ਮਾਮਲਾ ਲੁਧਿਆਣਾ ਦੇ ਤਾਜਪੁਰ ਰੋਡ ਤੇ ਸਥਿਤ ਭਰਪੂਰ ਨਗਰ ਦਾ ਹੈ ਜਿੱਥੇ 10 ਤੋਂ 15 ਵਿਅਕਤੀਆਂ ਵੱਲੋਂ ਰਾਤ ਦੇ 12 ਵਜੇ ਦੇ ਕਰੀਬ ਇੱਕ ਘਰ ਤੇ ਇੱਟਾਂ ਰੋੜੇ ਪੱਥਰ ਅਤੇ ਹਥਿਆਰਾਂ ਦੇ ਨਾਲ ਹਮਲਾ ਕੀਤਾ ਗਿਆ।
ਜਿਸ ਦੀ ਸੀਸੀਟੀਵੀ ਵੀਡੀਓ ਵੀ ਸਾਹਮਣੇ ਆਈ ਹੈ। ਸੀਸੀਟੀਵੀ ਵਿੱਚ ਸਾਫ ਦਿਖਾਈ ਦੇ ਰਿਹਾ ਕੁਝ ਵਿਅਕਤੀਆਂ ਵੱਲੋਂ ਇੱਟਾਂ ਪੱਥਰਾਂ ਦੇ ਨਾਲ ਇੱਕ ਘਰ ਤੇ ਹਮਲਾ ਕੀਤਾ ਗਿਆ।
ਇਸ ਸਾਰੇ ਮੰਜ਼ਰ ਨੂੰ ਇੱਕ ਆਟੋ ਚਾਲਕ ਨੇ ਆਪਣੇ ਅੱਖੀ ਦੇਖਿਆ। ਆਟੋ ਚਾਲਕ ਦਾ ਕਹਿਣਾ ਹੈ ਕਿ ਮੈਂ ਆਪਣੇ ਆਟੋ ਦੇ ਅੰਦਰ ਸੌ ਰਿਹਾ ਸੀ ਤਾਂ 10 ਤੋਂ 15 ਬੰਦੇ ਆਉਂਦੇ ਆ ਜਿਨਾਂ ਦੇ ਹੱਥ ਵਿੱਚ ਇੱਟਾਂ
ਪੱਥਰ ਸੀ ਅਤੇ ਜਿਵੇਂ ਹੀ ਮੈਂ ਉਹਨਾਂ ਨੂੰ ਦੇਖ ਕੇ ਆਪਣੇ ਘਰ ਅੰਦਰ ਜਾਣ ਲੱਗਾ ਤਾਂ ਉਹਨਾਂ ਨੇ ਮੇਰੇ ਵੱਲ ਵੀ ਇੱਟਾਂ ਮਾਰੀਆਂ ਜੋ ਕਿ ਮੇਰੇ ਪੈਰ ਤੇ ਲੱਗੀਆਂ।
ਮਹੱਲੇ ਦੇ ਵਿੱਚ ਕਾਫੀ ਦਹਿਸ਼ਤ ਦਾ ਮਾਹੌਲ ਹੈ ਜਿਸ ਨੂੰ ਲੈ ਕੇ ਲੋਕਾਂ ਨੇ ਦੇਖੋ ਪ੍ਰਦਰਸ਼ਨ ਕੀਤਾ। ਲੋਕਾਂ ਦਾ ਕਹਿਣਾ ਹੈ ਕਿ ਇੱਕ ਘਰ ਤੇ ਹਮਲਾ ਕੀਤਾ ਅਤੇ ਮੁਹੱਲੇ ਵਿੱਚ ਖੜੀਆਂ ਚਾਰ ਪੰਜ ਗੱਡੀਆਂ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ। ਗੱਡੀਆਂ ਦੇ ਅੱਗੇ ਪਿੱਛੇ ਆਲੇ ਸਾਰੇ ਸ਼ੀਸ਼ੇ ਇੱਟਾਂ ਰੋੜਿਆਂ ਅਤੇ ਹਥਿਆਰਿਆਂ ਦੇ ਨਾਲ ਭੰਨ ਦਿੱਤੇ ਗਏ ਅਤੇ ਇੱਕ ਸੋਨੂ ਨਾਂ ਦੇ ਵਿਅਕਤੀ ਦੇ ਘਰ ਤੇ ਵੀ ਹਮਲਾ ਕੀਤਾ।
ਲੋਕਾਂ ਦੇ ਕਹਿਣ ਮੁਤਾਬਿਕ ਮੁਹੱਲੇ ਦੇ ਵਿੱਚ ਕਈ ਲੋਕ ਨਸ਼ਾ ਵੇਚਦੇ ਹਨਤੇ ਪੁਰਾਣੀ ਰੰਜਿਸ਼ ਨੂੰ ਲੈ ਕੇ ਹੀ ਇਹ ਹਮਲਾ ਕੀਤਾ ਗਿਆ ।
ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਸਖਤ ਕਾਰਵਾਈ ਦੀ ਮੰਗ ਕੀਤੀ ਹੈ ਅਤੇ ਕਿਹਾ ਹੈ ਕਿ ਸਾਨੂੰ ਇਨਸਾਫ ਦਿੱਤਾ ਜਾਵੇ ਅਤੇ ਸਾਡੀਆਂ ਗੱਡੀਆਂ ਦੀ ਤੋੜ ਫੋੜ ਦਾ ਹਰਜਾਨਾ ਵੀ ਦਵਾਇਆ ਜਾਵੇ
ਦੂਜੇ ਪਾਸੇ ਮੌਕੇ ਤੇ ਪਹੁੰਚੇ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਵਿਅਕਤੀਆਂ ਦੀ ਪਛਾਣ ਕੀਤੀ ਜਾ ਰਹੀ ਹੈ ਅਤੇ ਜਲਦ ਤੋਂ ਜਲਦ ਉਹਨਾਂ ਨੂੰ ਕਾਬੂ ਕੀਤਾ ਜਾਏਗਾ ਅਤੇ ਤਬਦੀਸ਼ ਕਰਨ ਤੋਂ ਬਾਅਦ ਉਹਨਾਂ ਤੇ ਸਖਤ ਕਾਰਵਾਈ ਕੀਤੀ ਜਾਵੇਗੀ
