਂ 70 ਪੇਟੀਆਂ ਸ਼ਰਾਬ ਕੈਂਟਰ ਸਮੇਤ 2 ਨੌਜਵਾਨਾਂ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਥਾਣਾ ਮੁਖੀ ਬਲਬੀਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਪਾਰਟੀ ਗਸ਼ਤ ਦੋਰਾਨ ਸ਼ੱਕੀ ਵਿਅਕਤੀਆਂ ਦੀ ਤਲਾਸ਼ ਦੇ ਸਬੰਧ ਵਿੱਚ ਹਾਈਟੈਕ ਨਾਕਾ ਢਿਲਵਾਂ ਮੌਜੂਦ ਸੀ, ਤਾਂ ਐਕਸਾਈਜ ਵਿਭਾਗ ਦੇ ਇੰਸਪੈਕਟਰ ਰਮਨ ਭਗਤ ਨੇ ਜਲੰਧਰ ਸਾਈਡ ਤੋਂ ਅਮ੍ਰਿੰਤਸਰ ਜਾ ਰਹੇ ਵਹੀਕਲਾ ਦੀ ਚੈਕਿੰਗ ਦੋਰਾਨ ਜਲੰਧਰ ਸਾਈਡ ਵੱਲੋਂ ਇੱਕ ਕੈਂਟਰ, ਜਿਸ ਦੇ ਅੱਗੇ ਨੰਬਰ ਪਲੇਟ ਨਹੀਂ ਸੀ ਅਤੇ ਬਾਡੀ ਉੱਤੇ ਕਾਲ਼ੀ ਤਰਪਾਲ ਪਾਈ ਹੋਈ ਸੀ। ਜਿਸ ਨੂੰ ਸ਼ੱਕ ਦੇ ਅਧਾਰ ਤੇ ਰੋਕਣ ਦੀ ਕੋਸ਼ਿਸ਼ ਕੀਤੀ, ਪਰ ਕੈਂਟਰ ਨਹੀਂ ਰੁਕਿਆ। ਇਸ ਤੋਂ ਬਾਅਦ ਜਦ ਬੈਰੀਗੇਡ ਲੱਗਾ ਕੇ ਰੋਕਿਆ ਗਿਆ ਤਾਂ ਕੈਂਟਰ ਵਿੱਚ 2 ਨੌਜਵਾਨ ਬੈਠੇ ਹੋਏ ਸਨ।
ਕੈਂਟਰ ਦੀ ਬੈਕਸਾਈਡ ਤੇ ਨੰਬਰ ਪਲੇਟ ਲੱਗੀ ਹੋਈ ਸੀ ਜਦੋ ਕੈਂਟਰ ਚਲਾ ਰਹੇ ਅਤੇ ਨਾਲ ਬੈਠੇ ਨੌਜਵਾਨ ਨੂੰ ਥੱਲੇ ਉਤਾਰ ਕੇ ਨਾਮ ਪਤਾ ਪੁੱਛਿਆ ਅਤੇ ਕੈਂਟਰ ਚਲਾ ਰਹੇ ਨੌਜਵਾਨ ਨੇ ਆਪਣਾ ਨਾਮ ਸਰਬਜੀਤ ਸਿੰਘ ਉਰਫ ਲਾਡੀ ਵਾਸੀ ਮਾਨਾਵਾਲਾ ਖੁਰਦ ਜਿਲ੍ਹਾ ਅਮ੍ਰਿੰਤਸਰ ਅਤੇ ਦੂਜੇ ਨੌਜਵਾਨ ਨੇ ਆਪਣਾ ਨਾਮ ਜਗਤਾਰ ਸਿੰਘ ਵਾਸੀ ਕਲੋਨੀ ਗੇਟ ਹਕੀਮਾ ਜਿਲਾ ਅਮ੍ਰਿਤਸਰ ਦੱਸਿਆ।
ਕੈਂਟਰ ਦੀ ਤਲਾਸੀ ਦੌਰਾਨ ਕੈਂਟਰ ਵਿੱਚ ਬਣੇ ਗੁਪਤ ਕੈਬਿਨ ਅੰਦਰ ਸਰਾਬ ਦੀਆਂ ਪੇਟੀਆਂ ਬਰਾਮਦ ਹੋਈਆਂ ਕਈਆਂ ‘ ਤੇ ਸ਼ਰਾਬ ਤੇ ਕਿਉਆਰ ਕੋਡ ਅਤੇ ਬਾਰ ਕੋਡ ਉਤਾਰੇ ਹੋਏ ਸਨ ਅਤੇ ਬੈਚ ਨੰਬਰ ਮਿਟਾਏ ਹੋਏ ਸਨ। ਕੁੱਲ 70 ਪੇਟੀਆਂ ਬਰਾਮਦ ਹੋਈਆਂ | ਢਿਲਵਾਂ ਪੁਲਿਸ ਨੇ ਉਕਤ ਵਿਅਕਤੀਆਂ ਵਿਰੁੱਧ ਵੱਖ ਵੱਖ ਧਾਰਾਵਾਂ ਸਮੇਤ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਥਾਣਾ ਮੁਖੀ ਬਲਬੀਰ ਸਿੰਘ ਨੇ ਦੱਸਿਆ ਕਿ ਇਹਨਾ ਤੋਂ ਪਹਿਲਾਂ ਵੀ ਮੁਕੱਦਮੇ ਦਰਜ ਹਨ।