ਵਟਸਐਪ ‘ਤੇ ਜਲਦ ਹੀ ਇਕ ਵੱਡਾ ਫੀਚਰ ਆ ਰਿਹਾ ਹੈ। ਨਵੀਂ ਅਪਡੇਟ ਤੋਂ ਬਾਅਦ ਜਦ ਵੀ ਕੋਈ ਵਟਸਐਪ ਗਰੁੱਪ ਨੂੰ ਛੱਡੇਗਾ ਤਾਂ ਐਡਮਿਨ ਤੋਂ ਇਲਾਵਾ ਕਿਸੇ ਨੂੰ ਕੁਝ ਨਹੀਂ ਪਤਾ ਲੱਗੇਗਾ। ਵਟਸਐਪ ਦੇ ਫੀਚਰ ਨੂੰ ਟ੍ਰੈਕ ਕਰਨ ਵਾਲੀ ਕੰਪਨੀ WABetaInfo ਨੇ ਨਵੇਂ ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਨਵੀਂ ਵਿਸ਼ੇਸ਼ਤਾ ਫਿਲਹਾਲ ਬੀਟਾ ਟੈਸਟਿੰਗ ਵਿੱਚ ਹੈ। ਨਵੇਂ ਫੀਚਰ ਦੇ ਆਉਣ ਤੋਂ ਬਾਅਦ ਸਿਰਫ ਗਰੁੱਪ ਐਡਮਿਨ ਨੂੰ ਹੀ ਗਰੁੱਪ ਛੱਡਣ ਦੀ ਸੂਚਨਾ ਮਿਲੇਗੀ। ਨਵੀਂ ਵਿਸ਼ੇਸ਼ਤਾ ਦਾ ਇੱਕ ਸਕ੍ਰੀਨਸ਼ੌਟ ਵੀ ਸਾਹਮਣੇ ਆਇਆ ਹੈ।
ਦੱਸ ਦਈਏ ਕਿ ਇਸ ਨਵੇਂ ਫੀਚਰ ਦੀ ਫਿਲਹਾਲ ਵਟਸਐਪ ਦੇ ਡੈਸਕਟਾਪ ਬੀਟਾ ਵਰਜ਼ਨ ‘ਤੇ ਟੈਸਟਿੰਗ ਕੀਤੀ ਜਾ ਰਹੀ ਹੈ, ਹਾਲਾਂਕਿ ਜਲਦ ਹੀ ਇਸ ਦੇ ਐਂਡਰਾਇਡ ਅਤੇ iOS ‘ਤੇ ਟੈਸਟਿੰਗ ਸ਼ੁਰੂ ਹੋਣ ਦੀ ਉਮੀਦ ਹੈ। ਫਿਲਹਾਲ ਇਸ ਬਾਰੇ ਕੋਈ ਜਾਣਕਾਰੀ ਉਪਲਬਧ ਨਹੀਂ ਹੈ ਕਿ ਬੀਟਾ ਟੈਸਟਿੰਗ ਤੋਂ ਬਾਅਦ ਇਸ ਦਾ ਪਬਲਿਕ ਅਪਡੇਟ ਕਦੋਂ ਜਾਰੀ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਵਟਸਐਪ ਇਕ ਹੋਰ ਨਵੇਂ ਫੀਚਰ ਦੀ ਟੈਸਟਿੰਗ ਕਰ ਰਿਹਾ ਹੈ, ਜਿਸ ਤੋਂ ਬਾਅਦ ਸਟੇਟਸ ‘ਚ ਲਿੰਕ ਪ੍ਰੀਵਿਊ ਵੀ ਦਿਖਾਈ ਦੇਵੇਗਾ। ਨਵੇਂ ਅਪਡੇਟ ਤੋਂ ਬਾਅਦ ਪਲੇਨ-ਯੂਆਰਐਲ ਦਿਖਾਈ ਨਹੀਂ ਦੇਵੇਗਾ।
