ਟਵਿੱਟਰ ਦਾ ਲੰਬੇ ਸਮੇਂ ਤੋਂ ਉਡੀਕਿਆ ਜਾ ਰਿਹਾ ਅਕਾਂਊਂਟ ਵੇਰੀਫਾਈਡ ਪ੍ਰੋਗਰਾਮ ਆਖਰਕਾਰ ਸੋਮਵਾਰ ਦੇਰ ਸ਼ਾਮ ਨੂੰ ਲਾਂਚ ਕੀਤਾ ਗਿਆ। ਹੁਣ ਤੱਕ ਸਾਰੇ ਵੈਰੀਫਾਈਡ ਖਾਤਿਆਂ ਨੂੰ ਨੀਲੇ ਟਿੱਕ ਦਿੱਤੇ ਜਾਂਦੇ ਸਨ, ਪਰ ਹੁਣ ਪਰ ਹੁਣ ਨੀਲੇ, ਗ੍ਰੇ ਅਤੇ ਗੋਲਡ ਟਿਕ ਲਾਂਚ ਕੀਤੇ ਗਏ ਹਨ।
ਐਲੋਨ ਮਸਕ ਨੇ ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਕਿਹਾ ਕਿ, ‘ਗੋਲਡਨ ਟਿੱਕ’ ਕੰਪਨੀਆਂ ਨੂੰ ਦਿੱਤੀ ਜਾਵੇਗੀ, ਜਦਕਿ ਸਰਕਾਰੀ ਅਦਾਰਿਆਂ ਨੂੰ ‘ਗ੍ਰੇ ਟਿੱਕ’ ਦਿੱਤੀ ਜਾਵੇਗੀ। ਇਸ ਦੇ ਨਾਲ ਹੀ ਵਿਅਕਤੀਗਤ ਵਰਗ ਲਈ ਪਹਿਲਾਂ ਵਾਂਗ ‘ਬਲੂ ਟਿੱਕ’ ਦਿੱਤਾ ਜਾਣਾ ਜਾਰੀ ਰਹੇਗਾ। ਨਵੇਂ ਆਟੋਮੈਟਿਕ ਸਿਸਟਮ ਦੇ ਬਣਨ ਤੱਕ ਇਹ ਸਾਰੇ ਖਾਤਿਆਂ ਨੂੰ ਮੈਨੂਆਲੀ ਪ੍ਰਮਾਣਿਤ ਕੀਤਾ ਜਾਵੇਗਾ।
ਦੱਸ ਦਈਏ ਕਿ ਟਵਿੱਟਰ ਨੇ ਸ਼ਨੀਵਾਰ ਨੂੰ ਇਸ ਸੇਵਾ ਨੂੰ ਦੁਬਾਰਾ ਸ਼ੁਰੂ ਕਰਨ ਦੀ ਜਾਣਕਾਰੀ ਦਿੱਤੀ ਸੀ। ਕੰਪਨੀ ਨੇ ਕਿਹਾ ਸੀ ਕਿ, “ਅਸੀਂ ਸੋਮਵਾਰ ਨੂੰ ਟਵਿੱਟਰ ਬਲੂ ਨੂੰ ਮੁੜ ਲਾਂਚ ਕਰ ਰਹੇ ਹਾਂ। ਉਪਭੋਗਤਾ ਨੂੰ $8 ਪ੍ਰਤੀ ਮਹੀਨਾ ਅਤੇ iOS ‘ਤੇ ਨੀਲੇ ਚੈੱਕਮਾਰਕ ਸਮੇਤ ਉਪਭੋਗਤਾ ਵਿਸ਼ੇਸ਼ਤਾਵਾਂ ਤੱਕ ਪਹੁੰਚ ਪ੍ਰਾਪਤ ਕਰਨ ਲਈ ਪ੍ਰਤੀ ਮਹੀਨਾ $11 ਦਾ ਭੁਗਤਾਨ ਕਰਨਗੇ।” ਸਬਸਕ੍ਰਿਪਸ਼ਨ ਲੈਣ ਤੋਂ ਬਾਅਦ ਤੁਹਾਨੂੰ ਟਵੀਟ ਐਡਿਟ, 1080ਪੀ ਵੀਡੀਓ ਅਪਲੋਡ ਰੀਡਰ ਮੋਡ ਅਤੇ ਬਲੂ ਟਿਕ ਦੀ ਸੁਵਿਧਾ ਮਿਲੇਗੀ।