ਮਾਈਕ੍ਰੋਸਾਫਟ ਨੇ ਆਪਣੇ ਬ੍ਰਾਊਜ਼ਰ ਇੰਟਰਨੈੱਟ ਐਕਸਪਲੋਰਰ ਨੂੰ ਬੰਦ ਕਰਨ ਦਾ ਐਲਾਨ ਕਰ ਦਿੱਤਾ ਹੈ। ਮਾਈਕ੍ਰੋਸਾਫਟ ਦਾ ਇੰਟਰਨੈੱਟ ਐਕਸਪਲੋਰਰ ਇਸ ਮਹੀਨੇ 15 ਜੂਨ, 2022 ਨੂੰ ਬੰਦ ਹੋ ਰਿਹਾ ਹੈ। ਦੱਸ ਦਈਏ ਕਿ ਇਹ ਵੈੱਬ ਬ੍ਰਾਊਜ਼ਰ ਦੀ ਵਰਤੋਂ ਸਿਰਫ ਪੰਜ ਫੀਸਦੀ ਲੋਕ ਹੀ ਕਰਦੇ ਹਨ, ਜਦਕਿ 2003 ਤੱਕ ਮਾਈਕ੍ਰੋਸਾਫਟ ਦਾ ਇਹ ਵੈੱਬ ਬ੍ਰਾਊਜ਼ਰ ਟਾਪ ‘ਤੇ ਸੀ।
ਦੱਸ ਦਈਏ ਕਿ ਮਾਈਕ੍ਰੋਸਾਫਟ ਨੇ 16 ਅਗਸਤ 1995 ਨੂੰ ਇੰਟਰਨੈੱਟ ਐਕਸਪਲੋਰਰ ਜਾਰੀ ਕੀਤਾ ਸੀ। ਇਹ ਪਹਿਲਾ ਅਜਿਹਾ ਵੈੱਬ ਬ੍ਰਾਊਜ਼ਰ ਸੀ ਜਿਸ ਨੂੰ ਲੋਕਾਂ ਨੇ ਸਭ ਤੋਂ ਵੱਧ ਵਰਤਿਆ ਸੀ। ਲੋਕ ਸਾਈਬਰ ਕੈਫੇ ‘ਚ ਇਸ ਵੈੱਬ ਬ੍ਰਾਊਜ਼ਰ ‘ਤੇ ਹੀ ਕੰਮ ਕਰਦੇ ਸਨ। ਫਿਰ ਕਈ ਸੋਸ਼ਲ ਮੀਡੀਆ ਪਲੇਟਫਾਰਮ ਮਾਰਕੀਟ ਵਿੱਚ ਆਏ। ਜਿਸ ਤੋਂ ਬਾਅਦ ਇਸ ਦੀ ਵੱਡੇ ਪੱਧਰ ‘ਤੇ ਵਰਤੋਂ ਹੋਣ ਲੱਗੀ। ਕਿਹਾ ਜਾਂਦਾ ਹੈ ਕਿ ਸਰਕਾਰੀ ਏਜੰਸੀਆਂ ਅਤੇ ਵਿੱਤੀ ਸੰਸਥਾਵਾਂ ਅਜੇ ਵੀ Microsoft Internet Explorer ਦੀ ਵਰਤੋਂ ਕਰ ਰਹੀਆਂ ਹਨ।
ਇੰਟਰਨੈੱਟ ਐਕਸਪਲੋਰਰ ਦੇ ਬੰਦ ਹੋਣ ਦਾ ਮਤਲਬ ਇਹ ਨਹੀਂ ਹੈ ਕਿ ਹੁਣ ਮਾਰਕੀਟ ਵਿੱਚ ਮਾਈਕ੍ਰੋਸਾਫਟ ਦਾ ਕੋਈ ਬ੍ਰਾਊਜ਼ਰ ਨਹੀਂ ਹੈ। ਤੁਸੀਂ ਇਸ ਦੀ ਬਜਾਏ Chromium ਅਧਾਰਿਤ Microsoft Edge ਬ੍ਰਾਊਜ਼ਰ ਦੀ ਵਰਤੋਂ ਕਰ ਸਕਦੇ ਹੋ ਜੋ ਸਾਰੇ Windows ਅਤੇ macOS ਨੂੰ ਸਪੋਰਟ ਕਰਦਾ ਹੈ।