ਹੁਣ ਜੇਕਰ ਕਿਸੇ ਫੂਡ ਵਪਾਰੀ ਵੱਲੋਂ ਫੂਡ ਅਥਾਰਟੀ ਕੋਲ ਅਪਲਾਈ ਕੀਤੀ ਲਾਇਸੈਂਸ ਦੀ ਅਰਜ਼ੀ ਰੱਦ ਹੋ ਜਾਂਦੀ ਹੈ ਤਾਂ ਉਸ ਨੂੰ ਫੀਸ ਵਜੋਂ ਅਦਾ ਕੀਤੀ ਸਾਰੀ ਰਕਮ ਦਾ ਨੁਕਸਾਨ ਨਹੀਂ ਝੱਲਣਾ ਪਵੇਗਾ। ਹੁਣ ਉਨ੍ਹਾਂ ਨੂੰ ਸਟੇਟ ਲਾਇਸੈਂਸ ਲਈ ਪੂਰੇ 2000 ਰੁਪਏ ਅਤੇ ਕੇਂਦਰੀ ਲਾਇਸੈਂਸ ਲਈ 7500 ਰੁਪਏ ਅਰਜ਼ੀ ਫੀਸ ਦੇ ਨਾਲ ਜਮ੍ਹਾ ਨਹੀਂ ਕਰਵਾਉਣੇ ਪੈਣਗੇ। ਉਨ੍ਹਾਂ ਨੂੰ ਅਰਜ਼ੀ ਦੇ ਸਮੇਂ ਸਿਰਫ 1000 ਰੁਪਏ ਜਮ੍ਹਾ ਕਰਵਾਉਣੇ ਹੋਣਗੇ। ਜਦੋਂ ਉਨ੍ਹਾਂ ਦੀ ਅਰਜ਼ੀ ਸਾਰੇ ਪਹਿਲੂਆਂ ਤੋਂ ਜਾਇਜ਼ ਪਾਈ ਜਾਂਦੀ ਹੈ ਤਾਂ ਉਨ੍ਹਾਂ ਨੂੰ ਲਾਇਸੈਂਸ ਫੀਸ ਦੀ ਬਾਕੀ ਰਕਮ ਜਮ੍ਹਾਂ ਕਰਾਉਣੀ ਪਵੇਗੀ।
FSSAI (ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ) ਦੇ ਇਹ ਨਿਰਦੇਸ਼ ਸ਼ੁੱਕਰਵਾਰ ਤੋਂ ਲਾਗੂ ਹੋ ਗਏ ਹਨ। ਦਰਅਸਲ, ਹੁਣ ਤੱਕ ਅਰਜ਼ੀ ਦੇ ਨਾਲ ਹੀ ਫੂਡ ਵਪਾਰੀਆਂ ਤੋਂ ਸਾਰੀ ਲਾਇਸੈਂਸ ਫੀਸ ਵਸੂਲੀ ਜਾਂਦੀ ਸੀ। ਕਈ ਵਾਰ ਕੋਈ ਕਮੀਆਂ ਪਾਈਆਂ ਜਾਣ ਤੇ ਜਾਂ ਫੂਡ ਕਾਰੋਬਾਰੀ ਵੱਲੋਂ ਉਨ੍ਹਾਂ ਕਮੀਆਂ ਦਾ ਜਵਾਬ 30 ਦਿਨਾਂ ਦੇ ਅੰਦਰ ਨਹੀਂ ਜਾਣ ਤੇ ਅਰਜ਼ੀ ਖਾਰਜ਼ ਕਰ ਦਿਤੀ ਜਾਂਦੀ ਸੀ। ਅਰਜ਼ੀ ਖਾਰਜ ਹੋਣ ਤੋਂ ਬਾਅਦ ਭੋਜਨ ਵਪਾਰੀ ਨੂੰ ਲਾਇਸੈਂਸ ਫੀਸ ਵੀ ਵਾਪਸ ਨਹੀਂ ਕੀਤੀ ਜਾਂਦੀ ਸੀ।