ਚੰਡੀਗੜ੍ਹ, 27 ਦਸੰਬਰ 2022 – ਪੰਜਾਬ ‘ਚ ਕੋਰੋਨਾ ਨੂੰ ਲੈ ਕੇ ਸਿਹਤ ਵਿਭਾਗ ਅਲਰਟ ‘ਤੇ ਹੈ। 26 ਦਸੰਬਰ ਨੂੰ, ਪੰਜਾਬ ਦੇ ਪਟਿਆਲਾ ਵਿੱਚ ਇੱਕ ਹੋਰ ਨਵਾਂ ਕੋਵਿਡ ਮਰੀਜ਼ ਮਿਲਿਆ ਹੈ। ਇਸ ਨਾਲ ਸੂਬੇ ਵਿੱਚ ਐਕਟਿਵ ਕੇਸਾਂ ਦੀ ਗਿਣਤੀ 38 ਹੋ ਗਈ ਹੈ। ਇਸ ਦੇ ਨਾਲ ਹੀ ਕੋਈ ਮਰੀਜ਼ ਠੀਕ ਨਹੀਂ ਹੋਇਆ।
26 ਦਸੰਬਰ ਨੂੰ ਪੂਰੇ ਪੰਜਾਬ ਵਿੱਚ ਕੋਵਿਡ ਟੈਸਟਿੰਗ ਘੱਟ ਹੋਈ ਹੈ, ਜਦੋਂ ਕਿ 25 ਦਸੰਬਰ ਨੂੰ ਕੁੱਲ 5497 ਕੋਵਿਡ ਸੈਂਪਲ ਲਏ ਗਏ। ਇਸ ਦੇ ਨਾਲ ਹੀ ਇਹ ਅੰਕੜਾ 26 ਦਸੰਬਰ ਨੂੰ ਘਟ ਕੇ ਸਿਰਫ 2050 ਰਹਿ ਗਿਆ। 25 ਦਸੰਬਰ ਨੂੰ 5140 ਲੋਕਾਂ ਦੀ ਕੋਵਿਡ ਜਾਂਚ ਕੀਤੀ ਗਈ ਸੀ ਪਰ 26 ਦਸੰਬਰ ਨੂੰ ਇਹ ਅੰਕੜਾ 1432 ਹੀ ਰਿਹਾ।
